ಬೆಂಗಳೂರು: ಸಿಂಪಲ್ ಸುನಿ ನಿರ್ದೇಶನದ ಬಜ್ಹಾರ್ ಚಿತ್ರದ ಮೂಲಕ ಹೊಸಾ ಹುಡುಗ ಧನ್ವೀರ್ ನಾಯಕ ನಟನಾಗಿ ಎಂಟ್ರಿ ಕೊಡುತ್ತಿದ್ದಾರೆ. ಈಗಾಗಲೇ ಅವರು ಈ ಸಿನಿಮಾಗಾಗಿ ಅದೆಷ್ಟು ಶ್ರದ್ಧೆಯಿಂದ ಕೆಲಸ ಮಾಡಿದ್ದಾರೆ, ಹೇಗೆಲ್ಲ ತಯಾರಾಗಿದ್ದಾರೆಂಬ ವಿಚಾರವೂ ಹೊರ ಬಿದ್ದಿದೆ. ಈ ಬಗ್ಗೆ ಜನಸಾಮಾನ್ಯರೂ ಧನ್ವೀರ್ ಬಗ್ಗೆ ಪ್ರೀತಿ ಮೂಡಿಸಿಕೊಳ್ಳುವಂತೆಯೂ ಆಗಿದೆ.
ಬಜ್ಹಾರ್ ಮೂಲಕ ರಗಡ್ ಲುಕ್ಕಿನಲ್ಲಿಯೇ ಎಂಟ್ರಿ ಕೊಟ್ಟಿರೋ ಧನ್ವೀರ್ ಗೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರೇ ಸ್ಫೂರ್ತಿ. ಚಿಕ್ಕ ವಯಸ್ಸಿನಿಂದಲೇ ದರ್ಶನ್ ಅವ್ರ ಚಿತ್ರಗಳನ್ನು ನೋಡುತ್ತಾ ಅವರ ಕಾರಣದಿಂದಲೇ ನಾಯಕನಾಗಬೇಕು ಎಂಬ ಕನಸು ಕಂಡ ಧನ್ವೀರ್ ಅವರಂತೆಯೇ ಕಷ್ಟಪಟ್ಟರೆ ಮಾತ್ರವೇ ಏನಾದರೂ ಮಾಡಲು ಸಾಧ್ಯ ಎಂಬ ಮನಸ್ಥಿತಿ ಹೊಂದಿದ್ದಾರೆ.
ದರ್ಶನ್ ಅವರೇ ತನ್ನ ಪಾಲಿನ ದೇವರಿದ್ದಂತೆ ಅನ್ನೋವಷ್ಟರ ಮಟ್ಟಿಗೆ ಧನ್ವೀರ್ ಅವರಿಗೆ ದರ್ಶನ್ ಅಂದ್ರೆ ಪ್ರೀತಿ. ಇದನ್ನು ಮನಗಂಡು ದರ್ಶನ್ ಕೂಡಾ ಬಜ್ಹಾರಿನ ಆಡಿಯೋ ಲಾಂಚ್ ಮಾಡಿದ್ದರು. ತಮ್ಮ ಅಭಿಮಾನಿಯನ್ನು ಹರಸಿದ್ದರು. ಧನ್ವೀರ್ ಈ ಚಿತ್ರದಲ್ಲಿ ಕಾಣಿಸಿಕೊಂಡಿರೋ ರೀತಿ ನೋಡಿದರೆ ಕನ್ನಡಕ್ಕೊಬ್ಬ ಹೀರೋ ಸಿಕ್ಕುವ ಲಕ್ಷಣಗಳೇ ಕಾಣಿಸುತ್ತಿವೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
