ಬೆಂಗಳೂರು: ಬಿಜೆಪಿ ಕರ್ನಾಟಕ (BJP KarnatakaP) ಮತಯುದ್ಧಕ್ಕೆ ಪ್ರಧಾನಿ ಮೋದಿಯೇ (PM Narendra Modi) ಸಾರಥಿಯಾಗಿದ್ದಾರೆ. ರಾಜ್ಯ ವಿಧಾನಸಭೆ ಚುನಾವಣೆ ಹಿನ್ನೆಲೆಯಲ್ಲಿ ಮೋದಿಯವರು ಬ್ಯಾಕ್ ಟು ಬ್ಯಾಕ್ ರಾಜ್ಯ ಪ್ರವಾಸ ಮಾಡುತ್ತಿದ್ದಾರೆ. ಆ ಮೂಲಕ ದಕ್ಷಿಣ ಭಾರತದ ಹೆಬ್ಬಾಗಿಲಾದ ಕರ್ನಾಟಕದಲ್ಲಿ (Karnataka Election) ಗೆಲುವಿನ ಜಯಭೇರಿ ಬಾರಿಸಲು ಪಣ ತೊಟ್ಟಿದ್ದಾರೆ.
2023ರ ವಿಧಾನಸಭಾ ಚುನಾವಣೆಗೆ ಬ್ರಾಂಡ್ ಮೋದಿ (Brand Modi) ಅಸ್ತ್ರ ಭರ್ಜರಿಯಾಗಿಯೇ ಪ್ರಯೋಗವಾಗುತ್ತಿದೆ. ಪ್ರತೀ ಬಾರಿಯೂ ಬಂದಾಗಲೂ ಅಭಿವೃದ್ಧಿ (Development) ಮಂತ್ರದಂಡ ಹಿಡಿದೇ ಮೋದಿ ರಾಜ್ಯಕ್ಕೆ ಬರುತ್ತಿದ್ದಾರೆ. ವಿಭಾಗವಾರು ಜಿಲ್ಲೆಗಳನ್ನು ಫೋಕಸ್ ಮಾಡಿಕೊಂಡು ತಮ್ಮ ರಾಜ್ಯ ಪ್ರವಾಸವನ್ನು ಪ್ರಧಾನಿಗಳು ನಿಗದಿ ಮಾಡಿಕೊಳ್ಳುತ್ತಿದ್ದಾರೆ.
ಈ ಮುಂಚೆ ಹಳೇ ಮೈಸೂರು, ಕರಾವಳಿ, ಕಲ್ಯಾಣ, ಕಿತ್ತೂರು ಕರ್ನಾಟಕ ಜಿಲ್ಲೆಗಳಿಗೆ ಭೇಟಿ ಕೊಡುವ ಮೂಲಕ ಮೋದಿಯವರು ಮೋಡಿ ಮಾಡಿದ್ದಾರೆ. ಈ ತಿಂಗಳು ಬೆಂಗಳೂರು, ಬಯಲು ಸೀಮೆ, ಮಲೆನಾಡು ಜಿಲ್ಲೆಗಳ ಮೇಲೆ ಚಿತ್ತ ಹರಿಸಿದ್ದಾರೆ.
