ಬೆಂಗಳೂರು: ಇಂಟರ್ವ್ಯೂ ನೆಪದಲ್ಲಿ ಕಾಮುಕ ಸಂದರ್ಶಕನೊಬ್ಬ ಯುವತಿಯೋರ್ವಳನ್ನು ಫ್ಯಾಕ್ಟರಿ ಬಳಿ ಕರೆಸಿಕೊಂಡು ಸಂಬಳ ಜಾಸ್ತಿ ಕೊಡ್ತೀನಿ ನನ್ನೊಂದಿಗೆ ಸಹಕರಿಸು ಎಂದು ಆಕೆಗೆ ಲೈಂಗಿಕ ಕಿರುಕುಳ ನೀಡಿರುವ ಘಟನೆ ಸಿಲಿಕಾನ್ ಸಿಟಿಯಲ್ಲಿ ನಡೆದಿದೆ.
ಷಣ್ಮುಗಂ ಎಂಬಾತ ಕಿರುಕುಳ ಕೊಟ್ಟಿದ್ದಾನೆ ಎಂದು ಯುವತಿ ಆರೋಪಿಸಿದ್ದಾಳೆ. ಷಣ್ಮುಗಂ ಪಿಣ್ಯ 2ನೇ ಹಂತದಲ್ಲಿರುವ ಸರವಣ ಇಂಜಿನಿಯರಿಂಗ್ ವರ್ಕ್ ಕಂಪನಿಯ ಎಂ.ಡಿ ಆಗಿ ಕೆಲಸ ಮಾಡುತ್ತಿದ್ದಾನೆ. ಮೊದಲು ಇಂಟರ್ವ್ಯೂ ಪಾಸ್ ಆಗಿದ್ದಿರಾ ಕೆಲಸಕ್ಕೆ ಬನ್ನಿ ಎಂದು ಯುವತಿಗೆ ಆರೋಪಿ ಹೇಳಿದ್ದಾನೆ. ಬಳಿಕ ಎರಡನೇ ದಿನ ನಿಮ್ಮ ಸ್ಯಾಲರಿ ಬಗ್ಗೆ ಮಾತನಾಡಬೇಕು ಫ್ಯಾಕ್ಟರಿ ಬಳಿ ಬನ್ನಿ ಎಂದು ಯುವತಿಯನ್ನ ಕರೆಸಿಕೊಂಡು ಲೈಂಗಿಕ ಕಿರುಕುಳ ನೀಡಿದ್ದಾನೆ.
ಫ್ಯಾಕ್ಟರಿ ಬಳಿ ಯುವತಿಯನ್ನು ಕರೆಸಿಕೊಂಡ ಆರೋಪಿ ಕೆಲಸಕ್ಕೆ ಬಂದ ಬಳಿಕ ನಿನಗೆ ಸ್ಯಾಲರಿ ಜಾಸ್ತಿ ಕೊಡುತ್ತೇನೆ, ನಿನಗೆ ಬೈಕ್ ಕೊಡಿಸುತ್ತೇನೆ. ನೀನು ನನಗೆ ಸಹಕರಿಸು ಎಂದು ಮೈ ಕೈ ಮುಟ್ಟಿ ಅಸಭ್ಯವಾಗಿ ವರ್ತಿಸಿದ್ದಾನೆ. ಇದರಿಂದ ಗಾಬರಿಗೊಂಡು ಯುವತಿ ಪೋಷಕರಿಗೆ ವಿಷಯ ತಿಳಿಸಿದ್ದಾಳೆ.
ಮಗಳ ಜೊತೆ ಅಸಭ್ಯವಾಗಿ ವರ್ತಿಸಿ ಲೈಂಗಿಕ ಕಿರುಕುಳ ಕೊಟ್ಟ ಷಣ್ಮುಗಂ ವಿರುದ್ಧ ಯುವತಿ ಪೋಷಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಅಲ್ಲದೇ ಆರೋಪಿ ವಿರುದ್ಧ ರಾಜಗೋಪಾಲ ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
