ನವದೆಹಲಿ: ಅಫ್ಘಾನ್ (Afghanistan) ವಿರುದ್ಧದ ಪಂದ್ಯದ ವೇಳೆ ಜದ್ರಾನ್ ವಿಕೆಟ್ ಪಡೆದು ಹೆಸರಾಂತ ಫುಟ್ಬಾಲ್ ಆಟಗಾರ ಮಾರ್ಕಸ್ ರಾಶ್ಫೋರ್ಡ್ ಅವರ ಟೆಂಪಲ್ ಪಾಯಿಂಟ್ ಸ್ಟೈಲ್‍ನ್ನು ಟೀಂ ಇಂಡಿಯಾ (Team India) ಆಟಗಾರ ಜಸ್‍ಪ್ರೀತ್ ಬುಮ್ರಾ (Jasprit Bumrah) ಅನುಸರಿಸಿ ಸಂಭ್ರಮಿಸಿದ್ದಾರೆ.
View this post on Instagram
ನವದೆಹಲಿಯಲ್ಲಿ ನಡೆಯುತ್ತಿರುವ ಪಂದ್ಯದ ಏಳನೇ ಓವರ್‌ನಲ್ಲಿ ಬುಮ್ರಾ ವಿಕೆಟ್ ಪಡೆದರು. ಇಬ್ರಾಹಿಂ ಜದ್ರಾನ್ 22(28 ಎಸೆತ) ಅವರ ಕ್ಯಾಚ್‍ನ್ನು ಕೊಹ್ಲಿ ಪಡೆದು ಔಟ್ ಮಾಡಿದರು. ಈ ವೇಳೆ ಸಂಭ್ರಮಿಸುವಾಗ ಬುಮ್ರಾ ತಲೆಯತ್ತ ಬೆರಳು ಮಾಡಿ ತೋರಿಸಿದರು. ಇದನ್ನೂ ಓದಿ: ಪಾಕ್ ನೆಲದಲ್ಲೇ ಆಡಿದ ಫೀಲ್ ನೀಡಿದೆ – ಅಭಿಮಾನಿಗಳ ಬೆಂಬಲಕ್ಕೆ ಪಾಕ್ ಆಟಗಾರ ರಿಜ್ವಾನ್ ಪ್ರತಿಕ್ರಿಯೆ
ಬುಮ್ರಾ ಒಬ್ಬ ದೊಡ್ಡ ಫುಟ್ಬಾಲ್ ಅಭಿಮಾನಿಯಾಗಿದ್ದಾರೆ. ಇದೇ ಕಾರಣಕ್ಕೆ ಅವರು ಇಂಗ್ಲೆಂಡ್‍ಗೆ ತೆರಳಿದ್ದ ವೇಳೆ ಓಲ್ಡ್ ಟ್ರಾಫರ್ಡ್ ಅವರನ್ನು ಭೇಟಿ ಮಾಡಿದ್ದರು. ಇತ್ತೀಚೆಗೆ ಹೆಸರಾಂತ ಫುಟ್ಬಾಲ್ ಆಟಗಾರ ಝ್ಲಾಟಾನ್ ಇಬ್ರಾಹಿಮೊವಿಕ್ ಅವರು ನಿವೃತ್ತರಾದ ಬಳಿಕ ಪೋಸ್ಟ್ ಒಂದನ್ನು ಬರೆದು `ನೀವು ನಿರಂತರ ಸ್ಫೂರ್ತಿಯ ಮೂಲ’ ಎಂದು ಕರೆದಿದ್ದರು.
ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಅಫ್ಘಾನಿಸ್ತಾನ 50 ಓವರ್‍ಗೆ 8 ವಿಕೆಟ್ ನಷ್ಟಕ್ಕೆ 272 ರನ್ ಗಳಿಸಿದೆ. ಇನ್ನು 273 ರನ್ ಗುರಿಯನ್ನು ಹೊತ್ತಿರುವ ಟೀಂ ಇಂಡಿಯಾ ಇನ್ನೂ ತನ್ನ ಬ್ಯಾಟ್ ಬೀಸುವ ತವಕದಲ್ಲಿದೆ. ಇದನ್ನೂ ಓದಿ: Major Update: ಗಿಲ್‌ ಆರೋಗ್ಯದ ಬಗ್ಗೆ ಬ್ಯಾಟಿಂಗ್ ಕೋಚ್‌ ಹೇಳಿದ್ದೇನು?
Web Stories
