ಮಡಿಕೇರಿ: ಕೊಡಗಿನ (Kodagu) ಜಾನಪದ ನೃತ್ಯ ರಾಷ್ಟ್ರ, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಖ್ಯಾತಿಗೊಳಿಸಬೇಕೆಂಬ ಅಚಲ ನಿರ್ಧಾರವೊಂದನ್ನು ಮಾಡಿದ್ದ ಮಂಜಿನ ನಗರಿ ಮಡಿಕೇರಿಯ ರಾಣಿ ಮಾಚಯ್ಯ (Rani Machaiah) ಅವರು, ಇದೀಗ ಅದರಲ್ಲಿ ಯಶಸ್ಸು ಕಂಡಿದ್ದು, ಅಲ್ಲದೇ ಪದ್ಮಶ್ರೀ ಪ್ರಶಸ್ತಿಗೂ (Padma Shri Award )ಭಾಜನರಾಗಿದ್ದಾರೆ.
ಮಡಿಕೇರಿಯ (Madikeri) ನಿವಾಸಿ ರಾಣಿ ಮಾಚಯ್ಯ ಅವರು ಚಿಕ್ಕ ವಯಸ್ಸಿನಿಂದಲೇ ಕೊಡವ ವಾಲಗಕ್ಕೆ ಹೆಜ್ಜೆ ಹಾಕಲು ಪ್ರಾರಂಭಿಸಿದ್ದರು. ಅದಾದ ಬಳಿಕ ಹೆಚ್ಚಿನ ವ್ಯಾಸಂಗಕ್ಕಾಗಿ ಕೆ.ಎಂ ಕಾರ್ಯಪ್ಪ ಕಾಲೇಜಿಗೆ ಸೇರಿದ್ದಾಗ ಅಲ್ಲಿಯೂ ಯಾವುದೇ ಕಾರ್ಯಕ್ರಮವಿದ್ದರೂ, ಅವುಗಳಲ್ಲಿ ಪ್ರದರ್ಶನ ತೋರಿ ಎಲ್ಲರ ಮೆಚ್ಚುಗೆಗೆ ಪಾತ್ರರಾಗುತ್ತಿದ್ದರು. ಅದಾದ ಬಳಿಕ ತಮ್ಮದೇ ಆದ ನೃತ್ಯ ಕಾರ್ಯಕ್ರಮಗಳನ್ನು ನೀಡುತ್ತಾ, ಅನೇಕ ಬಹುಮಾನಗಳನ್ನು ತಮ್ಮದಾಗಿಸಿಕೊಂಡರು. ಆದರೂ ಅವರ ಕನಸಾದ ಕೊಡಗಿನ ಜಾನಪದ ನೃತ್ಯ ರಾಷ್ಟ್ರ, ಅಂತರಾಷ್ಟ್ರೀಯ ಮಟ್ಟದಲ್ಲಿ ಖ್ಯಾತಿಗೊಳಿಸಬೇಕೆಂಬ ಹಂಬಲ ಹಾಗೇ ಬಾಕಿ ಉಳಿದಿತ್ತು. ಅದನ್ನು ನನಸಾಗಿಸಬೇಕೆಂದು ಅಚಲ ನಿರ್ಧಾರದೊಂದಿಗೆ 1967ರಲ್ಲಿ ಒಂದು ತಂಡ ರಚಿಸಿ ಕೊಡವ ಜಾನಪದ ಲೋಕವನ್ನು ತೆರೆದರು.
