ಬೆಂಗಳೂರು: ಪದ್ಮವಿಭೂಷಣ (Padmavibhushan) ಗೌರವಕ್ಕೆ ಭಾಜನರಾಗಿರುವ ಮಾಜಿ ಸಿಎಂ ಎಸ್.ಎಂ. ಕೃಷ್ಣ ಕರ್ನಾಟಕದ ಹೆಮ್ಮೆ ಅಂತ ಸಿಎಂ ಬೊಮ್ಮಾಯಿ (Basavaraj Bommai) ಹೊಗಳಿದ್ದಾರೆ.
ಪದ್ಮವಿಭೂಷಣ ಗೌರವಕ್ಕೆ ಪಾತ್ರರಾದ ಎಸ್.ಎಂ. ಕೃಷ್ಣ ಅವರಿಗೆ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅಭಿನಂದಿಸಿದರು. ಕೃಷ್ಣ ಅವರ ನಿವಾಸಕ್ಕೆ ತೆರಳಿ ಹಾರ, ಶಾಲು ಹೊದಿಸಿ ಸನ್ಮಾನಿಸಿದರು. ಸಿಎಂಗೆ ಸಚಿವರಾದ ಅಶ್ವಥ್ ನಾರಾಯಣ (Ashwath Narayan), ಅಶೋಕ್ (R Ashok), ಗೋಪಾಲಯ್ಯ (Gopalaiah), ಸುಧಾಕರ್ (Sudhakar) ಸಾಥ್ ನೀಡಿದ್ರು.
ಪದ್ಮವಿಭೂಷಣ ಪ್ರಶಸ್ತಿ ಪುರಸ್ಕೃತರಾಗಿರುವ ನಾಡಿನ ಹಿರಿಯ ರಾಜಕೀಯ ಮುತ್ಸದ್ದಿ ಶ್ರೀ ಎಸ್.ಎಂ.ಕೃಷ್ಣರವರ ನಿವಾಸಕ್ಕೆ ಭೇಟಿ ನೀಡಿ, ರಾಜ್ಯದ ಸಮಸ್ತ ಜನತೆಯ ಪರವಾಗಿ ಅವರನ್ನು ಅಭಿನಂದಿಸಿದೆ. ಶ್ರೀಯುತರಿಗೆ ಪದ್ಮವಿಭೂಷಣ ಪ್ರಶಸ್ತಿ ಲಭಿಸಿರುವುದು ನಾಡಿಗೆ ಹೆಮ್ಮೆಯ ವಿಚಾರವಾಗಿದೆ. pic.twitter.com/ciCStLrbhT
— Basavaraj S Bommai (@BSBommai) January 27, 2023
ಈ ವೇಳೆ ಮಾತನಾಡಿದ ಸಿಎಂ ಬೊಮ್ಮಾಯಿ, ಕರ್ನಾಟಕದ ಹೆಮ್ಮೆ ಎಸ್.ಎಂ ಕೃಷ್ಣ ಅವರು, ನಾಡು ಕಂಡ ಸೃಜನಶೀಲ, ಕ್ರಿಯಾಶೀಲ, ಸಜ್ಜನಿಕೆಯ ಉತ್ತಮ ಆಡಳಿತ ಕೊಟ್ಟವರು. ಹತ್ತು ಹಲವಾರು ಜನ ಪರ ಕಾರ್ಯಕ್ರಮ ಕೊಟ್ಟವರು. ಇವತ್ತು ಅವರಿಗೆ ಕೇಂದ್ರ ಪದ್ಮವಿಭೂಷಣ ಕೊಟ್ಟಿದೆ. ಇದು ಸಂತೋಷದ ವಿಷಯ ಎಂದರು.
