ಅತ್ತಿತ್ತ ನೋಡ್ತಾಳೆ-ಬ್ಯಾಗ್‍ನಲ್ಲಿ ಮೊಬೈಲ್ ಹಾಕ್ತಾಳೆ

-ಸಿಸಿಟಿವಿಯಲ್ಲಿ ಸೆರೆಯಾಯ್ತು ಕಿಲಾಡಿ ಕಳ್ಳಿಯ ಕೈ ಚಳಕ

ಬೆಂಗಳೂರು: ಕಳ್ಳರು ಹೇಗೆ ನಮ್ಮ ಮುಂದೆ ಬರ್ತಾರೆ ಎಂಬುದನ್ನು ಊಹಿಸಲು ಸಾಧ್ಯವಿಲ್ಲ. ಕೆಲವೊಮ್ಮೆ ನಮ್ಮ ಮುಂದೆ ನಿಂತಿದ್ರೂ ಗುರುತಿಸದಷ್ಟು ಸಾಮಾನ್ಯರಂತೆ ನಿಂತಿರುತ್ತಾರೆ. ಅಯ್ಯೋ ಪಾಪ ಅನ್ನುವಷ್ಟರಲ್ಲಿ ನಮ್ಮ ಬಳಿಯ ವಸ್ತು ಕದ್ದು ಮಿಂಚಿನಂತೆ ಮಾಯವಾಗಿರತ್ತಾರೆ. ಅಂತಹುದೇ ಘಟನೆಯೊಂದು ನಗರದ ಬನ್ನೇರುಘಟ್ಟ ರಸ್ತೆಯಲ್ಲಿರುವ ರಾಯಲ್ ಮೀನಾಕ್ಷಿ ಮಾಲ್ ನಲ್ಲಿ ನಡೆದಿದೆ.

ಇದೇ ತಿಂಗಳು 4ನೇ ತಾರೀಖಿನಂದು ರಾತ್ರಿ 9.55ಕ್ಕೆ ಕಳ್ಳತನ ನಡೆದಿದ್ದು, ಕಳ್ಳಿಯ ಕೈಚಳಕ ಮಾಲ್ ನಲ್ಲಿಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಐಸ್ ಕ್ರೀಂ ಖರೀದಿಗೆ ಬಂದ ಮಹಿಳೆಯೊಬ್ಬಳು ಸಿಬ್ಬಂದಿ ಹೊರಗಡೆತಯಿಂದ ಒಳಗಡೆ ಬರುತ್ತಲೇ ಕ್ಷಣಾರ್ಧದಲ್ಲಿ ಮೊಬೈಲ್ ಕದ್ದು ಎಸ್ಕೇಪ್ ಆಗಿದ್ದಾಳೆ.

ವಿಡಿಯೋದಲ್ಲಿ ಏನಿದೆ?
ಫೆಬ್ರವರಿ 4ನೇ ತಾರೀಖು ರಾಯಲ್ ಮಿನಾಕ್ಷಿ ಮಾಲ್ ನಲ್ಲಿ ಯ ಐಸ್ ಕ್ರೀಂ ಪಾರ್ಲರ್ ಗೆ ಬಂದ ಮಹಿಳೆ ಐಸ್ ಕ್ರೀಂ ಖರೀದಿಸಿದ್ದಾಳೆ. ಈ ವೇಳೆ ಸ್ಪೂನ್ ಇಲ್ಲವೆಂದು ಮಾಲ್ ಸಿಬ್ಬಂದಿ ಪಕ್ಕದ ಸ್ಟೋರ್ ನತ್ತ ಹೋಗಿದ್ದಾರೆ. ಕೇವಲ ಒಂದೆರೆಡು ನಿಮಿಷದಲ್ಲಿ ಅತ್ತಿತ್ತ ಕಣ್ಣು ಹಾಯಿಸಿದ ಕಳ್ಳಿ ಕೌಂಟರ್ ನಲ್ಲಿದ್ದ ಮೊಬೈಲ್ ಬಾಗ್‍ನಲ್ಲಿ ಹಾಕಿಕೊಂಡಿದ್ದಾಳೆ. ಇತ್ತ ಮಾಲ್ ಸಿಬ್ಬಂದಿ ಬರುತ್ತಿದ್ದಂತೆ ಸ್ಪೂನ್ ಪಡೆದ ಆಕೆ ಏನು ಗೊತ್ತಿಲ್ಲದಂತೆ ಅಲ್ಲಿಂದ ಕಾಲ್ಕಿತ್ತಿದ್ದಾಳೆ.

ಕೌಂಟರ್ ಒಳಗೆ ಬಂದ ಸಿಬ್ಬಂದಿ ಮೊಬೈಲ್ ಕಾಣದಿದ್ದಾಗ ಸಿಸಿಟಿವಿ ದೃಶ್ಯಾವಳಿ ಪರಿಶೀಲಿಸಿದಾಗ ಕಳ್ಳಿಯ ಕೈ ಚಳಕ ಗೊತ್ತಾಗಿದೆ. ಈ ಸಂಬಂಧ ಹುಳಿಮಾವು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.