ಬಿಡುವಿಲ್ಲದ ಸಮಯದಲ್ಲಿ ಹಸಿವಾದಾಗ ನಿಮಿಷಗಳಲ್ಲಿ ಹೊಟ್ಟೆ ತುಂಬಿಸಲು ಒಂದು ಸರಳ ರೆಸಿಪಿಯನ್ನು ನೀವು ಹುಡುಕುತ್ತಿದ್ದರೆ ನಾವಿಂದು ಸಿಂಪಲ್ ರಾಮೆನ್ ರೆಸಿಪಿಯನ್ನು ಹೇಳಿಕೊಡಲಿದ್ದೇವೆ. ನೂಡಲ್ಸ್‌ನಿಂದ ತಯಾರಿಸಲಾಗುವ ಅಡುಗೆಗೆ ರಾಮೆನ್ ಎಂದು ಜಪಾನ್‌ನಲ್ಲಿ ಕರೆಯಲಾಗುತ್ತದೆ. ಅದೇ ಜ್ಯಾಪನೀಸ್ ಸ್ಟೈಲ್‌ನ ಮಶ್ರೂಮ್ ರಾಮೆನ್ ರೆಸಿಪಿಯನ್ನು ನಾವಿಂದು ಹೇಗೆ ಮಾಡೋದೆಂದು ತಿಳಿದುಕೊಂಡು ಬರೋಣ.
ಬೇಕಾಗುವ ಪದಾರ್ಥಗಳು:
ಮೊಟ್ಟೆ – 4
ಮಧ್ಯಮ ಗಾತ್ರದಲ್ಲಿ ಕತ್ತರಿಸಿದ ಮಶ್ರೂಮ್ – 200 ಗ್ರಾಂ
ಚಿಕನ್/ತರಕಾರಿ ಸ್ಟಾಕ್ – ಒಂದೂವರೆ ಲೀ.
ನೂಡಲ್ಸ್ – 180 ಗ್ರಾಂ
ಹೆಚ್ಚಿದ ಸ್ಪ್ರಿಂಗ್ ಆನಿಯನ್ – 4
ಸೋಯಾ ಸಾಸ್ – 2 ಟೀಸ್ಪೂನ್
ಎಳ್ಳೆಣ್ಣೆ – 1 ಟೀಸ್ಪೂನ್ ಇದನ್ನೂ ಓದಿ: ನಾಲ್ಕೇ ಪದಾರ್ಥ ಬಳಸಿ ಮಾಡಿ ಫ್ರೆಂಚ್ ಆನಿಯನ್ ಪೋರ್ಕ್ ಚಾಪ್ಸ್
ಮಾಡುವ ವಿಧಾನ:
* ಮೊದಲಿಗೆ ಒಂದು ಪಾತ್ರೆಯಲ್ಲಿ ಸ್ವಲ್ಪ ನೀರು ಹಾಕಿ, ಕುದಿಸಿ, ಅದರಲ್ಲಿ ಮೊಟ್ಟೆ ಸೇರಿಸಿ 6 ನಿಮಿಷ ಬೇಯಿಸಿಕೊಳ್ಳಿ.
* ಬಳಿಕ ಮೊಟ್ಟೆಯನ್ನು ಜಾಗರೂಕತೆಯಿಂದ ನೀರಿನಿಂದ ತೆಗೆದು ತಣ್ಣಗಾಗಲು ಬಿಡಿ. ಬಳಿಕ ಅದರ ಸಿಪ್ಪೆ ತೆಗೆದು ಅರ್ಧಕ್ಕೆ ಕತ್ತರಿಸಿಕೊಳ್ಳಿ.
* ಇನ್ನೊಂದು ಪಾತ್ರೆಗೆ ಚಿಕನ್ ಅಥವಾ ತರಕಾರಿ ಸ್ಟಾಕ್ ಹಾಕಿ ಕುದಿಸಿಕೊಳ್ಳಿ.
* ಅದಕ್ಕೆ ಮಶ್ರೂಮ್ ಸೇರಿಸಿ 3 ನಿಮಿಷ ಕುದಿಸಿ.
* ಬಳಿಕ ಉರಿಯನ್ನು ಹೆಚ್ಚಿಸಿ, ನೂಡಲ್ಸ್ ಸೇರಿಸಿ, ಸುಮಾರು 3-4 ನಿಮಿಷ ಬೇಯಿಸಿಕೊಳ್ಳಿ.
* ನೂಡಲ್ಸ್ ಬೆಂದ ಬಳಿಕ ಉರಿಯನ್ನು ಆಫ್ ಮಾಡಿ, ಸ್ಪ್ರಿಂಗ್ ಆನಿಯನ್, ಸೋಯಾ ಸಾಸ್ ಹಾಗೂ ಎಳ್ಳೆಣ್ಣೆಯನ್ನು ಸೇರಿಸಿ ಮಿಶ್ರಣ ಮಾಡಿ.
* ಈಗ ಬೇಯಿಸಿದ ಮೊಟ್ಟೆಗಳನ್ನು ಅದರಲ್ಲಿಟ್ಟು ಅಲಂಕರಿಸಿದರೆ ಮಶ್ರೂಮ್ ರಾಮೆನ್ ಸವಿಯಲು ಸಿದ್ಧವಾಗುತ್ತದೆ. ಇದನ್ನೂ ಓದಿ: ಚಿಪ್ಸ್‌, ನಾಚೋಸ್‌ಗೆ ಪರ್ಫೆಕ್ಟ್‌ ಈ ಟೊಮೆಟೋ ಸಾಲ್ಸಾ
Web Stories
