ಮುಂಬೈ: ದೇಶದಲ್ಲಿ ಅತ್ಯಾಚಾರ ಪ್ರಕರಣಗಳು ಹೆಚ್ಚಾಗುತ್ತಿದ್ದು, ಕಳೆದ ತಿಂಗಳು ಚಿತ್ರ ನಟಿಯೊಬ್ಬರನ್ನ ಅತ್ಯಾಚಾರ ಎಸಗಿದ ಪ್ರಕರಣವೊಂದು ತಡವಾಗಿ ಬೆಳಕಿಗೆ ಬಂದಿದೆ.
31 ವರ್ಷದ ನಟಿ ಜನವರಿ 12 ರಂದು ರಾತ್ರಿ ತನ್ನ ಫೊಟೋ ಶೂಟ್ ಮುಗಿಸಿಕೊಂಡು ವಾಸೈನಲ್ಲಿ ಆಟೋ ರಿಕ್ಷಾಗೆ ಕಾಯುತಿದ್ದರು. ಅದೇ ಸಮಯಕ್ಕೆ ಬೈಕ್‍ನಲ್ಲಿ ಬಂದ ಪ್ರದೀಪ್ ತಿವಾರಿ (27) ಅಲಿಯಾಸ್ ಚಿಂಟು ನಟಿಯನ್ನು ದಹಿಸಾರ್ ರೈಲ್ವೆ ನಿಲ್ದಾಣಕ್ಕೆ ಕರೆದುಕೊಂಡು ಹೊಗುತ್ತೇನೆ ಎಂದು ನಂಬಿಸಿ ನಿರ್ಜನ ಪ್ರದೇಶಕ್ಕೆ ಕರೆದೊಯ್ದು ಅತ್ಯಾಚಾರ ಎಸಗಿದ್ದಾನೆ.
ನಟಿ ಜನವರಿ 12 ರಂದು ವಾಸೈನಲ್ಲಿ ಫೊಟೋ ಶೂಟ್ ಮುಗಿಸುಕೊಂಡು ದಹಿಸಾರ್ ರೈಲ್ವೆ ನಿಲ್ದಾಣಕ್ಕೆ ಹೋಗಲು ಆಟೋ ರಿಕ್ಷಾಗೆ ಕಾಯುತ್ತಿದ್ದರು. ಈ ಸಮಯಕ್ಕೆ ಕಾಯುತ್ತಿದ್ದ ಕಾಮುಕ ತಿವಾರಿ ನಟಿಗೆ ಡ್ರಾಪ್ ಕೊಡುತ್ತೇನೆ ಎಂದು ಪುಸಲಾಯಿಸಿ ಆಕೆಯನ್ನ ನಿರ್ಜನ ಪ್ರದೇಶಕ್ಕೆ ಕರೆದೊಯ್ದು ಅತ್ಯಾಚಾರವೆಸಗಿ ಪರಾರಿಯಾಗಿದ್ದ. ಪೊಲೀಸರ ಪ್ರಕಾರ ಆರೋಪಿ ತಿವಾರಿಯ ವಿರುದ್ಧ 2003 ರಿಂದ 9 ಅತ್ಯಾಚಾರ ಮತ್ತು ಲೈಂಗಿಕ ದೌರ್ಜನ್ಯ ಪ್ರಕರಣಗಳು ದಾಖಲಾಗಿವೆ.
ಘಟನೆ ನಂತರ ನಟಿಯನ್ನು ಸ್ಥಳೀಯ ಸಾರ್ವಜನಿಕ ಆಸ್ಪತ್ರೆಯಲ್ಲಿ ವೈದ್ಯಕೀಯ ತಪಾಸಣೆಗೆ ಒಳಪಡಿಸಲಾಗಿದೆ. ತಪಾಸಣೆ ವೇಳೆ ನಟಿಯ ಮೇಲೆ ಅತ್ಯಾಚಾರ ನಡೆದಿರುವುದು ದೃಢಪಟ್ಟಿದೆ. ನಟಿ ಜನವರಿ 14ರಂದು ತಿವಾರಿ ವಿರುದ್ಧ ದೂರನ್ನು ದಾಖಲಿಸಿದ್ದಾರೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ವಾರಿಯನ್ನ ಬಂಧಿಸಿ ವಿಚಾರಣೆಯನ್ನು ನಡೆಸುತ್ತಿದ್ದಾರೆ.
