ಬೆಂಗಳೂರು: ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಆರ್‌ಸಿಬಿ, ಕೆಕೆಆರ್ ನಡುವಿನ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಓಡಿ ಬಂದು ಡೈವ್ ಮಾಡಿ ಕ್ಯಾಚ್ ಪಡೆದುಕೊಂಡಿದ್ದನ್ನು ನೋಡಿ ಪತ್ನಿ ಅನುಷ್ಕಾ ಶರ್ಮಾ ಆಶ್ಚರ್ಯಗೊಂಡ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಆರ್‌ಸಿಬಿ ನೀಡಿದ 175 ರನ್ ಗಳ ಗುರಿ ಬೆನ್ನತ್ತಿದ್ದ ಕೆಕೆಆರ್ ತಂಡದ ಆಟಗಾರರು ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೀಡಿದರು. ಪಂದ್ಯ 19ನೇ ಓವರ್ ನಲ್ಲಿ ಕೆಕೆಆರ್ ನಾಯಕ ದಿನೇಶ್ ಕಾರ್ತಿಕ್ (10 ಎಸೆತ, 23 ರನ್) ಭಾರೀ ಹೊಡೆತಕ್ಕೆ ಕೈ ಹಾಕಿದರು. ಈ ವೇಳೆ ಬೌಂಡರಿ ಬಳಿ ಇದ್ದ ಕೊಹ್ಲಿ ರನ್ನಿಂಗ್ ಡೈವ್ ಮಾಡುವ ಮೂಲಕ ಕ್ಯಾಚ್ ಪಡೆದರು. ಆರ್‌ಸಿಬಿ ಪರ ಬೆಂಬಲಿಸಲು ಆಗಮಿಸಿದ್ದ ಅನುಷ್ಕಾ ಶರ್ಮಾ, ಕೊಹ್ಲಿ ಪಡೆದ ಕ್ಯಾಚ್ ನೋಡಿ ಅಚ್ಚರಿ ವ್ಯಕ್ತಪಡಿಸಿದರು.
ಕೊಹ್ಲಿ ಈ ವೇಳೆ ಉತ್ತಮ ಕ್ಯಾಚ್ ಪಡೆದರೂ ಸಹ ಯಾವುದೇ ಸಂಭ್ರಮ ವ್ಯಕ್ತಪಡಿಸಲಿಲ್ಲ. ಕೊಹ್ಲಿ ಪಂದ್ಯದಲ್ಲಿ 33ನೇ ಅರ್ಧಶತಕ ಸಿಡಿಸಿ ಏಕಾಂಗಿ ಹೋರಾಟ ನಡೆಸಿದರೂ ಬೌಲಿಂಗ್ ವೈಫಲ್ಯದಿಂದಾಗಿ ಆರ್‌ಸಿಬಿ ಸೋಲುಂಡಿತು.
ಕೆಕೆಆರ್ ಪರ ಉತ್ತಮ ಪ್ರದರ್ಶನ ನೀಡಿದ ಕ್ರಿಸ್ ಲಿನ್ ಔಟಾಗದೇ 62 ರನ್ ಸಿಡಿಸಿದರು. ಉಳಿದಂತೆ ರಾಬಿನ್ ಉತ್ತಪ್ಪ (21 ಎಸೆತ 36 ರನ್), ನರೈನ್ (19 ಎಸೆತ 27 ರನ್) ಬಿರುಸಿನ ಆಟ ಪ್ರದರ್ಶಿಸಿ ತಂಡದ ಗೆಲುವಿಗೆ ಕಾರಣರಾದರು. ಈ ಆವೃತ್ತಿಯಲ್ಲಿ ಇದುವರೆಗೂ 7 ಪಂದ್ಯಗಳನ್ನು ಆಡಿರುವ ಆರ್ ಸಿಬಿ 2 ರಲ್ಲಿ ಮಾತ್ರ ಜಯಗಳಿಸಿ ಅಂಕಪಟ್ಟಿಯಲ್ಲಿ 6ನೇ ಸ್ಥಾನ ಪಡೆದಿದೆ.
That spectacular catch by @imVkohli & @AnushkaSharma 's reaction ????????????????????#Virushka #ViratKohli #AnushkaSharma #RCBvKKR pic.twitter.com/zQX73jSinC
— Virushka Updates (@VirushkaaUpdate) April 29, 2018
@AnushkaSharma Thank you for giving us these absolutely fun expressions. That catch deserved this, Please attend as many @RCBTweets matches as you can ????????#IPL2018 #Anushka #ViratKohli pic.twitter.com/eVzhmQ04Bf
— Noone উবাচ (@follobj) April 29, 2018
What a catch by @imVkohli !! ????????@AnushkaSharma your reaction to it was epic! ❤️❤️#IPL #RCB #ViratKohli #RCBvsKKR
— Shekkhar Dalmmia (@shekkhardalmmia) April 29, 2018
