ತುಮಕೂರು: ಇಬ್ಬರು ಬಾಲಕರು ತಮಾಷೆಗಾಗಿ ಬುರ್ಖಾ ಧರಿಸಿ ಅನುಮಾನಾಸ್ಪದವಾಗಿ ಸುತ್ತಾಡಿ ಸಾರ್ವಜನಿಕರಿಂದ ಗೂಸಾ ತಿಂದ ಘಟನೆ ನಡೆದಿದೆ.
ಕುಣಿಗಲ್ ಪಟ್ಟಣದ ವಾರ್ಡ್ ನಂಬರ್ 2ರಲ್ಲಿ ಬಾಲಕರ ಈ ಪ್ರಹಸನ ನಡೆದಿದೆ. ಬುರ್ಖಾ ಹಾಕಿ ಮಂಗಳಮುಖಿಯಂತೆ ನಟಿಸಲು ಆರಂಭಿಸಿದ ಇಬ್ಬರೂ ಬಾಲಕರು ಬೀದಿ ಬೀದಿ ಸುತ್ತಿದ್ದಾರೆ. ಬುರ್ಖಾಧಾರಿಗಳ ಬಗ್ಗೆ ಅನುಮಾನಗೊಂಡ ಸ್ಥಳೀಯರು ಬುರ್ಕಾ ತೆಗೆದು ಬಾಲಕರ ಮುಖ ನೋಡಿದ್ದಾರೆ.
ಬುರ್ಖಾ ಧರಿಸಿ ವಂಚಿಸುತಿದ್ದೀರಾ ಎಂದು ಪ್ರಶ್ನಿಸಿದ ಸ್ಥಳೀಯರು ಇಬ್ಬರಿಗೂ ಥಳಿಸಿ ಪೊಲೀಸರಿಗೆ ಒಪ್ಪಿಸಿದ್ದಾರೆ. ಇಬ್ಬರೂ ಬಾಲಕರು ಕುಣಿಗಲ್ ಪಟ್ಟಣದವರೇ ಆಗಿದ್ದು, ತಾವು ಮಂಗಳಮುಖಿಯರಂತೆ ನಟನೆ ಮಾಡಲು ಹೋಗಿ ಬುರ್ಖಾ ಧರಿಸಿದ್ದೇವೆ ಎಂದು ಪೊಲೀಸರಿಗೆ ಹೇಳಿಕೆ ನೀಡಿದ್ದಾರೆ.
