ಈ ತಿಂಗಳನ್ನು ಇಸ್ಲಾಂನಲ್ಲಿ ಹೊಸ ವರ್ಷ ಅಂತಾ ಆಚರಣೆ ಮಾಡಲಾಗುತ್ತದೆ. ಯಾವುದೇ ಹಬ್ಬವಿರಲಿ ಹಬ್ಬದ ವಿಶೇಷತೆಗಾಗಿ ಸಿಹಿಯನ್ನು ಮಾಡಬೇಕಾಗುತ್ತದೆ. ಒಂದೊಂದು ಹಬ್ಬಕ್ಕೂ ಅದರದ್ದೆ ಆದ ಸಿಹಿ ತಿನಿಸುಗಳನ್ನು ಮಾಡುತ್ತಾರೆ. ಅಂತೆಯೇ ಮೊಹರಂ ಹಬ್ಬಕ್ಕಾಗಿ ವಿಶೇಷವಾಗಿ ಚೋಂಗೆ ಅಥವಾ ರೋಟಿ ಮಾಡುವ ವಿಧಾನ ಇಲ್ಲಿದೆ..
ಬೇಕಾಗುವ ಸಾಮಾಗ್ರಿಗಳು
1. ಗೋಧಿ ಹಿಟ್ಟು – 2 ಕಪ್
2. ಮೈದಾ ಹಿಟ್ಟು – 1 ಕಪ್
3. ಉಪ್ಪು – ರುಚಿಗೆ ತಕ್ಕಷ್ಟು
4. ಅಡುಗೆ ಎಣ್ಣೆ
5. ಸಕ್ಕರೆ – ಅರ್ಧ ಕಪ್ ಅಥವಾ ಬೆಲ್ಲ
6. ಗಸೆಗಸೆ
7. ಹುರಿಗಡ್ಲೆ ಪುಡಿ
8. ಕೊಬ್ಬರಿ ತುರಿ -ಸ್ವಲ್ಪ
ಮಾಡುವ ವಿಧಾನ:
* ಒಂದು ಬೌಲ್ ಗೆ ಗೋಧಿ ಹಿಟ್ಟು, ಮೈದಾ ಹಿಟ್ಟು, ಸ್ವಲ್ಪ ಉಪ್ಪು ಮತ್ತು ಎರಡು ಚಮಚ ಎಣ್ಣೆ ಹಾಕಿ ಮಿಕ್ಸ್ ಮಾಡಿ.
* ಬಳಿಕ ಸ್ವಲ್ಪ ಸ್ವಲ್ಪ ನೀರು ಹಾಕಿ ಹಿಟ್ಟಿನ ಹದಕ್ಕೆ ರೆಡಿ ಮಾಡಿಕೊಳ್ಳಿ.
* ನಂತರ ಸಣ್ಣ ಸಣ್ಣ ಉಂಡೆಗಳನ್ನಾಗಿ ಮಾಡಿಕೊಳ್ಳಿ.
* ಮಾಡಿಕೊಂಡಿದ್ದ ಉಂಡೆಗಳನ್ನು ದಪ್ಪ ಚಪಾತಿ ರೀತಿ ಲಟ್ಟಿಸಿ.
* ಬೇಯಿಸುವ ಮುನ್ನ ಚಿಕ್ಕ ಚಿಕ್ಕದಾಗಿ ಸ್ಮಾಲ್ ಪೀಕ್ ಮಾಡಿಕೊಳ್ಳಿ. (ಮೋಹರಂ ರೋಟಿ ಮಾಡುವ ಅಚ್ಚು ಇಲ್ಲದೇ ಇರದೇ ಇದ್ದ ಪಕ್ಷದಲ್ಲಿ)
* ಇತ್ತ ಕಾದ ಹಂಚಿನ ಮೇಲೆ ಲಟ್ಟಿಸಿದ ರೋಟಿಯನ್ನು ಹಾಕಿ, ಎರಡೂ ಬದಿಯಲ್ಲೂ ಚೆನ್ನಾಗಿ ಬೇಯಿಸಿರಿ.
* ನಂತ್ರ ರೋಟಿಯನ್ನು ಒಂದು ತಟ್ಟೆಗೆ ಹಾಕಿ
* ಆ ರೋಟಿ ಮೇಲೆ ಮೊದಲು ಸ್ವಲ್ಪ ಕೊಬ್ಬರಿ ತುರಿ, ಹುರಿಗಡಲೆ ಪುಡಿ, ಗಸೆಗಸೆ ಮತ್ತು ಕೊನೆಯದಾಗಿ ಸಕ್ಕರೆ ಪುಡಿಯನ್ನು ಉದುರಿಸಿದರೆ ಸಿಹಿಯಾದ ರೋಟಿ ಸವಿಯಲು ಸಿದ್ಧ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
