ಪೊಲೀಸ್ ಇಲಾಖೆಯಲ್ಲಿ ಆರ್ಡರ್ಲಿ ಪದ್ಧತಿ ಜೀವಂತ – ಮಾಹಿತಿ ಆಯೋಗದಿಂದ ಗೃಹ ಇಲಾಖೆಗೆ ನೋಟಿಸ್

Public TV
1 Min Read

ಬೆಂಗಳೂರು: ಶಿಸ್ತಿನ ಪೊಲೀಸ್ ಇಲಾಖೆಯಲ್ಲೇ ಅಶಿಸ್ತು ತಾಂಡವವಾಡ್ತಿದೆ. ಪೊಲೀಸ್ ಮಹಾನಿರ್ದೇಶಕರಿಂದ ಹಿಡಿದು ಇನ್ಸ್‍ಪೆಕ್ಟರ್ ಮನೆವರೆಗೂ ಪೊಲೀಸ್ ಜೀತದಾಳುಗಳಿದ್ದಾರೆ. ಬೆಳಗ್ಗೆ ಕಸ ಹೊಡೆಯೋದ್ರಿಂದ ಹಿಡಿದು ಹೆಂಡತಿ ಮಕ್ಕಳ ಬಟ್ಟೆ ಒಗೆಯೋಕು ಪೊಲೀಸ್ರೇ ಬೇಕು. ಕೇವಲ ಪೊಲೀಸ್ ಅಧಿಕಾರಿಗಳು ಮಾತ್ರವಲ್ಲ, ಸಚಿವ ಕೆ.ಜೆ ಜಾರ್ಜ್ ಮನೆಯಲ್ಲಿಯೇ ಪೊಲೀಸ್ ಜೀತದಾಳುಗಳಿದ್ದಾರೆ.

ಮಾಹಿತಿ ಆಯೋಗವೇ ಕೇಳಿದ ಮಾಹಿತಿಯಲ್ಲಿ 100ಕ್ಕೂ ಹೆಚ್ಚು ಆರ್ಡರ್ಲಿ ಇದ್ದಾರೆ ಅಂತ ಸ್ವತಃ ಗೃಹ ಇಲಾಖೆಯೇ ಒಪ್ಪಿಕೊಂಡಿದೆ. ಈ ಸಂಬಂಧ ಗೃಹ ಇಲಾಖೆಗೆ ಮಾಹಿತಿ ಆಯೋಗ ನೊಟೀಸ್ ನೀಡಿದೆ. ಮಾಹಿತಿ ಆಯೋಗದ ಮುಖ್ಯ ಆಯುಕ್ತರು ನೋಟಿಸ್ ನೀಡಿದ್ದು, ಸರ್ಕಾರದ ಆದೇಶ ಪಾಲನೆ ಮಾಡಿ. ಆದೇಶ ಅನುಷ್ಠಾನಗೊಳಿಸಿ ಒಂದು ತಿಂಗಳೊಳಗೆ ವಾಸ್ತವ ವರದಿ ನೀಡುವಂತೆ ಗೃಹ ಇಲಾಖೆಗೆ ಸೂಚಿಸಲಾಗಿದೆ.

ಶಿಸ್ತು ಪಾಲಿಸಬೇಕಾದ ಇಲಾಖೆಯಲ್ಲಿ ಅಶಿಸ್ತು ಇದೆ. ಆರ್ಡರ್ಲಿ ರದ್ದು ಮಾಡಿ ಸರ್ಕಾರ ಆದೇಶಿಸಿದೆ. ಆದರೂ ಮೌಖಿಕ ಆದೇಶದ ಮೂಲಕ ಆರ್ಡರ್ಲಿ ಪದ್ದತಿ ಮುಂದುವರಿದಿದೆ. ಇದು ಸರ್ಕಾರದ ಆದೇಶದ ಸ್ಪಷ್ಟ ಉಲ್ಲಂಘನೆ ಎಂದು ಮಾಹಿತಿ ಆಯೋಗ ಅಸಮಾಧಾನ ವ್ಯಕ್ತಪಡಿಸಿದೆ.

ಪಬ್ಲಿಕ್ ಟಿವಿಯಲ್ಲಿ ಸುದ್ದಿ ಪ್ರಸಾರವಾದ ಬೆನ್ನಲ್ಲಿ ಪ್ರತಿಕ್ರಿಯಿಸಿದ ಗೃಹ ಸಚಿವ ಪರಮೇಶ್ವರ್, ಇಂದಿನಿಂದಲೇ ರಾಜ್ಯಾದ್ಯಂತ ಆರ್ಡರ್ಲಿ ಇರಲ್ಲ ಅಂತ ಹೇಳಿದ್ರು. ಈಗಾಗಲೇ ರಾಜ್ಯದಲ್ಲಿ ಮೂರು ಸಾವಿರ ಆರ್ಡರ್ಲಿ ಇದ್ದಾರೆ. ಅದಕ್ಕೆ ಇರುವ ಅಧಿಕಾರಿಗಳಿಗೆ ಬೇರೆಯವರ ನೇಮಕ ಮಾಡಿಕೊಡಲಾಗುತ್ತೆ. ಅವರನ್ನೆಲ್ಲಾ ಇನ್ಮುಂದೆ ಮುಕ್ತಿಗೊಳಿಸುತ್ತೇವೆ. ಸದ್ಯ ಪ್ರೋಸಸ್ ನಡೆಯುತ್ತಿದ್ದು, ಸದ್ಯದಲ್ಲೇ ಎಲ್ಲಾ ಆರ್ಡರ್ಲಿ ಇರಲ್ಲ ಅಂದ್ರು.

Share This Article
Leave a Comment

Leave a Reply

Your email address will not be published. Required fields are marked *