ಬೆಂಗಳೂರು: ತಾಯಿಯೇ ಮಗನಿಗೆ ಚಾಕುವಿನಿಂದ ಇರಿದು ಕೊಲೆಗೈದ ಘಟನೆ ಜೆಜೆ ನಗರದ ವಿಎಸ್ ಗಾರ್ಡನ್ ನಲ್ಲಿ ನಡೆದಿದೆ.
ರಮೇಶ್ (22) ಸಾವನ್ನಪ್ಪಿರುವ ಯುವಕನಾಗಿದ್ದು, ಈ ಘಟನೆ ಶುಕ್ರವಾರ ರಾತ್ರಿ ನಡೆದಿದೆ. ರಮೇಶ್ ನಿನ್ನೆ ರಾತ್ರಿ ಚಾಕುವಿನೊಂದಿಗೆ ಮನೆಗೆ ಬಂದು ತಾಯಿ ಬಳಿ ಹಣ ನೀಡುವಂತೆ ಒತ್ತಾಯಿಸಿದ್ದಾನೆ. ಈ ವೇಳೆ ತಾಯಿ-ಮಗನ ನಡುವೆ ಗಲಾಟೆ ನಡೆದಿದೆ.
ಗಲಾಟೆ ತಾರಕ್ಕೇರಿದಾಗ ತಾಯಿಯು ಮಗನ ಕೈಯಲ್ಲಿದ್ದ ಚಾಕುವನ್ನು ಎಳೆದುಕೊಂಡು ಆತನ ಎದೆಗೆ ಇರಿದಿದ್ದಾಳೆ. ಪರಿಣಾಮ ರಮೇಶ್ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾನೆ. ಸದ್ಯ ಜೆಜೆ ನಗರ ಪೊಲೀಸರು ಮೃತನ ತಾಯಿಯನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ.
