ಪಾಟ್ನಾ: ತಾಯಿಯೊಬ್ಬಳು ಯಾವಾಗಲೂ ಅಳುತ್ತಿದ್ದಾನೆ ಎಂದು ಮಗನ ತುಟಿಗಳಿಗೆ ಗಮ್ ಹಾಕಿರುವ ವಿಲಕ್ಷಣ ಘಟನೆ ಬಿಹಾರದ ಛಪ್ರಾದಲ್ಲಿ ನಡೆದಿದೆ.
ಶೋಭಾ ಮಗುವಿನ ಬಾಯಿಗೆ ಗಮ್ ಹಾಕಿದ ತಾಯಿ. ಈಕೆ ಎಷ್ಟೇ ಸಮಾಧಾನ ಮಾಡಿದರೂ ಮಗು ಅಳುವುದನ್ನು ನಿಲ್ಲಿಸಿಲ್ಲ ಎಂದು ಕೊನೆಗೆ ಮನೆಯಲ್ಲಿಯೇ ಇದ್ದ ಗಮ್ ತೆಗೆದುಕೊಂಡು ಮಗುವಿನ ತುಟಿಗೆ ಹಾಕಿದ್ದಾಳೆ.
ನಾನು ಕೆಲಸಕ್ಕೆ ಹೋಗಿ ಮನೆಗೆ ಮರಳಿದ್ದೆ. ಆಗ ಮಗು ಏನು ಮಾತನಾಡದೆ ಸುಮ್ಮನೆ ಕುಳಿತ್ತಿದ್ದ. ನಂತರ ಆತನನ್ನು ನೋಡಿದಾಗ ಬಾಯಿಯಿಂದ ನೊರೆ ಬರುತ್ತಿತ್ತು. ತಕ್ಷಣ ನಾನು ಮಗನಿಗೆ ಏನಾಗಿದೆ ಎಂದು ಪತ್ನಿ ಶೋಭಾಳನ್ನು ಕೇಳಿದೆ. ಆಗ ಶೋಭಾ, ಆತನೂ ಯಾವಾಗಲೂ ಅಳುತ್ತಿದ್ದನು. ಏನೇ ಮಾಡಿದರು ಅಳುವನ್ನು ನಿಲ್ಲಿಸಲಿಲ್ಲ. ಆದ್ದರಿಂದ ತುಟಿಗಳಿಗೆ ಗಮ್ ಹಾಕಿರುವುದಾಗಿ ತಿಳಿಸಿದಳು ಎಂದು ಮಗುವಿನ ತಂದೆ ಹೇಳಿದ್ದಾರೆ.
ತುಟಿಗಳಿಗೆ ಗಮ್ ಹಾಕಿದ್ದ ಪರಿಣಾಮ ಮಗು ಅಳುವುದನ್ನು ನಿಲ್ಲಿಸಿದ್ದನು. ಆದರೆ ಗಮ್ ಅಂಟಿಕೊಂಡಿದ್ದ ಪರಿಣಾಮ ಮಗು ಬಾಯಿಯನ್ನು ತೆರೆಯಲು ಸಾಧ್ಯವಾಗಿಲ್ಲ. ಕೂಡಲೇ ಮಗುವನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಸದ್ಯಕ್ಕೆ ವೈದ್ಯರು ಪರೀಕ್ಷೆ ಮಾಡಿ ಯಾವುದೇ ಅಪಾಯವಿಲ್ಲ ಎಂದು ತಿಳಿಸಿದ್ದಾರೆ.
