ಹುಬ್ಬಳ್ಳಿ: ಮುಂಜಾನೆ ತಾಯಿ ತೀರಿಹೋಗಿದ್ದರೂ ಕೂಡ ಮತದಾನ ಮಾಡುವುದು ತಮ್ಮ ಕರ್ತವ್ಯ ಎಂದು ಹೆತ್ತಮ್ಮನ ಸಾವಿನ ನೋವಿನ ನಡುವೆಯೂ ಮಗ ವೋಟ್ ಮಾಡಿದ್ದಾರೆ.
ಹುಬ್ಬಳ್ಳಿಯ ಮಡಿವಾಳ ನಗರದ ನಿವಾಸಿಗಳಾದ ಸಿ.ಎನ್. ನಾಯಕ ಹಾಗೂ ಅವರ ಪತ್ನಿ ಇಂದಿರಾ ನಾಯಕ ಸಾವಿನ ನೋವಿನಲ್ಲೂ ಮತಗಟ್ಟೆಗೆ ಬಂದು ತಮ್ಮ ಹಕ್ಕು ಚಲಾವಣೆ ಮಾಡಿದ್ದಾರೆ. ಜಿಲ್ಲೆಯ ಭವಾನಿ ನಗರದ ಮತಗಟ್ಟೆ 110ರಲ್ಲಿ ಈ ದಂಪತಿ ಮತದಾನ ಮಾಡಿದ್ದಾರೆ.
ಇಂದು ಮುಂಜಾನೆ 4 ಗಂಟೆ ಸುಮಾರಿಗೆ ಸಿ.ಎನ್. ನಾಯಕ ಅವರ ತಾಯಿ ವಿಮಲಾ ನಾಯಕ(89) ಸಾವನ್ನಪ್ಪಿದ್ದಾರೆ. ತಾಯಿ ಅಂಕೋಲಾದಲ್ಲಿ ವಾಸಿಸುತ್ತಿದ್ದು, ಮಗ ಸೊಸೆ ಹುಬ್ಬಳ್ಳಿಯಲ್ಲಿ ನೆಲೆಸಿದ್ದಾರೆ. ತಾಯಿ ತೀರಿಹೋಗಿದ್ದಾರೆ ಎಂದು ಮಾಹಿತಿ ತಿಳಿದ ಬಳಿಕ ಮಗ ಹಾಗೂ ಸೊಸೆ ಅಂಕೋಲಾದತ್ತ ಪಯಣ ಬೆಳೆಸುವ ಮೊದಲು ಮತದಾನ ಮಾಡಿ ಭಾರತೀಯ ಪ್ರಜೆಯ ಕರ್ತವ್ಯವನ್ನು ಮಾಡಿದ್ದಾರೆ.
