ಇಂದಿನಿಂದ ಮೈಸೂರಲ್ಲಿ ಕೋಳಿ, ಕುರಿ, ಮೀನು ಮಾರಾಟ ಆರಂಭ

Public TV
1 Min Read

– ಆದರೆ ಕಂಡೀಷನ್ ಅಪ್ಲೈ

ಮೈಸೂರು: ನಗರದಲ್ಲಿ ಕಳೆದ 20 ದಿನಗಳಿಂದ ಇದ್ದ ಹಕ್ಕಿಜ್ಚರದ ಭೀತಿ ಈಗ ಸಂಪೂರ್ಣವಾಗಿ ದೂರವಾಗಿದೆ. ಹಕ್ಕಿ ಜ್ವರದ ಹಿನ್ನೆಲೆಯಲ್ಲಿ ಮೈಸೂರಿನಲ್ಲಿ ಕೋಳಿ, ಕುರಿ ಹಾಗೂ ಮೀನು ಮಾರಾಟ ನಿರ್ಬಂಧಿಸಲಾಗಿತ್ತು. ಈಗ ಹಕ್ಕಿ ಜ್ವರದ ಭೀತಿ ದೂರವಾದ ಕಾರಣ ಕೋಳಿ, ಕುರಿ, ಮೀನು ಮಾರಾಟಕ್ಕೆ ಅವಕಾಶ ನೀಡಲಾಗಿದೆ.

ಆದರೆ ಕಂಡೀಷನ್ ಕೂಡ ಹಾಕಲಾಗಿದೆ. ವಾರದ ಮೂರು ದಿನ ಅಂದರೆ ಮಂಗಳವಾರ, ಶುಕ್ರವಾರ ಮತ್ತು ಭಾನುವಾರ ಮಾಂಸ ಮಾರಾಟಕ್ಕೆ ಅವಕಾಶ ಮಾಡಿಕೊಡಲಾಗಿದೆ. ಮಟನ್ ಕೆ.ಜಿ ಗೆ 500 ರೂ. ಮಾತ್ರ ಪಡೆಯಬೇಕು. ಚಿಕನ್ ಕೆ.ಜಿಗೆ 150 ರೂ. ಮಾತ್ರ ಪಡೆಯಬೇಕು ಎಂಬ ನಿರ್ಬಂಧ ಹೇರಲಾಗಿದೆ.

ಬೆಳಗ್ಗೆ 6 ಗಂಟೆಯಿಂದ ಸಂಜೆ 6 ಗಂಟೆಯವರೆಗೆ ಮಾತ್ರ ಮಾಂಸ ಮಾರಾಟ ಮಾಡಬೇಕು. ಈ ನಿರ್ಬಂಧಕ್ಕೆ ಒಳಪಟ್ಟಂತೆ ಇವತ್ತಿನಿಂದ ಮಾಂಸ ಮಾರಾಟ ಶುರುವಾಗಿದೆ. ಬಹುತೇಕ ಮಾರಾಟಗಾರರು ಮಾಸ್ಕ್ ಹಾಕಿಕೊಂಡು ಬಂದರೆ ಮಾತ್ರ ಮಾಂಸ ನೀಡಲಾಗುತ್ತದೆ ಎಂದು ಬೋರ್ಡ್ ಹಾಕಿಕೊಂಡಿದ್ದಾರೆ.

Share This Article
Leave a Comment

Leave a Reply

Your email address will not be published. Required fields are marked *