ಕೀವ್: ಬಿಳಿ ಬಣ್ಣದ ಕಾರೊಂದು ಡಿಕ್ಕಿ ಹೊಡೆದ ರಭಸಕ್ಕೆ ಫಿಯೆಟ್ ಡೊಬ್ಲೊ ವ್ಯಾನ್, ನಿಂತಿದ್ದ ಇನ್ನೊಂದು ಕಾರಿನ ಮೇಲೆ ಪಲ್ಟಿ ಹೊಡೆದು ರಸ್ತೆಗೆ ಉಲ್ಟಾವಾಗಿ ಬಿದ್ದರೂ ಚಾಲಕ ಪವಾಡಸದೃಶವಾಗಿ ಪಾರಾಗಿದ್ದಾನೆ.
ಈ ಘಟನೆ ಭಾನುವಾರ ಉಕ್ರೇನ್ ನ ಕೊಲೊಮಿಯಿಯ ನಗರ ಹೆದ್ದಾರಿಯಲ್ಲಿ ಸಂಭವಿಸಿದೆ. ಈ ಅಪಘಾತದ ದೃಶ್ಯ ಸಿಸಿಟಿಯಲ್ಲಿ ಸೆರೆಯಾಗಿದ್ದು, ಇದೀಗ ಎಲ್ಲೆಡೆ ವೈರಲ್ ಆಗಿದೆ.
ಹೆದ್ದಾರಿಯಲ್ಲಿ ಬೂದು ಬಣ್ಣದ ಕಾರೊಂದು ರಸ್ತೆ ಬದಿಯಲ್ಲಿ ನಿಂತಿರುತ್ತದೆ. ಈ ದಾರಿಯಲ್ಲಿ ನೇರವಾಗಿ ಫಿಯೆಟ್ ಡೊಬ್ಲೊ ವ್ಯಾನೊಂದು ಬರುತ್ತಿತ್ತು. ಈ ವೇಳೆ ಇನ್ನೊಂದು ರಸ್ತೆಯಿಂದ ಕಾರು ನೇರವಾಗಿ ಬಂದು ವ್ಯಾನ್ ಗೆ ಡಿಕ್ಕಿ ಹೊಡೆದಿದೆ.
ಡಿಕ್ಕಿ ಹೊಡೆದ ಪರಿಣಾಮ ರಸ್ತೆ ಬದಿಯಲ್ಲಿ ನಿಂತಿದ್ದ ಕಾರಿನ ಮೇಲೆ ಪಲ್ಟಿ ಹೊಡೆದಿದೆ. ಬಳಿಕ ರಸ್ತೆಯಲ್ಲಿ ಉಲ್ಟಾವಾಗಿ ಬಿದ್ದಿದೆ. ಆದರೂ ಚಾಲಕ ಮಾತ್ರ ಆರಾಮವಾಗಿ ವ್ಯಾನ್ ಕಿಟಕಿ ಮೂಲಕ ಹೊರಬಂದು, ಗಾಬರಿಯಿಂದ ಓಡಿದ್ದಾನೆ. ನಂತರ ರಸ್ತೆ ಬದಿಯಲ್ಲಿ ನಿಂತಿದ್ದ ಕಾರಿನಲ್ಲಿದ್ದ ಮಗು ಸೇರಿ ದಂಪತಿ ಹೊರ ಬಂದು ಓಡಿ ಹೋಗಿದ್ದಾರೆ.
ಸದ್ಯಕ್ಕೆ ಈ ಅಪಘಾತದಿಂದ ಸಣ್ಣ ಪುಟ್ಟ ಗಾಯಗಳಾಗಿದ್ದು, ಎಲ್ಲರೂ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
https://www.youtube.com/watch?time_continue=33&v=XOZcbfZo0rs