ಕಳೆದ ಜೂನ್‌ನಿಂದಲೂ ಮೋದಿಯವರು ನಿರಂತರ ರಾಜ್ಯ ಪ್ರವಾಸ ಮಾಡುತ್ತಿದ್ದಾರೆ. ಚುನಾವಣೆ (Karnataka Election) ಹತ್ತಿರವಾಗುತ್ತಿದ್ದಂತೆ ಮೋದಿಯವರ ಪದೇ ಪದೇ ಕರ್ನಾಟಕ ಭೇಟಿ ಇನ್ನಷ್ಟು ಹೆಚ್ಚಾಗುತ್ತಿದೆ. ಇದನ್ನೂ ಓದಿ: 15 ವರ್ಷ ಏರೋಸ್ಪೇಸ್‌ನಲ್ಲಿ ತಯಾರಾಗಿದ್ದ ರಕ್ಷಣಾ ಸಾಮಾಗ್ರಿಗಳ 5 ಪಟ್ಟು ಕಳೆದ 8 ವರ್ಷಗಳಲ್ಲಿ ತಯಾರಾಗಿದೆ: ಮೋದಿ
ಕರ್ನಾಟಕದಲ್ಲಿ ಮೋದಿ:
* ಜೂನ್ 2022 ಮೈಸೂರು ಪ್ರವಾಸ – ಯೋಗ ದಿನಾಚರಣೆ – ಹಳೇ ಮೈಸೂರು ಫೋಕಸ್
* ನವೆಂಬರ್ 2022 – ಬೆಂಗಳೂರು – ಕೆಂಪೇಗೌಡ ಪ್ರತಿಮೆ, ವಂದೇ ಭಾರತ್ ರೈಲು ಉದ್ಘಾಟನೆ – ಹಳೇ ಮೈಸೂರಿನ ಮೇಲೆ ಗಮನ
* ಸೆಪ್ಟೆಂಬರ್ 2022 – ಮಂಗಳೂರು ಭೇಟಿ – ನವಮಂಗಳೂರು ಬಂದರು ಪ್ರಾಧಿಕಾರದ ಕಾರ್ಯಕ್ರಮ – ಕರಾವಳಿ ಜಿಲ್ಲೆಗಳ ಮೇಲೆ ಕಣ್ಣು
* ಜನವರಿ 2023 – ಹುಬ್ಬಳ್ಳಿಗೆ ಭೇಟಿ – ಯುವಜನೋತ್ಸವಕ್ಕೆ ಚಾಲನೆ – ಕಿತ್ತೂರು ಕರ್ನಾಟಕ ಫೋಕಸ್
* ಜನವರಿ 2023 – ಕಲಬುರ್ಗಿ, ಯಾದಗಿರಿ ಭೇಟಿ – ಲಂಬಾಣಿ ಸಮಾವೇಶ – ಕಲ್ಯಾಣ ಕರ್ನಾಟಕದ ಮತದ ಮೇಲೆ ಕಣ್ಣು
* ಫೆಬ್ರವರಿ 06, 2023 – ಬೆಂಗಳೂರು ಗ್ರಾಂ, ತುಮಕೂರು – ಎಚ್‌ಎಎಲ್‌ ಹೆಲಿಕಾಪ್ಟರ್ ತಯಾರಿಕಾ ಘಟಕ ಲೋಕಾರ್ಪಣೆ – ಬಯಲು ಸೀಮೆ ಜಿಲ್ಲೆಗಳು ಟಾರ್ಗೆಟ್‌
* ಫೆಬ್ರವರಿ 13, 2023 – ಬೆಂಗಳೂರು – ಏರೋ ಇಂಡಿಯಾ ಶೋ – ರಾಜಧಾನಿ ಮತದಾರ ವರ್ಗ ಫೋಕಸ್
* ಫೆಬ್ರವರಿ 27, 2023 – ಶಿವಮೊಗ್ಗ – ವಿಮಾನ ನಿಲ್ದಾಣ ಉದ್ಘಾಟನೆ – ಮಲೆನಾಡು ಜಿಲ್ಲೆಗಳ ಮೇಲೆ ಕಣ್ಣು
* ಮಾರ್ಚ್ 2023 – ದಶಪಥ ರಸ್ತೆ ಉದ್ಘಾಟನೆ – ಹಳೇ ಮೈಸೂರು ಭಾಗದ ಮೇಲೆ ಗಮನ
Live Tv
[brid partner=56869869 player=32851 video=960834 autoplay=true]
Join our Whatsapp group by clicking the below link
https://chat.whatsapp.com/E6YVEDajTzH06LOh77r25k
