ಶ್ರೀನಗರ: ಜಮ್ಮು ಕಾಶ್ಮೀರದಲ್ಲಿ ಸೇನೆಯ ಮೇಲೆ ಕಲ್ಲು ತೂರಾಟ ಮಾಡುತ್ತಿದ್ದ 13 ವರ್ಷದ ಬಾಲಕನನ್ನು ಕಾಶ್ಮೀರ ಪೊಲೀಸರು ಬಂಧಿಸಿದ್ದಾರೆ.
ಇತ್ತೀಚಿಗೆ ಶೋಪಿಯನ್ ಜಿಲ್ಲೆಯಲ್ಲಿ ನಡೆದ ಕಲ್ಲು ತೂರಾಟದ ಸಮಯದಲ್ಲಿ ಈತನನ್ನು ಬಂಧಿಸಲಾಗಿದೆ. ಈತ ತನ್ನ 10 ವಯಸ್ಸಿನಲ್ಲೇ ಕಲ್ಲು ತೂರಾಟದ ಗುಂಪಿಗೆ ಸೇರಿ ಛೋಟಾ ಡಾನ್ ಎಂದು ಹೆಸರು ಮಾಡಿದ್ದ. ಈತನ್ನು ಈಗ ಬಂಧಿಸಿರುವ ಪೊಲೀಸರು ಬಾಲಾಪರಾಧ ಗೃಹಕ್ಕೆ ಕುಳುಹಿಸಿದ್ದಾರೆ.
https://twitter.com/Sandeep_IPS_JKP/status/1168466790038433792
ಈ ವಿಚಾರವಾಗಿ ಟ್ವೀಟ್ ಮಾಡಿರುವ ಶೋಪಿಯನ್ ಜಿಲ್ಲೆಯ ಹಿರಿಯ ಪೊಲೀಸ್ ಅಧಿಕಾರಿ ಸಂದೀಪ್ ಚೌಧರಿ, ನಾವು 13 ವರ್ಷದ ಒಬ್ಬ ಹುಡಗನನ್ನು ಬಂಧಿಸಿ ಬಾಲಾಪರಾಧ ಗೃಹಕ್ಕೆ ಕಳುಹಿಸಿದ್ದೇವೆ. ಆತನ ಹೆಸರನ್ನು ಬಹಿರಂಗ ಪಡಿಸಿಲ್ಲ. ಆದರೆ ಈತ ತನ್ನ 10 ವಯಸ್ಸಿನಲ್ಲಿ ಆದರೆ 2016 ರಲ್ಲಿ ಸೇನೆಯ ಮೇಲೆ ಕಲ್ಲು ತೂರಾಟ ಮಾಡುವ ಗುಂಪಿನೊಂದಿಗೆ ಸೇರಿ ಛೋಟಾ ಡಾನ್ ಎಂದು ಹೆಸರು ಮಾಡಿದ್ದ ಮತ್ತು ತನಗಿಂತ ಉದ್ದವಾದ ಕೋಲು ಹಿಡಿದು ಶಿಕ್ಷಕರು ಮತ್ತು ಸರ್ಕಾರಿ ನೌಕರರ ಮೇಲೆ ದಾಳಿ ಮಾಡಿದ್ದ ಎಂದು ಟ್ವೀಟ್ ಮಾಡಿದ್ದಾರೆ.
ಶೋಪಿಯನ್ ಜಿಲ್ಲೆಯಲ್ಲಿರುವ ಅವನ ಕುಟುಂಬದವರು ಹೇಳುವ ಪ್ರಕಾರ, 6ನೇ ತರಗತಿ ಓದುತ್ತಿದ್ದ ಛೋಟಾ ಡಾನ್ ತನ್ನ ವಿದ್ಯಾಭ್ಯಾಸವನ್ನು ಅರ್ಧಕ್ಕೆ ಮೊಟುಕುಗೊಳಿಸಿ 2016 ರ ವೇಳೆ ಕಾಶ್ಮೀರದ ಕಣುವೆ ಪ್ರದೇಶದಲ್ಲಿ ಕಲ್ಲು ತೂರಾಟ ಮಾಡುವ ಗುಂಪಿನೊಂದಿಗೆ ಗುರುತಿಸಿಕೊಂಡಿದ್ದ. ಅವನು ಅ ಗುಂಪಿನಲ್ಲಿ ಛೋಟಾ ಡಾನ್ ಎಂದು ಬಹಳ ಹೆಸರು ಮಾಡಿದ್ದ ಎಂದು ಹೇಳಿದ್ದಾರೆ.
ಈ ಬಾಲಕನಿಗೆ ಕಾಶ್ಮೀರದ ಸಮಸ್ಯೆಗಳು ಏನೂ ಈಗ ರದ್ದು ಮಾಡಿದ 370 ನೇ ವಿಧಿಯ ಬಗ್ಗೆ ಏನೂ ಗೊತ್ತೇ ಇಲ್ಲ. ಆದರೆ ಶಾಲೆಗೆ ಹೋಗುವುದನ್ನು ತಪ್ಪಿಸಿಕೊಳ್ಳಲು ಕಲ್ಲು ತೂರಾಟ ಗುಂಪಿನ ಜೊತೆ ಸೇರಿಕೊಂಡಿದ್ದ ಎಂದು ಪೊಲೀಸರು ಹೇಳಿದ್ದಾರೆ.
