ಸ್ಯಾಂಡಲ್‌ವುಡ್‌ನಲ್ಲಿ ಹೊಸ ಹವಾ ಕ್ರಿಯೇಟ್ ಮಾಡಿರೋ ‘ಕೌಸಲ್ಯ ಸುಪ್ರಜಾ ರಾಮ’ (Kausalya Supraja Rama) ಸಿನಿಮಾ ಇದೇ ಜುಲೈ 28ಕ್ಕೆ ತೆರೆಗೆ ಬರೋದ್ದಕ್ಕೆ ಸಜ್ಜಾಗಿದೆ. ಇದರ ನಡುವೆ ’90 ಹಾಕು ಕಿಟ್ಟಪ್ಪ’ ಸಾಂಗ್ ಭಾರೀ ವೈರಲ್ ಆಗುತ್ತಿದೆ. ಮಿಲನಾ ಎಣ್ಣೆ ಏಟಿನ ಹಾಡಿಗೆ ಬಿಗ್ ರೆಸ್ಪಾನ್ಸ್ ಸಿಕ್ತಿದೆ. ಈ ಹಾಡಿನ ಬಗ್ಗೆ ನಟಿ ಮಿಲನಾ ಕೂಡ ಮಾತನಾಡಿದ್ದಾರೆ.
ಡಾರ್ಲಿಂಗ್ ಕೃಷ್ಣ(Darling Krishna), ಮಿಲನಾ, ಬೃಂದಾ ಕಾಂಬೋಗೆ ಸ್ಟಾರ್ ಡೈರೆಕ್ಟರ್ ಶಶಾಂಕ್ (Director Shashank) ಅವರು ನಿರ್ದೇಶನ ಮಾಡಿದ್ದಾರೆ. 90 ಹಾಕು ಕಿಟ್ಟಪ್ಪ ಹಾಡಿನ ಜರ್ನಿ ಬಗ್ಗೆ ಮಿಲನಾ ತೆರೆ ಹಿಂದಿನ ಶ್ರಮದ ಬಗ್ಗೆ ಬಿಚ್ಚಿಟ್ಟಿದ್ದಾರೆ. ನಾನು ರಿಯಲ್ ಲೈಫ್‌ನಲ್ಲಿ ಕುಡಿಯೋದಿಲ್ಲ. ಈ ಸಾಂಗ್ ಮಾಡುವಾಗ ಕುಡಿದಿರೋ ರೀತಿ ಆಕ್ಟ್ ಮಾಡಬೇಕಾಗಿತ್ತು. ಎಷ್ಟೋ ಜನ ಹೇಳ್ತಿದ್ದಾರೆ. ಸಾಂಗ್‌ಗೂ ಡ್ಯಾನ್ಸ್ ಕನೆಕ್ಟ್ ಆಗುತ್ತಿಲ್ಲ ಅಂತಾ ಹೇಳ್ತಿದ್ದಾರೆ. ಕುಡಿದವರು ಹಾಗೇ ಡ್ಯಾನ್ಸ್ ಮಾಡುತ್ತಾರೆ ಅನಿಸುತ್ತೆ.
ಇಂತಹ ಒಂದು ಪಾತ್ರ ಮಾಡಬೇಕಾದರೆ ಮೆಂಟಲಿ ಫಿಸಿಕಲಿ ರೆಡಿಯಾಗಿರಬೇಕಾಗುತ್ತದೆ. ಕುಡಿದರೆ ಹೇಗೆ ವರ್ತಿಸುತ್ತಾರೆ ಎಂಬುದನ್ನ ನಾನು ಫೀಲ್ ಮಾಡಿಲ್ಲ. ಇದನೆಲ್ಲ ಊಹೆ ಮಾಡಿಕೊಂಡು ಸಾಂಗ್ ಮಾಡಿರೋದು. ಯೆಸ್.. ಸಾಂಗ್ ಶೂಟ್ ಕಷ್ಟವಾಗಿತ್ತು. ಲಿಪ್ ಸಿಂಕ್ ಮಾಡುತ್ತಾ ಆಕ್ಟ್ ಮಾಡಬೇಕು. ಪಾತ್ರಕ್ಕೆ ಬೇಕಾಗಿರೋದ್ರಿಂದ ಈ ತರಹ ಸಾಂಗ್ ಮಾಡಿದೆ.
