18ನೇ ಆವೃತ್ತಿಯ ಐಪಿಎಲ್‌ನಲ್ಲಿ 18ರ ನಂಟು ಮತ್ತೆ ಮುನ್ನೆಲೆಗೆ ಬಂದಿದೆ. ಅದರಲ್ಲೂ ಆರ್‌ಸಿಬಿಗೆ ಮತ್ತು ಸಂಖ್ಯೆ 18ರ ನಂಟು ಈಗ ಆರಂಭವಾಗಿದಲ್ಲ. ಐಪಿಎಲ್‌ ಆರಂಭವಾಗುವಾಗಲೇ ಆರ್‌ಸಿಬಿ ಜೊತೆ 18ರ ನಂಟು ಆರಂಭವಾಗಿತ್ತು.
ಆರ್‌ಸಿಬಿಯ ಆಸ್ತಿ ಯಾರೂ ಎಂದರೆ ಅದು ವಿರಾಟ್‌ ಕೊಹ್ಲಿ. ವಿರಾಟ್‌ ಕೊಹ್ಲಿ ಜೆರ್ಸಿ ನಂಬರ್‌ 18. ಈ ಕಾರಣಕ್ಕೆ ಆರ್‌ಸಿಬಿ ಅಭಿಮಾನಿಗಳು ಧರಿಸುವ ಜೆರ್ಸಿ ಹಿಂದೆ ವಿರಾಟ್‌ ಕೊಹ್ಲಿ ಹೆಸರು ಮತ್ತು ಸಂಖ್ಯೆ 18 ಮುದ್ರಣವಾಗಿರುತ್ತದೆ.
ಐಪಿಎಲ್‌ ಫೈನಲ್ ಪಂದ್ಯ ಇಂದು (ಜೂನ್‌ 3) ನಡೆಯಲಿದೆ. ಜೂನ್‌ ವರ್ಷದ 6ನೇ ತಿಂಗಳಾಗಿದೆ. ದಿನಾಂಕ+ತಿಂಗಳು+ವರ್ಷವನ್ನು ಕೂಡಿಸಿದಾಗ(3+6+2+0+2+5) 18 ಬರುತ್ತದೆ. ಇದನ್ನೂ ಓದಿ: ಸತತ 2ನೇ ವರ್ಷ ರಜತ್‌ Vs ಶ್ರೇಯಸ್‌ ತಂಡಗಳ ಮಧ್ಯೆ ಟಿ20 ಫೈನಲ್!
18ರ ಜೊತೆಗೆ ಏಕೆ ವಿಶೇಷ ನಂಟು?
ಐಪಿಎಲ್‌ ಇತಿಹಾಸದಲ್ಲಿ ಆರ್‌ಸಿಬಿಗೆ ಮೊದಲ ಬಾರಿ 18ರ ನಂಟು ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡ್‌ ಆಗಲು ಶುರುವಾಗಿದ್ದು 2013 ರಿಂದ. ಮೇ 18 ರಂದು ಬೆಂಗಳೂರಿನಲ್ಲಿ ಆರ್‌ಸಿಬಿ ಮತ್ತು ಚೆನ್ನೈ ಪಂದ್ಯಕ್ಕೆ ಮಳೆ ಅಡ್ಡಿಯಾಗಿತ್ತು. ಕೊನೆಗೆ ಪಂದ್ಯವನ್ನು 8 ಓವರ್‌ಗೆ ಇಳಿಸಲಾಗಿತ್ತು. ಅಂದು ಆರ್‌ಸಿಬಿ ತಂಡ ಸಿಎಸ್‌ಕೆ ಎದುರು 24 ರನ್‌ಗಳ ಜಯ ದಾಖಲಿಸಿತ್ತು. ವಿರಾಟ್‌ ಕೊಹ್ಲಿ (Virat Kohli) ಆ ಪಂದ್ಯದಲ್ಲಿ 29 ಎಸೆತಗಳಲ್ಲಿ ಅಜೇಯ 56 ರನ್‌ ಸಿಡಿಸಿ ಅಬ್ಬರಿಸಿದ್ದರು. ಬಳಿಕ 2014ರಲ್ಲೂ ಸಿಎಸ್‌ಕೆ ಎದುರು ಮೇ 18ರಂದೇ ನಡೆದ ಪಂದ್ಯದಲ್ಲಿ ಆರ್‌ಸಿಬಿ 5 ವಿಕೆಟ್‌ಗಳ ಜಯ ದಾಖಲಿಸಿತ್ತು. ಆ ಪಂದ್ಯದಲ್ಲೂ ಕೊಹ್ಲಿ ಜವಾಬ್ದಾರಿಯುತ ಬ್ಯಾಟಿಂಗ್‌ ಮಾಡಿದ್ದರು. ಈ ಮೂಲಕ 18 ಸಂಖ್ಯೆ ಆರ್‌ಸಿಬಿ ಅದೃಷ್ಟದ ಸಂಖ್ಯೆ ಎಂಬ ಟ್ರೆಂಡ್‌ ಆರಂಭವಾಯಿತು. ಇದನ್ನೂ ಓದಿ: ಕಳೆದ 15 ತಿಂಗಳಲ್ಲಿ ಅಯ್ಯರ್‌ ಮುಟ್ಟಿದ್ದೆಲ್ಲವೂ ಚಿನ್ನ – ಈಗ 6ನೇ ಟ್ರೋಫಿ ಗೆಲುವಿನ ಗುರಿ!
ಸಂಖ್ಯೆ 9ಕ್ಕೆ ಅದೃಷ್ಟ:
ಸಂಖ್ಯಾ ಶಾಸ್ತ್ರದಲ್ಲಿ ಸಂಖ್ಯೆ 9ಕ್ಕೆ ಅದೃಷ್ಟ ಜಾಸ್ತಿ ಎಂಬ ನಂಬಿಕೆಯಿದೆ. 09 ಅಥವಾ ಎರಡು ಸಂಖ್ಯೆಯನ್ನು ಕೂಡಿದಾಗ 9 ಬಂದರೆ ಒಳ್ಳೆದಾಗುತ್ತದೆ ಎಂಬ ಭಾವನೆಯಿದೆ. ಕ್ರಿಕೆಟಿನಲ್ಲೇ ಪರಿಗಣಿಸಿದರೆ ವಿರಾಟ್‌ ಕೊಹ್ಲಿ ಜೆರ್ಸಿ ಸಂಖ್ಯೆ 18(1+8) ಇದ್ದರೆ ರೋಹಿತ್‌ ಶರ್ಮಾ ಜೆರ್ಸಿ ಸಂಖ್ಯೆ 45(4+5) ಇದ್ದರೆ ಆಸ್ಟ್ರೇಲಿಯಾದ ಕೀಪರ್‌ ಗಿಲ್‌ಕ್ರಿಸ್ಟ್‌ ನಂಬರ್‌ 18 ಇತ್ತು. ಟೀಂ ಇಂಡಿಯಾ ಮಹಿಳಾ ಕ್ರಿಕೆಟಿನ ಸ್ಟಾರ್‌ ಆಟಗಾರ್ತಿ ಸ್ಮೃತಿ ಮಂಧಾನ ಜೆರ್ಸಿ ಸಂಖ್ಯೆ 18 ಅಗಿದೆ.
