ಈ ತಂಪಾದ ವಾತಾವರಣದಲ್ಲಿ ಬಿಸಿ ಬಿಸಿಯಾಗಿ ಏನಾದರೂ ತಿನ್ನಬೇಕು ಎನಿಸುತ್ತೆ. ಎಗ್ ಪ್ರಿಯರಿಗೆ ಇಲ್ಲೊಂದು ಸೂಪರ್ ರೆಸಿಪಿ ಇದೆ. ಎಗ್‍ನಲ್ಲಿ ಮಾಡುವ ಎಲ್ಲ ರೆಸಿಪಿಗಳು ಸಿಂಪಲ್. ಅದರಂತೆ ಇಂದು ನಾವು ಮಸಾಲಾ ಎಗ್ ಭುರ್ಜಿ ಮಾಡುವುದು ಹೇಗೆ ಎಂಬ ಉಪಾಯವನ್ನು ಹೇಳಿಕೊಡುತ್ತೇವೆ.
ಬೇಕಾಗಿರುವ ಪದಾರ್ಥಗಳು:
* ಎಣ್ಣೆ – 2 ಟೀಸ್ಪೂನ್
* ಬೆಣ್ಣೆ – 3 ಟೀಸ್ಪೂನ್
* ಬೆಳ್ಳುಳ್ಳಿ – 1 ಟೀಸ್ಪೂನ್
* ಹಸಿರು ಮೆಣಸಿನಕಾಯಿಗಳು – 2 ಟೀಸ್ಪೂನ್
* ಶುಂಠಿ – 2 ಟೀಸ್ಪೂನ್
* ಕರಿಬೇವಿನ ಎಲೆ – 6-7
* ಕಟ್ ಮಾಡಿದ ಈರುಳ್ಳಿ – 1/2 ಕಪ್
* ಉಪ್ಪು – 3 ಟೀಸ್ಪೂನ್
* ಅರಿಶಿನ ಪುಡಿ – 2 ಟೀಸ್ಪೂನ್
* ಮೆಣಸಿನ ಪುಡಿ – 2 ಟೀಸ್ಪೂನ್
* ಪಾವ್ ಭಾಜಿ ಮಸಾಲಾ – 1 1/2 ಟೀಸ್ಪೂನ್
* ಕೊತ್ತಂಬರಿ ಸೊಪ್ಪು – 1 ಟೀಸ್ಪೂನ್
ಮಾಡುವ ವಿಧಾನ:
* ಎಗ್ ಬೇಯಿಸಿ ಅವುಗಳನ್ನು ಚಿಕ್ಕ-ಚಿಕ್ಕದಾಗಿ ಕಟ್ ಮಾಡಿ.
* ಬಾಣಲೆಗೆ ಎಣ್ಣೆಯನ್ನು ಹಾಕಿ ಅದಕ್ಕೆ ಬೆಣ್ಣೆ, ಬೆಳ್ಳುಳ್ಳಿ, ಹಸಿರು ಮೆಣಸಿನಕಾಯಿ ಮತ್ತು ಶುಂಠಿ ಸೇರಿಸಿ ಗೋಲ್ಡನ್ ಬ್ರೌನ್ ಬರುವವರೆಗೂ ಚೆನ್ನಾಗಿ ಫ್ರೈ ಮಾಡಿ.
* ಈಗ ಕರಿಬೇವಿನ ಎಲೆಗಳು ಮತ್ತು ಕತ್ತರಿಸಿದ ಈರುಳ್ಳಿಯನ್ನು ಬಾಣಲೆಗೆ ಮಿಶ್ರಣ ಮಾಡಿ ಒಟ್ಟಿಗೆ ಹುರಿಯಿರಿ.
* ಉಪ್ಪು, ಅರಿಶಿನ ಪುಡಿ, ಮೆಣಸಿನ ಪುಡಿ, ಪಾವ್ ಭಾಜಿ ಮಸಾಲಾ ಮಿಶ್ರಣ ಮಾಡಿ. ಕೊನೆಗೆ ಕಟ್ ಮಾಡಿದ ಎಗ್, ಕೊತ್ತಂಬರಿ ಸೊಪ್ಪು ಮತ್ತು ಕತ್ತರಿಸಿದ ಟೊಮೆಟೊ ಹಾಕಿ ಫ್ರೈ ಮಾಡಿ. ಕೊನೆಗೆ ಸ್ವಲ್ಪ ಬೆಣ್ಣೆಯನ್ನು ಹಾಕಿ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ.
– ಮಸಾಲಾ ಎಗ್ ಭುರ್ಜಿಯನ್ನು ಬ್ರೇಡ್ ಅಥವಾ ಚಪಾತಿಗೆ ಹಾಕಿಕೊಂಡು ಸವಿಯಬಹುದು.
