ಜೈಲಿನಿಂದ ಹೊರ ಬರುತ್ತಿದ್ದಂತೆಯೇ ನಟಿ ರಾಖಿ ಸಾವಂತ್ (Rakhi Sawant) ಪತಿ ಆದಿಲ್, ಹೆಂಡತಿ ವಿರುದ್ಧ ಹಲವು ಆರೋಪಗಳನ್ನು ಮಾಡಿದ್ದರು. ‘ತನ್ನಿಂದಾಗಿ ರಾಖಿ ಪ್ರೆಗ್ನೆಂಟ್ (Pregnant) ಆಗಿದ್ದಳು ಎಂದು ಸುಳ್ಳು ಹೇಳಿದ್ದಾಳೆ. ಅವಳಿಗೆ ಆರೋಗ್ಯ ಸಮಸ್ಯೆ ಇರುವುದರಿಂದ ಬಸಿರಿಯಾಗಲು ಸಾಧ್ಯವೇ ಇಲ್ಲ. ಸುಳ್ಳು ಹೇಳಿ ಪ್ರಚಾರ ಪಡೆಯುತ್ತಿದ್ದಾಳೆ’ ಎಂದು ಆದಿಲ್ (Adil) ಹೇಳಿದ್ದರು.
ಈ ಮಾತಿಗೆ ರಾಖಿ ಸಾವಂತ್ ತಿರುಗೇಟು ನೀಡಿದ್ದು, ವೈದ್ಯರೊಂದಿಗೆ ಬಂದು ಅದಕ್ಕೆ ಉತ್ತರಿಸಿದ್ದಾಳೆ. ತನಗೆ ಯಾವುದೇ ಆರೋಗ್ಯ ಸಮಸ್ಯೆಯಿಲ್ಲ. ಮಗುವನ್ನು ಹೆರಲು ನಾನು ಸಮರ್ಥಳು ಎಂದು ಹೇಳಿದ್ದಾಳೆ. ಈ ವಿಷಯದ ಕುರಿತು ವೈದ್ಯರನ್ನೂ ಮಾತನಾಡಿಸಿದ್ದಾಳೆ. ಆ ವಿಡಿಯೋವನ್ನು ಶೇರ್ ಕೂಡ ಮಾಡಿದ್ದಾಳೆ.
ರಿತೇಜ್ ಜೊತೆ ಈಗಲೂ ರಾಖಿ ಸಂಪರ್ಕದಲ್ಲಿ ಇದ್ದಾಳೆ ಎಂದು ಮತ್ತೊಂದು ಆರೋಪ ಮಾಡಿದ್ದಾರೆ ಆದಿಲ್. ಕಳೆದ ದೀಪಾವಳಿಯಂದು ನಾನು ದುಬೈಗೆ ಹೋಗುತ್ತಿದ್ದೆ. ಆಕೆ ಲಂಡನ್ ಗೆ ಹೋಗುತ್ತಿದ್ದಳು. ಲಂಡನ್ ನಿಂದ ಮತ್ತೆ ದುಬೈಗೆ ಬಂದಳು. ಆಕೆ ಇನ್ನೂ ರಿತೇಜ್ ಜೊತೆ ಸಂಪರ್ಕದಲ್ಲಿ ಇದ್ದಾಳೆ ಎಂದು ಗೊತ್ತಾಯಿತು. ಅವಳು ಆತನ ಜೊತೆ ಮಾತನಾಡಿದ್ದನ್ನು ನಾನು ಕೇಳಿದ್ದೇನೆ. ಮೆಸೇಜ್ ಕೂಡ ನೋಡಿದ್ದೇನೆ’ ಎಂದಿದ್ದಾರೆ ಆದಿಲ್.
ರಾಖಿಯನ್ನು ಹೇಗೆ ನಂಬಿದೆ ಎನ್ನುವ ಕುರಿತು ಆದಿಲ್ ಮಾತನಾಡಿದ್ದಾರೆ. ‘ಪ್ರತಿ ಸಲವೂ ಆಕೆ ರಿತೇಜ್ ನನ್ನು ಮದುವೆ ಆಗಿಲ್ಲ ಅಂತಾನೇ ಹೇಳಿದಳು. ಅಂಧೇರಿ ಕೋರ್ಟ್ ನಲ್ಲಿ ಮ್ಯಾರೇಜ್ ಮಾಡಿಕೊಳ್ಳುವಾಗಲೂ ಸಿಂಗಲ್ ಅಂತಾನೇ ಬರೆದಿದ್ದಳು. ಹಾಗಾಗಿ ನಾನು ನಂಬುತ್ತಾ ಹೋದೆ. ರಿತೇಜ್ ಮತ್ತು ಆಕೆ ಕಾನೂನು ಪ್ರಕಾರವೇ ಮದುವೆ ಆಗಿದ್ದಾರೆ. ಇನ್ನೂ ಅವರು ಡಿವೋರ್ಸ್ ಪಡೆದುಕೊಂಡಿಲ್ಲ ಎನ್ನುವುದು ಆದಿಲ್ ಮಾತು.
Web Stories
