ಜೈಪುರ: ಈ ವ್ಯಕ್ತಿಯನ್ನು ನೋಡಿ ವ್ಯದ್ಯರೇ ಶಾಕ್ ಆಗಿದ್ದಾರೆ. ಈದುವರೆಗೂ ಇಂಥ ವ್ಯಕ್ತಿಯನ್ನು ಯಾರೂ ನೋಡಿಯೇ ಇಲ್ಲ. ಇಂತಹದೊಂದು ಅಚ್ಚರಿಪಡುವಂತಹ ಘಟನೆ ರಾಜಸ್ತಾನದಲ್ಲಿ ನಡೆದಿದೆ.
ಹೌದು, ಕೋಟಾದಲ್ಲಿ 56 ವರ್ಷದ ಬದ್ರಿಲಾಲ್ ಎಂಬವರ ದೇಹದಲ್ಲಿ ಬರೋಬ್ಬರಿ 150 ಗುಂಡು ಸೂಜಿಗಳು ಸಿಕ್ಕಿವೆ. ಆದರೆ ಈ ಸೂಜಿಗಳು ನನ್ನ ದೇಹದೊಳಗೆ ಹೇಗೆ ಹೋಗಿದೆ ಅನ್ನುವುದೆ ಗೊತ್ತಿಲ್ಲ ಅಂತ ಬದ್ರಿಲಾಲ್ ಹೇಳಿದ್ದಾರೆ.
ದೇಹದ ಕೆಲವು ಕಡೆ ಅಂದರೆ ಗಂಟಲು, ಪಾದ, ಕುತ್ತಿಗೆ ಹೀಗೆ ಹಲವಾರು ಭಾಗಗಳಿಗೆ ಸೂಜಿ ಸಿಕ್ಕಿಕೊಂಡಿರುವುದು ಕಂಡು ಬಂದಿದೆ. ದೇಹದಲ್ಲಿ ಸಿಕ್ಕಿಕೊಂಡಿರುವ ಎಲ್ಲ ಸೂಜಿಗಳಲ್ಲಿ ಒಂದು ಮಾತ್ರ ತುಕ್ಕು ಹಿಡಿದಿದೆ. ಈ ಸೂಜಿಗಳು 6 ತಿಂಗಳ ಹಿಂದೆಯೇ ದೇಹಕ್ಕೆ ಹೋಗಿರಬಹುದು ಎಂದು ವೈದ್ಯರು ಶಂಕೆ ವ್ಯಕ್ತಪಡಿಸಿದ್ದಾರೆ.
ಇದೂವರೆಗೂ ಆಸ್ಪತ್ರೆಗಳಿಗೆ ಬದ್ರಿಲಾಲ್ ಅವರು ಆರು ಬಾರಿ ಹೋಗಿ ಬಂದಿದ್ದಾರೆ. ಆದರೆ ಇಷ್ಟೆಲ್ಲಾ ಸೂಜಿಗಳು ದೇಹದಲ್ಲಿದ್ದರೂ ಇವರು ಬದುಕಿದ್ದೆ ಹೆಚ್ಚು ಎಂದು ವೈದ್ಯರು ಹೇಳಿದ್ದಾರೆ. ಈಗ 91 ಸೂಜಿಗಳನ್ನು ಹೊರ ತಗೆಯಲಾಗಿದೆ. ದೇಹದ ಸೂಕ್ಷ್ಮವಾದ ಜಾಗಗಳಲ್ಲಿ ಸೂಜಿಗಳು ಚುಚ್ಚಿಕೊಂಡಿದ್ದರಿಂದ ಹೊರ ತಗೆಯಲು ವೈದ್ಯರು ಹರ ಸಾಹಸಪಡುತ್ತಿದ್ದಾರೆ.
