ಇಸ್ಲಾಮಾಬಾದ್: ಭಯೋತ್ಪಾದಕ ಗುಂಪು ಲಷ್ಕರ್-ಎ-ತೊಯ್ಬಾದ (Lashkar-e-Taiba) ಕಮಾಂಡರ್ ಬಿಲಾಲ್ ಆರಿಫ್ ಸರಾಫಿಯನ್ನು (Bilal Arif Sarafi) ಆತನ ಕುಟುಂಬಸ್ಥರ ಚಾಕುವಿನಿಂದ ಇರಿದು, ಗುಂಡಿಕ್ಕಿ ಹತ್ಯೆ ಮಾಡಿರುವ ಘಟನೆ ನಡೆದಿದೆ.
ಪಾಕಿಸ್ತಾನದಲ್ಲಿ ಈದ್ ಪ್ರಾರ್ಥನೆಯ ನಂತರ ಸರಾಫಿ ಹತ್ಯೆ ನಡೆದಿದೆ. ಮುರಿಡ್ಕೆಯ ಮರ್ಕಜ್ ಬಳಿಯ ನಾಶವಾದ ಲಷ್ಕರ್-ಎ-ತೊಯ್ಬಾ ಪ್ರಧಾನ ಕಚೇರಿಯ ಬಳಿ ಕೊಲೆ ಮಾಡಲಾಗಿದೆ. ಕೊಲೆಗೆ ನಿಖರವಾದ ಕಾರಣ ಇನ್ನೂ ತಿಳಿದುಬಂದಿಲ್ಲ. ಕೌಟುಂಬಿಕ ಕಲಹದಿಂದ ಕೃತ್ಯ ನಡೆದಿರಬಹುದು ಎಂದು ಗುಪ್ತಚರ ಮೂಲಗಳು ಶಂಕಿಸಿವೆ. ಇದನ್ನೂ ಓದಿ: ಅಮೆರಿಕದಿಂದ ಮಂಗಳೂರಿಗೆ 16,714 ಮೆಟ್ರಿಕ್ ಟನ್ ಎಲ್ಪಿಜಿ ಹೊತ್ತು ತಂದ ಹಡಗು
ಕೊಲೆಯಲ್ಲಿ ಭಾಗಿಯಾಗಿರುವವರನ್ನು ಬಂಧಿಸಲಾಗಿದೆ. ಬಿಲಾಲ್ ಭಯೋತ್ಪಾದಕ ವಿಭಾಗದ ಮುರಿಡ್ಕೆ ಕೇಂದ್ರದಲ್ಲಿ ಯುವಕರನ್ನು ಗುರುತಿಸಿ ಅವರ ಕಾರ್ಯಸೂಚಿಯನ್ನು ಪ್ರಚಾರ ಮಾಡುವ ನೇಮಕಾತಿಗೆ ಕಾರಣನಾಗಿದ್ದ. ಜನರಿಗೆ ಸೈದ್ಧಾಂತಿಕ ತರಬೇತಿಯನ್ನು ನೀಡುವ ಮೂಲಕ ಅವರ ಮೈಂಡ್ ವಾಶ್ ಮಾಡುತ್ತಿದ್ದ.
ದಶಕಗಳಿಂದ ವಿದೇಶಾಂಗ ನೀತಿಯ ಸಾಧನಗಳಾಗಿ ಭಯೋತ್ಪಾದಕ ಜಾಲಗಳನ್ನು ಬೆಳೆಸಿಕೊಂಡಿದ್ದ ಪಾಕಿಸ್ತಾನ, ಈಗ ತನ್ನದೇ ಆದ ಬೇಟೆಯಾಗಿದೆ. ಜಾಗತಿಕ ಭಯೋತ್ಪಾದನಾ ಸೂಚ್ಯಂಕ (GTI) 2026 ರಲ್ಲಿ ಮೊದಲ ಬಾರಿಗೆ ದೇಶವು ಮೊದಲ ಸ್ಥಾನದಲ್ಲಿದೆ. 2025 ರಲ್ಲಿ 1,139 ಸಾವುಗಳು, 1,045 ದಾಳಿಗಳು, 1,595 ಜನರು ಗಾಯಗೊಂಡಿದ್ದರು. 655 ಒತ್ತೆಯಾಳುಗಳೊಂದಿಗೆ ವಿಶ್ವದ ಅತ್ಯಂತ ಭಯೋತ್ಪಾದನಾ ಪೀಡಿತ ದೇಶವಾಯಿತು. ಇದನ್ನೂ ಓದಿ: ಹಾರ್ಮುಜ್ ಜಲಸಂಧಿ ಸಂಪೂರ್ಣ ಓಪನ್ ಮಾಡಿ – ಇರಾನ್ಗೆ 48 ಗಂಟೆಗಳ ಗಡುವು ನೀಡಿದ ಟ್ರಂಪ್
ದಕ್ಷಿಣ ಏಷ್ಯಾದಾದ್ಯಂತ, 2025 ರಲ್ಲಿ ಪರಿಸ್ಥಿತಿ ಹದಗೆಟ್ಟ ಏಕೈಕ ದೇಶ ಪಾಕಿಸ್ತಾನ. ಈ ದಕ್ಷಿಣ ಏಷ್ಯಾದ ಇತರ ಎಲ್ಲ ರಾಷ್ಟ್ರಗಳು ಸುಧಾರಣೆಯನ್ನು ದಾಖಲಿಸಿವೆ.
