ನವದೆಹಲಿ: ಸಿರಿಂಜಿ ಮೂಲಕ ಜೆಸಿಬಿ ಕಾರ್ಯನಿರ್ವಹಿಸುವುದನ್ನು ಪರಿಚಯಿಸಿದ ಬಾಲಕನೊಬ್ಬನ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
ಇಂಧನ ಇಲ್ಲದೆ ಗಾಳಿಯ ಸಹಾಯದಿಂದ ಜೆಸಿಬಿ ಕಾರ್ಯನಿರ್ವಹಿಸುವುದನ್ನು ನೋಡಿದ ಜನರು ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. ಬಾಲಕನ ಸುತ್ತ ನಿಂತಿದ್ದ ಮಕ್ಕಳು ಕುತೂಹಲದಿಂದ ಈ ದೃಶ್ಯವನ್ನು ನೋಡುತ್ತಿರವುದು ವಿಡಿಯೋದಲ್ಲಿ ಸೆರೆಯಾಗಿದೆ.
ರಾಜೇಸಾಬ್ ಕೇಜ್ರಿವಾಲ್ ಎಂಬವರು ಈ ವಿಡಿಯೋವನ್ನು ಟ್ವೀಟ್ ಮಾಡಿದ್ದು, ಒಂದು ಕ್ಷಣ ನಿಮ್ಮ ಎಂಜಿನಿಯರಿಂಗ್ ಪದವಿಯನ್ನು ಪಕ್ಕಕ್ಕೆ ಇಟ್ಟು ಪುಟ್ಟ ಬಾಲಕನ ಯಂತ್ರಜ್ಞಾನದ ಕೌಶಲ್ಯವನ್ನು ನೋಡಿ ಎಂದು ಬರೆದುಕೊಂಡಿದ್ದಾರೆ.
While on #jcbmemes – keep all those memes and your engineering degrees aside for a moment, and look at this poor child's technological skills. He has made a JCB with just used syringes! ???????? pic.twitter.com/526ysIIFhF
— Rajesh Kejriwal (@raj20k) May 28, 2019
ಈ ವಿಡಿಯೋವನ್ನು ರಾಜೇಸಾಬ್ ಕೇಜ್ರಿವಾಲ್ ಅವರು ಮೇ 28ರಂದು ಟ್ವೀಟ್ ಮಾಡಿದ್ದಾರೆ. ಮೇ 30 ಮಧ್ಯಾಹ್ನ 3 ಗಂಟೆಯ ವೇಳೆ ಬಾಲಕನ ವಿಡಿಯೋವನ್ನು 1.39 ಲಕ್ಷ ಜನರು ನೋಡಿದರೆ, 1,200 ಕ್ಕೂ ಹೆಚ್ಚು ಜನರು ರೀ ಟ್ವೀಟ್ ಮಾಡಿದ್ದಾರೆ. 5,800ಕ್ಕೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ.
ಬಾಲಕನ ಕಾರ್ಯ ಪ್ರಶಂಸನೀಯವಾಗಿದೆ. ಕೌಶಲ್ಯ ಹಾಗೂ ಪ್ರತಿಭೆ ಒಟ್ಟಿಗೆ ಅನಾವರಣಗೊಂಡಿವೆ ಎಂದು ಇಮ್ರಾನ್ ಖಾನ್ ಎಂಬವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
Really appreciated. Skills and Talent comes together.
— Imran Khan (@imran_khan206) May 29, 2019
2035ರ ವೇಳೆ ಬಾಲಕ ಜೆಸಿಬಿ ಕಂಪನಿಯ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ (ಸಿಇಓ) ಆಗುತ್ತಾನೆ ಎಂಬ ಭರವಸೆ ನನಗಿದೆ ಎಂದು ನೆಟ್ಟಿಗರೊಬ್ಬರು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
ಬಾಲಕ ಎಲ್ಲಿಯವನು ಎಂದು ವಿಚಾರಣೆ ಮಾಡಿ, ಆತನ ವ್ಯಾಸಂಗಕ್ಕೆ ಸಹಾಯ ಮಾಡಬೇಕು. ಬಾಲಕ ಸಾಮರ್ಥ್ಯವನ್ನು ಹೊರತರಲು ಶ್ರಮಿಸಬೇಕಿದೆ ಎಂದು ಅನೇಕರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
@JCBmachines I think we've found you a CEO for the year 2035
— Aditya Patel (@AdityaPatel94) May 29, 2019
