ಬೆಂಗಳೂರು: ಕಿಚ್ಚ ಸುದೀಪ್ ನಟಿಸುತ್ತಿರುವ ಕೋಟಿಗೊಬ್ಬ-3 ಚಿತ್ರದ ಚಿತ್ರೀಕರಣ ಶುರುವಾಗಿದೆ. ವಿಶೇಷವೆನೆಂದರೆ ಈ ಚಿತ್ರಕ್ಕೆ ನಾಯಕಿ ಇನ್ನೂ ಆಯ್ಕೆಯಾಗಿಲ್ಲ. ಅಲ್ಲದೇ ಸುದೀಪ್ ಇಲ್ಲದೆಯೇ ಈ ಚಿತ್ರದ ಚಿತ್ರೀಕರಣವನ್ನು ಚಿತ್ರತಂಡ ಶುರು ಮಾಡಿದೆ.
ಕೋಟಿಗೊಬ್ಬ-2 ಚಿತ್ರದ ಯಶಸ್ಸಿನ ನಂತರ ಕಿಚ್ಚ ಸುದೀಪ್ ಹಾಗೂ ನಿರ್ಮಾಪಕ ಸೂರಪ್ಪ ಬಾಬು ಕಾಂಬಿನೇಶನ್‍ನಲ್ಲಿ ಈ ಸಿನಿಮಾ ಬರುತ್ತಿದೆ. ಕೋಟಿಗೊಬ್ಬ-3 ಸಿನಿಮಾ ಸೆಟ್ಟೇರಿ ಎರಡು ತಿಂಗಳಾಯಿತು. ಆದರೆ ನಾಯಕಿ ಮಾತ್ರ ಇನ್ನೂ ಫಿಕ್ಸ್ ಆಗಿಲ್ಲ.
ಇನ್ನೂ ನಿರ್ದೇಶಕ ಶಿವಕಾರ್ತಿಕ್, ಹೀರೋ-ಹೀರೋಯಿನ್ ಇಲ್ಲದೇ ಇದ್ದರೂ ಪರವಾಗಿಲ್ಲ ಎಂದು ಸಿನಿಮಾದ ಬೇರೆ ಬೇರೆ ದೃಶ್ಯಗಳನ್ನ ಚಿತ್ರೀಕರಿಸೋಕೆ ಮುಂದಾಗಿದ್ದಾರೆ. ಚಿತ್ರದ ಶೂಟಿಂಗ್ ಸರಿಯಾದ ಸಮಯಕ್ಕೆ ಮುಗಿಯಬೇಕೆಂದು ಕಿಚ್ಚ ಸುದೀಪ್ ಇಲ್ಲದೇ ಇರುವ ದೃಶ್ಯಗಳನ್ನು ಚಿತ್ರತಂಡ ಚಿತ್ರೀಕರಿಸಲು ನಿರ್ಧರಿಸಿದೆ.
ಈ ಸಿನಿಮಾಕ್ಕೆ ಕಿಚ್ಚ ಸುದೀಪ್ ಕಥೆ ಬರೆದಿದ್ದು, ಹೆಬ್ಬುಲಿ ನಂತರ ಅರ್ಜುನ್ ಜನ್ಯ ಸುದೀಪ್ ಚಿತ್ರಕ್ಕೆ ಮತ್ತೆ ಸಂಗೀತ ನೀಡುತ್ತಿದ್ದಾರೆ. ಇನ್ನೂ ಈ ಚಿತ್ರಕ್ಕೆ ಕ್ಯಾಮರಾಮೆನ್ ಆಗಿ ಶೇಖರ್ ಚಂದ್ರ ಕಾರ್ಯ ನಿರ್ವಹಿಸುತ್ತಿದ್ದಾರೆ.
ಸದ್ಯಕ್ಕೆ ಕಿಚ್ಚ ನಾಲ್ಕೈದು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಅಂಬಿ ನಿಂಗೆ ವಯಸ್ಸಾಯ್ತೋ ಸಿನಿಮಾದಲ್ಲಿ ಮೂಗೂತಿ ಸುಂದರಿ ಶ್ರತಿ ಜತೆ ಸ್ಕ್ರೀನ್ ಶೇರ್ ಮಾಡಿದ್ದಾರೆ. ‘ದಿ ವಿಲನ್’ನಲ್ಲಿ ಬ್ರಿಟನ್ ಬೆಡಗಿ ಏಮಿ ಜಾಕ್ಸನ್ ಜತೆ ಡ್ಯೂಯೆಟ್ ಹಾಡಿದ್ದಾರೆ.
ಪೈಲ್ವಾನ್ ಇನ್ನೂ ಶುರುವಾಗಿಲ್ಲ, ಇದೀಗ ಕೋಟಿಗೊಬ್ಬ-3 ಚಿತ್ರಕ್ಕಾಗಿ ನಾಯಕಿಗಾಗಿ ಹುಡುಕಾಡುತ್ತಿದ್ದಾರೆ.
