ಲೀಡ್ಸ್‌: ಇಂಗ್ಲೆಂಡ್‌ (England) ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್‌ನಲ್ಲಿ (Test Cricket) ಭಾರತ (Team) ಕೇವಲ 41 ರನ್‌ಗಳಿಗೆ 7 ವಿಕೆಟ್‌ ಕಳೆದುಕೊಳ್ಳುವ ಮೂಲಕ 471 ರನ್‌ಗಳಿಗೆ ಆಲೌಟ್‌ ಆಗಿದೆ.
ಮೊದಲ ದಿನವಾದ ಶುಕ್ರವಾರ ಭಾರತ 85 ಓವರ್‌ಗಳಲ್ಲಿ 3 ವಿಕೆಟ್‌ ನಷ್ಟಕ್ಕೆ 359 ರನ್‌ ಗಳಿಸಿ ಸುಭದ್ರ ಸ್ಥಿತಿಯಲ್ಲಿತ್ತು. ಆದರೆ ಇಂದು 28 ಓವರ್‌ಗಳಲ್ಲಿ 112 ರನ್‌ ಮಾತ್ರ ಗಳಿಸಿ ಅಂತಿಮವಾಗಿ 113 ಓವರ್‌ಗಳಲ್ಲಿ 471 ರನ್‌ಗಳಿಸಿ ಸರ್ವಪತನ ಕಂಡಿತು.
🗣 “𝘼𝙖𝙜𝙚 𝙠𝙚 𝙗𝙝𝙞 𝙥𝙚𝙚𝙘𝙝𝙚 𝙠𝙝𝙚𝙡𝙖 𝙝𝙪.” @ShubmanGill and @RishabhPant17 entertained us with a brilliant partnership and witty chatter between wickets. 🤩#ENGvIND 1st Test, Day 2 | Streaming LIVE NOW on JioHotstar 👉 https://t.co/PLSZ49Mrj4 pic.twitter.com/i9Ywg2IeTw
— Star Sports (@StarSportsIndia) June 21, 2025
ನಿನ್ನೆ 127 ರನ್‌ ಗಳಿಸಿದ್ದ ಶುಭಮನ್‌ ಗಿಲ್‌ ಇಂದು 147 ರನ್‌(227 ಎಸೆತ, 19 ಬೌಂಡರಿ, 1 ಸಿಕ್ಸರ್‌) ಸಿಡಿಸಿ ಔಟಾದರು. ಗಿಲ್‌ ಔಟಾದಾಗ ತಂಡದ ಮೊತ್ತ 4 ವಿಕೆಟ್‌ ನಷ್ಟಕ್ಕೆ 430 ರನ್‌ ಗಳಿಸಿತ್ತು.
ಗಿಲ್‌ ಔಟಾದ ಬೆನ್ನಲ್ಲೇ ಉಳಿದ ಮಧ್ಯಮ ಕ್ರಮಾಂಕದ ಆಟಗಾರರು ಕ್ರೀಸ್‌ನಲ್ಲಿ ಗಟ್ಟಿ ನಿಲ್ಲಲಿಲ್ಲ. ಕರಣ್‌ ನಾಯರ್‌ ಸೊನ್ನೆ ಸುತ್ತಿದರೆ, ರವೀಂದ್ರ ಜಡೇಜಾ 11 ರನ್‌, ಶಾರ್ದೂಲ್‌ ಠಾಕೂರ್‌ 1 ರನ್‌, ಬುಮ್ರಾ 0, ಸಿರಾಜ್‌ ಔಟಾಗದೇ 3 ರನ್‌ ಹೊಡೆದರೆ ಪ್ರಸಿದ್ಧ್‌ ಕೃಷ್ಣ 1 ರನ್‌ ಹೊಡೆದು ಔಟಾದರು. ಇದನ್ನೂ ಓದಿ: ಪಲ್ಟಿ ಹೊಡೆದು ಪಂತ್‌ ಶತಕ ಸಂಭ್ರಮ – ಧೋನಿ ರೆಕಾರ್ಡ್‌ ಬ್ರೇಕ್‌
WHAT A KNOCK, WHAT A CELEBRATION! 💪💯
2018, 2021 & now 2025 – 𝙍𝙄𝙎𝙃𝘼𝘽𝙃-𝙋𝘼𝙉𝙏𝙄 continues on the English soil! 💪
👉 7th Test century
👉 4th vs ENG in Tests
👉 3rd in ENG in Tests#ENGvIND 1st Test, Day 2 | Streaming LIVE NOW on JioHotstar 👉 https://t.co/PLSZ49Mrj4… pic.twitter.com/MUySzy7Jr8— Star Sports (@StarSportsIndia) June 21, 2025
ನಾಯಕ ಗಿಲ್‌ ಮತ್ತು ಪಂತ್‌ 4ನೇ ವಿಕೆಟಿಗೆ 301 ಎಸೆತಗಳಲ್ಲಿ 209 ರನ್‌ ಜೊತೆಯಾಟವಾಡಿದ್ದರಿಂದ ತಂಡದ ಮೊತ್ತ 450 ರನ್‌ಗಳ ಗಡಿಯನ್ನು ದಾಟಿತು. ಈ ಜೊತೆಯಾಟದಲ್ಲಿ ಪಂತ್‌ 113 ರನ್‌ ಹೊಡೆದರೆ ಗಿಲ್‌ 84 ರನ್‌ ಹೊಡೆದಿದ್ದರು. ನಿನ್ನೆ 65 ರನ್‌ಗಳಿಸಿದ್ದ ಪಂತ್‌ ಇಂದು 134 ರನ್‌(178 ಎಸೆತ,12 ಬೌಂಡರಿ, 6 ಸಿಕ್ಸ್‌) ಸಿಡಿಸಿ ವಿಕೆಟ್‌ ಒಪ್ಪಿಸಿದರು.
ಇಂಗ್ಲೆಂಡ್‌ ಪರ ಜೋಶ್ ಟಂಗ್ ಮತ್ತು ಬೆನ್‌ ಸ್ಟೋಕ್ಸ್‌ ತಲಾ 4 ವಿಕೆಟ್‌ ಕಿತ್ತರೆ, ಬ್ರೈಡನ್ ಕಾರ್ಸೆ ಮತ್ತು ಶೋಯೆಬ್‌ ಬಶೀರ್‌ ತಲಾ ಒಂದೊಂದು ವಿಕೆಟ್‌ ಪಡೆದರು.