ಗುಣಾತ್ಮಕ ಅಡಳಿತ,ಉತ್ತಮ ಆಡಳಿತ ಕೊಟ್ಟವರು ಕೃಷ್ಣ ಅವರು. ಅವರ ಆಡಳಿತ ಕಾಲದಲ್ಲಿ ಅನೇಕ ಸಮಸ್ಯೆ ಯಶಸ್ವಿಯಾಗಿ ಎದುರಿಸಿದ್ದಾರೆ. ಜನಪರ ಆಡಳಿತ ಕೊಟ್ಟವರು. ಯಶಸ್ವಿನಿ ಯೋಜನೆ ಕೊಟ್ಟವರು ಕೃಷ್ಣ ಅವರು. ಭಾರತಕ್ಕೆ ಇನ್ಶೂರೆನ್ಸ್ ಬಂದಿರಲಿಲ್ಲ. ಅದಕ್ಕೂ ಮುನ್ನ ರಾಜ್ಯದಲ್ಲಿ ಯಶಸ್ವಿನಿ ಜಾರಿ ಮಾಡಿದ್ರು. ಈಗ ಮತ್ತೆ ಯಶಸ್ವಿ ಯೋಜನೆ ಜಾರಿ ಮಾಡಿ 300 ಕೋಟಿ ರಿಲೀಸ್ ಮಾಡಿದ್ದೇನೆ ಎಂದು ಹೇಳಿದರು. ಇದನ್ನೂ ಓದಿ: ಯೋಗ್ಯತೆ ಮೀರಿ ನನಗೆ ಕೇಂದ್ರ ಸರ್ಕಾರ ಗೌರವ ನೀಡಿದೆ: ಎಸ್.ಎಂ.ಕೃಷ್ಣ
ಕೃಷಿ, ರೈತರಿಗೆ ಅತಿ ಹೆಚ್ಚು ಯೋಜನೆ ಮಾಡಿದ್ದು ಕೃಷ್ಣ ಅವರ ಸಾಧನೆ. ಬಿಸಿಯೂಟ ಕೊಟ್ಟವರು ಕೃಷ್ಣ ಅವರು. ಹಸಿದ ಹೊಟ್ಟೆಯಲ್ಲಿ ವಿದ್ಯೆ ಕಲಿಯೋದು ಕಷ್ಟ ಅಂತ ಬಿಸಿಯೂಟ ತಂದ್ರು. ಈ ಕೆಲಸ ಯಾರು ಮರೆಯಲು ಸಾಧ್ಯವಿಲ್ಲ. ಕಾವೇರಿ, ಕೃಷ್ಣ ನದಿ ನೀರು ವಿಚಾರದಲ್ಲಿ ಅವರ ನಿಲುವು ನೋಡಿದ್ದೇವೆ. ಕೃಷ್ಣ ಅವರ ಸಾರ್ವಜನಿಕ ಬದುಕೆ ನಮಗೆ ಮಾದರಿ. ಅವರ ಪ್ರಾರಂಭ ದಿನ, ರೈತರ ಹೋರಾಟ ಎಲ್ಲಾ ನೋಡಿದ್ದೇವೆ. ಐಟಿ-ಬಿಟಿ ಬೆಳೆಯೋಕೆ ಕೃಷ್ಣ ಕಾರಣ. ಅದಕ್ಕೆ ಬೀಜ ಹಾಕಿದ್ದೇ ಕೃಷ್ಣ ಅವರು. ಎಲ್ಲಾ ರಂಗದಲ್ಲಿ ಕೂಡಾ ಉತ್ತಮ ಆಡಳಿತ, ಕಾರ್ಯಕ್ರಮ ಕೊಟ್ಟವರು. ನಾಡಿನ ಪರ ಗಟ್ಟಿ ನಿಲುವು ಅವರದ್ದು. ಮೋದಿ ಅವರು ಇದನ್ನ ಗುರುತಿಸಿ ಪದ್ಮವಿಭೂಷಣ ಕೊಟ್ಡಿದ್ದಾರೆ ಎಂದು ಹೇಳಿದರು.
ಮೋದಿ (Narendra Modi) ಅವರು ಮುತ್ಸದ್ದಿ ರಾಜಕಾರಣಿ. 8 ಜನರಿಗೆ ಕೊಟ್ಟ ಪದ್ಮ ಪ್ರಶಸ್ತಿ ಸಾಧನೆ ಮಾಡಿದವರು. ಬಯಸದೆ ಇರೋರಿಗೆ ಗೌರವ ಮೋದಿ ಕೊಟ್ಡಿದ್ದಾರೆ.8 ಸಾಧಕರು ಮುತ್ತು-ರತ್ನಗಳು. ಮೋದಿ ಕಾರ್ಯ ಇಡೀ ಜಗತ್ತು ಮೆಚ್ಚುವಂತದ್ದು. ಪ್ರಶಸ್ತಿಗೆ ಬಯೊ ಡಾಟಾ ಇಟ್ಟುಕೊಂಡು ಓಡಾಡೋ ಕಾಲ ಹೋಯ್ತು. ಸಾಧನೆಗೆ ಇವತ್ತು ಗೌರವ ಸಿಗುತ್ತಿದೆ. ಇಡೀ ಕನ್ನಡ ನಾಡಿನ ಜನರ ಪಾರವಾಗಿ ಕೃಷ್ಣ ಅವರಿಗೆ ಅಭಿನಂದನೆ ಸಲ್ಲಿಸುತ್ತೇನೆ ಎಂದರು.
Live Tv
[brid partner=56869869 player=32851 video=960834 autoplay=true]
Join our Whatsapp group by clicking the below link
https://chat.whatsapp.com/E6YVEDajTzH06LOh77r25k