90 ಹಾಕು ಕಿಟ್ಟಪ್ಪ ಸಾಂಗ್ ಕೆಲವರು ನೆಗೆಟಿವ್ ಕಾಮೆಂಟ್ ಮಾಡಿರುವ ಬಗ್ಗೆ ನಟಿ ರಿಯಾಕ್ಟ್ ಮಾಡಿದ್ದಾರೆ. ‘ಲವ್ ಮಾಕ್ಟೈಲ್ 1’ & ‘ಲವ್ ಮಾಕ್ಟೈಲ್ 2’ ಎರಡರಲ್ಲೂ ನಿಧಿಮಾ(Nidhima) ಆಗಿ ಕಾಣಿಸಿಕೊಂಡಿದ್ದೀನಿ. ಪಾತ್ರ ಅಂತಾ ಬಂದಾಗ ಬೇರೆ ಬೇರೆ ಪಾತ್ರಗಳನ್ನ ಆಯ್ಕೆ ಮಾಡಬೇಕಾಗುತ್ತದೆ. ಇದೊಂದೇ ಪಾತ್ರ ಅಂತಾ ನಾವು ಕೂರೋಕೆ ಆಗಲ್ಲ. ನಿಧಿಮಾ ಪಾತ್ರ ನನ್ನ ಕೆರಿಯರ್‌ನಲ್ಲಿ ಬಹುದೊಡ್ಡ ಬ್ರೇಕ್ ಕೊಟ್ಟಿದೆ. ಸಿನಿಮಾದಲ್ಲಿ ಮುತ್ತುಲಕ್ಷ್ಮಿ ಪಾತ್ರ ಪ್ಲೇ ಮಾಡಿದ್ದೀನಿ. ಆದರೆ ತುಂಬಾ ಸೆನ್‌ಸಿಟಿವ್ ಆಗಿ ಒಳ್ಳೆಯ ರೀತಿಯ ಸಂದೇಶ ಇಟ್ಟುಕೊಂಡೆ ಸಿನಿಮಾದಲ್ಲಿ ತೋರಿಸಲಾಗಿದೆ ಎಂದು ಮಿಲನಾ (Milana) ಮಾತಾಡಿದ್ದಾರೆ. ಇದನ್ನೂ ಓದಿ:ರಾಜಮೌಳಿ ಡೈರೆಕ್ಷನ್, ರಾಮ್ ಚರಣ್ ಜೊತೆ ಆಕ್ಟಿಂಗ್- ಪ್ರಭಾಸ್ ಕೊಟ್ರು ಗುಡ್ ನ್ಯೂಸ್
ನಿಧಿಮಾ ಪಾತ್ರವನ್ನ ಜನ ಎಷ್ಟು ಹಚ್ಚಿಕೊಂಡಿದ್ದಾರೆ ಅನ್ನೋದು ನನಗೆ ಗೊತ್ತು. ಅದಕ್ಕೆ ಶಶಾಂಕ್ ಅವರು ಕಥೆ ಹೇಳಿದಾಗ ಸಿನಿಮಾ ಮಾಡೋದಾ ಬೇಡ್ವಾ ಅಂತಾ ತುಂಬಾ ಯೋಚನೆ ಮಾಡಿದೆ ಎಂದು ನಟಿ ಹೇಳಿದ್ದಾರೆ. ಈ ಪಾತ್ರ ವೆರೈಟಿ ಆಗಿದೆ. ಕಥೆ ಹಣೆದಿರುವ ರೀತಿ ಡಿಫರೆಂಟ್ ಆಗಿದೆ. ಮನೆಮಂದಿ ಕುಳಿತು ನೋಡುವ ಸಿನಿಮಾ ಇದಾಗಿದೆ. ಇದೇ ಜುಲೈ 28ಕ್ಕೆ ‘ಕೌಸಲ್ಯ ಸುಪ್ರಜಾ ರಾಮ’ ತೆರೆಗೆ ಬರಲಿದೆ ಸಿನಿಮಾ ನೋಡಿ ಅಂತಾ ಮಿಲನಾ ಮನವಿ ಮಾಡಿದ್ದಾರೆ.
