ನೈಪಿಡಾವ್: ನೋಬೆಲ್ ಶಾಂತಿ ವಿಜೇತೆ ಹಾಗೂ ಉಚ್ಚಾಟಿತ ನಾಯಕಿ ಆಂಗ್ ಸಾನ್ ಸೂಕಿ ಅವರಿಗೆ ಮ್ಯಾನ್ಮಾರ್ ಕೋರ್ಟ್ 4 ವರ್ಷ ಜೈಲು ಶಿಕ್ಷೆ ವಿಧಿಸಿದೆ.
ಕೋವಿಡ್-19 ಸಾಂಕ್ರಾಮಿಕ ರೋಗದ ಪ್ರಚೋದನೆಗೆ ಹಾಗೂ ಕಾನೂನು ಉಲ್ಲಂಘನೆಯ ಆರೋಪದ ಮೇಲೆ ಡಿಸೆಂಬರ್ 6 ರಂದು ನಾಲ್ಕು ವರ್ಷಗಳ ಜೈಲು ಶಿಕ್ಷೆಯನ್ನು ವಿಧಿಸಲಾಗಿದೆ. ಇದನ್ನೂ ಓದಿ: ಜಿಯೋ ಮಾರ್ಟ್ ವಿರುದ್ಧ ಸಿಡಿದ 4.50 ಲಕ್ಷ ಸೇಲ್ಸ್‌ಮನ್ಸ್
ಫೆಬ್ರವರಿ 1 ರಂದು ಮಿಲಿಟರಿ ದೇಶದದ ಚುಕ್ಕಾಣಿ ಹಿಡಿದ ಬಳಿಕ ಉಚ್ಚಾಟಿತ ನಾಯಕಿ ಆಂಗ್ ಸಾನ್ ಸೂಕಿ ವಿರುದ್ಧದ ಮೊದಲ ತೀರ್ಪು ಹೊರ ಬಿದ್ದಿದೆ. 76 ವರ್ಷದ ಮಾಜಿ ನಾಯಕಿ ಕೋವಿಡ್-19 ಕಾನೂನುಗಳ ಉಲ್ಲಂಘನೆ, ಅಧಿಕೃತ ಕಾನೂನು ರಹಸ್ಯಗಳ ಉಲ್ಲಂಘನೆ ಸೇರಿದಂತೆ ಹಲವು ಆರೋಪಗಳನ್ನು ಹೊರಿಸಿ ಪ್ರಕರಣ ದಾಖಲಾಗಿತ್ತು. ಇದನ್ನೂ ಓದಿ: ಪರಿಷತ್ ಚುನಾವಣೆ ಹತ್ತಿರ ಬರುತ್ತಿದ್ದಂತೆ ಬೀದರ್‌ನಲ್ಲಿ ಕುದುರೆ ವ್ಯಾಪಾರ ಜೋರು
ಸಾಮಾನ್ಯ ಜನರು ಈ ರೀತಿಯ ತಪ್ಪು ಎಸಗಿದ್ದಲ್ಲಿ 100 ವರ್ಷಗಳ ಜೈಲು ಶಿಕ್ಷೆಯನ್ನು ವಿಧಿಸಲಾಗುತ್ತದೆ ಎಂದು ವರದಿಯಾಗಿದೆ. ಫೆಬ್ರವರಿ 1 ರಂದು ಮಿಲಿಟರಿ ಅಧಿಕಾರವನ್ನು ವಶಪಡಿಸಿಕೊಂಡ ನಂತರ ಮಾಜಿ ನಾಯಕ ವಿನ್ ಮೈಂಟ್ ಕೂಡಾ ಇದೇ ರೀತಿಯಲ್ಲಿ ಜೈಲು ಶಿಕ್ಷೆಯನ್ನು ಪಡೆದಿದ್ದರು.
