– ಚಲಿಸುತ್ತಿದ್ದ ಸೈಕಲ್ ರಿಕ್ಷಾದಿಂದ ಬಾಲಕ ಬಚಾವ್
ಭೋಪಾಲ್: ಪುಟ್ಟ ಬಾಲಕನೊಬ್ಬ ಮನೆಯ ಎರಡನೇ ಮಹಡಿ ಮೇಲೆ ಆಟವಾಡುತ್ತಾ ಕೆಳಗೆ ಬಿದ್ದರೂ ಪವಾಡ ರೀತಿ ಬಜಾವ್ ಆಗಿರುವ ಘಟನೆ ಮಧ್ಯಪ್ರದೇಶದ ಟಿಕಾಮ್ಗಾರ್ ನಗರದಲ್ಲಿ ನಡೆದಿದೆ.
ಬಾಲಕ ನೇರವಾಗಿ ಚಲಿಸುತ್ತಿದ್ದ ಸೈಕಲ್ ರಿಕ್ಷಾ ಬಾಸ್ಕೆಟ್‍ನಲ್ಲಿ ಬಿದ್ದಿದ್ದರಿಂದ ಭಾರೀ ಅನಾಹುತ ತಪ್ಪಿದೆ. ಅದೃಷ್ಟವಶಾತ್ ಬಾಲಕ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ. ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
#WATCH Tikamgarh: A child fell from a building on a rickshaw that was passing on road below. Child's father Ashish Jain says,"He was playing on 2nd floor with family members. He fell from railing after he lost his balance. He was examined at a hospital & is safe". #MadhyaPradesh pic.twitter.com/3yDOzZmB9y
— ANI (@ANI) October 20, 2019
ಸೈಕಲ್ ರಿಕ್ಷಾ ಚಾಲಕ ನಗರದ ಬೀದಿಯಲ್ಲಿ ಹೊರಟಿದ್ದ. ಈ ವೇಳೆ ಎರಡನೇ ಮಹಡಿಯಿಂದ ಮಗು ಸೈಕಲ್ ರಿಕ್ಷಾದ ಬಾಸ್ಕೆಟ್‍ನಲ್ಲಿ ಬಿತ್ತು. ಸವಾರ ತಕ್ಷಣವೇ ಹಿಂತಿರುಗಿ ನೋಡಿದಾಗ ಬಾಸ್ಕೆಟ್‍ನಲ್ಲಿ ಬಿದ್ದಿದ್ದನ್ನು ನೋಡಿ, ಬಾಲಕನನ್ನು ಎತ್ತಿಕೊಳ್ಳಲು ಮುಂದಾದರು. ಆಗ ಬಾಲಕ ಪೋಷಕರು ಮನೆಯಿಂದ ಓಡಿ ಬಂದು ಎತ್ತಿಕೊಂಡಿದ್ದಾರೆ. ಅದೃಷ್ಟವಶಾತ್ ಮಗುವಿಗೆ ಯಾವುದೇ ಗಾಯವಾಗಿಲ್ಲ. ಈ ದೃಶ್ಯವು ಸ್ಥಳದಲ್ಲಿದ್ದ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಬಾಲಕನ ತಂದೆ ಅಶೀಶ್ ಜೈನ್, ಕುಟುಂಬದ ಸದಸ್ಯರ ಜೊತೆಗೆ ಎರಡನೇ ಮಹಡಿಯಲ್ಲಿ ಆಟವಾಡುತ್ತಿದ್ದ. ಈ ವೇಳೆ ಆಯತಪ್ಪಿ ಮನೆಯ ಮೇಲಿಂದ ಬಿದ್ದಿದ್ದಾನೆ. ಇದೇ ವೇಳೆ ಸೈಕಲ್ ರಿಕ್ಷಾ ಬಂದಿದ್ದರಿಂದ ಮಗನ ಪ್ರಾಣ ಉಳಿದಿದೆ. ತಕ್ಷಣವೇ ಆಸ್ಪತ್ರೆಗೆ ಕರೆದುಕೊಂಡು ಹೋದಾಗ ತಪಾಸಣೆ ಮಾಡಿದ ವೈದ್ಯರು, ಯಾವುದೇ ಅಪಾಯ ಸಂಭವಿಸಿಲ್ಲ ಅಂತ ತಿಳಿಸಿದ್ದಾರೆ ಎಂದು ಹೇಳಿದ್ದಾರೆ.
