ಬೆಂಗಳೂರು: ಕನ್ನಡ ಸಿನಿಮಾಲೋಕದಲ್ಲೇ ಹೊಸ ಇತಿಹಾಸ ಸೃಷ್ಟಿಸಿರುವ ‘ಕೆಜಿಎಫ್’ ಸಿನಿಮಾಗೆ ಖ್ಯಾತ ಸಿನಿಮಾ ಡೇಟಾಬೇಸ್ ಬೆಬ್‍ಸೈಟ್ ಇಂಟರ್ ನೆಟ್ ಮೂವಿ ಡೇಡಾ ಬೇಸ್(ಐಎಂಡಿಬಿ) ರೇಟಿಂಗ್ಸ್ ಕೊಟ್ಟಿದೆ.
ಐಎಂಡಿಬಿ ರಾಕಿಂಗ್ ಸ್ಟಾರ್ ಯಶ್ ಅಭಿಯನಯದ `ಕೆಜಿಎಫ್’ ಸಿನಿಮಾ ಸೂಪರ್ ಡೂಪರ್ ಎಂದು ವಿಶ್ಲೇಷಿಸಿದ್ದು, 10ರಲ್ಲಿ 9.6 ಮಾರ್ಕ್ಸ್‌ ಕೊಟ್ಟಿದೆ. ಈ ಮೂಲಕ ಕನ್ನಡ ಸಿನಿಮಾ ಆನ್‍ಲೈನ್ ರೇಟಿಂಗ್ಸ್ ಕೊಡುವ ವೆಬ್‍ಸೈಟ್‍ ನಲ್ಲಿ ಕೆಜಿಎಫ್ ಅಬ್ಬರಿಸುತ್ತಿದೆ.
ಈ ಹಿಂದೆ ಕೂಡ ಐಎಂಡಿಬಿ ಪಟ್ಟಿಯಲ್ಲಿ ಕೆಜಿಎಫ್ ಮೊದಲನೇ ಸ್ಥಾನ ಪಡೆದುಕೊಳ್ಳುವ ಮೂಲಕ ಬಾಲಿವುಡ್ ಬಾದ್‍ಶಾ ಶಾರೂಖ್ ಖಾನ್ ಅಭಿನಯದ ಸಿನಿಮಾವನ್ನು ಹಿಂದಿಕ್ಕಿತ್ತು. ಕರ್ನಾಟಕದ 400 ಸ್ಕ್ರೀನ್‍ಗಳು ಸೇರಿದಂತೆ ವಿಶ್ವದ 2 ಸಾವಿರದಷ್ಟು ಸ್ಕ್ರೀನ್‍ಗಳಲ್ಲಿ ರಾಕಿಂಗ್ ಸ್ಟಾರ್ ಯಶ್‍ಗೆ ಅಭಿಮಾನಿಗಳು ಸಲಾಂ ರಾಕಿಭಾಯ್ ಅಂತಿದ್ದಾರೆ.
ಉಗ್ರಂ ಖ್ಯಾತಿಯ ನಿರ್ದೇಶಕ ಪ್ರಶಾಂತ್ ನೀಲ್ ಡೈರೆಕ್ಟ್ ಮಾಡಿರುವ 70 ಕೋಟಿ ರೂಪಾಯಿ ವೆಚ್ಚದ ಕೆಜಿಎಫ್ ಕನ್ನಡ ಮಾತ್ರವಲ್ಲದೇ ತಮಿಳು, ತೆಲುಗು, ಮಲಯಾಳಂ, ಹಿಂದಿ ಹೀಗೆ ಐದು ಭಾಷೆಗಳಲ್ಲಿ ಬಿಡುಗಡೆ ಆಗಿದೆ. ವಿಜಯ್ ಕಿರಂಗದೂರು ನಿರ್ಮಾಣದ ಸಿನಿಮಾದಲ್ಲಿ ಮಾಸ್ಟರ್ ಪೀಸ್‍ಗೆ ಶ್ರೀನಿಧಿ ಶೆಟ್ಟಿ ಜೋಡಿಯಾಗಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