ರಾಣಿ ಮಾಚಯ್ಯನವರು ಆ ತಂಡದೊಂದಿಗೆ ಪಂಜಾಬ್, ಹಿಮಾಚಲ ಪ್ರದೇಶ, ಮಹಾರಾಷ್ಟ್ರ, ದೆಹಲಿ, ಮಧ್ಯಪ್ರದೇಶ, ಮುಂಬೈ, ಕೇರಳ, ಮದ್ರಾಸ್, ಜಮ್ಮು-ಕಾಶ್ಮೀರ, ಮಿಜೋರಾಂ, ಹರಿಯಾಣದಲ್ಲಿ ನೃತ್ಯ ಪ್ರದರ್ಶನವನ್ನು ನೀಡಿದರು. 2015ರ ಜನವರಿಯಲ್ಲಿ ಅಂಡಮಾನ್ ನಿಕೋಬರ್‌ನಲ್ಲಿ ತಮ್ಮ ತಂಡದೊಂದಿಗೆ ಪ್ರದರ್ಶನ ನೀಡಿ ಬಂದ ಬಳಿಕವಂತೂ ಇವರ ಶಿಷ್ಯೆಯರ ಸಂಖ್ಯೆ ಬರೋಬ್ಬರಿ 10,000 ಕ್ಕೂ ಹೆಚ್ಚು ಗಡಿದಾಟಿದೆ.
ಪ್ರೀತಿ, ಶಿಸ್ತು, ಬದ್ಧತೆ ಇವರ ತಂಡದ ಯಶಸ್ಸಿನ ಗುಟ್ಟಾಗಿದ್ದು, ಹಾಗಾಗಿಯೇ ಕಲೆಯನ್ನು ಪ್ರೀತಿಸುವ ಪೋಷಕರು ಇವರೊಂದಿಗೆ ತಮ್ಮ ಮಕ್ಕಳನ್ನು ಕಳುಹಿಸಲು ಉತ್ಸುಕರಾಗಿದ್ದಾರೆ. ಅಲ್ಲದೆ ಇವರು ನೃತ್ಯ ಕಲಿಯುವ ಮಕ್ಕಳಿಗೆ ಉಚಿತ ಊಟ ಮತ್ತು ವಸತಿ ನೀಡುತ್ತಿದ್ದಾರೆ. ಜೊತೆಗೆ ಸರ್ಕಾರಿ ಕಾರ್ಯಕ್ರಮಗಳ ಹಣ ಕೈ ಸೇರುವವರೆಗೆ ತಮ್ಮ ಕೈಯಿಂದ ಹಣವನ್ನು ಖರ್ಚು ಮಾಡಿ ಶಿಷ್ಯವೃಂದವನ್ನು ಬೆಳೆಸುತ್ತಿರುವುದು ವಿಶೇಷವಾಗಿದೆ. ಇದನ್ನೂ ಓದಿ: ಎಸ್.ಎಂ. ಕೃಷ್ಣ, ಎಸ್‍ಎಲ್ ಭೈರಪ್ಪ, ಸುಧಾಮೂರ್ತಿ ಸೇರಿ ರಾಜ್ಯದ 8 ಮಂದಿಗೆ ಪದ್ಮ ಪ್ರಶಸ್ತಿ
ರಾಣಿಮಾಚಯ್ಯ ಮತ್ತು ತಂಡ ದೇಶದಾದ್ಯಂತ ಕೊಡಗಿನ ಉಮ್ಮತಾಟಿನ ಕಂಪು ಬೀರಿದ್ದು, ಇದೀಗ ಪದ್ಮಶ್ರೀ ಪ್ರಶಸ್ತಿಗೂ ಆಯ್ಕೆ ಆಗಿರುವುದರಿಂದ ರಾಣಿ ಮಾಚಯ್ಯ ಅವರ ನಿಸ್ವಾರ್ಥ ಸೇವೆಗೆ ಸಿಕ್ಕಿದ ಪ್ರಶಸ್ತಿ ಎಂದು ಕೊಡಗಿನ ಜನರು ಹರ್ಷ ವ್ಯಕ್ತಪಡಿಸಿದ್ದಾರೆ. ಇದನ್ನೂ ಓದಿ: ರಾಜ್ಯದ 20 ಪೊಲೀಸರಿಗೆ ರಾಷ್ಟ್ರಪತಿ ಪದಕ – ಯಾರಿಗೆ ಯಾವ ಪದಕ ಸಿಕ್ಕಿದೆ?
Live Tv
[brid partner=56869869 player=32851 video=960834 autoplay=true]
Join our Whatsapp group by clicking the below link
https://chat.whatsapp.com/E6YVEDajTzH06LOh77r25k
