ರಾಮನಗರ: ವಿಧಾನಸಭಾ ಚುನಾವಣೆಯಲ್ಲಿ ಚನ್ನಪಟ್ಟಣ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿಯಾಗಿದ್ದ ಸಿ.ಪಿ ಯೋಗೇಶ್ವರ್ ಬೆಟ್ಟಿಂಗ್ ವಿಚಾರವಾಗಿ ಕಾರ್ಯಕರ್ತನ ಜೊತೆ ಮಾತನಾಡಿರುವ ಆಡಿಯೋ ಇದೀಗ ಹೊರಬಿದ್ದಿದೆ.
ಮತ ಏಣಿಕೆಗೂ ಮುನ್ನ ಗೆಲುವಿನ ಲೆಕ್ಕಾಚಾರದ ಮತಗಳಿಕೆ ಬಗ್ಗೆ ಲೆಕ್ಕಾಚಾರ ಹಾಕಿರುವ ಯೋಗೇಶ್ವರ್ ತಾವು ಇಷ್ಟು ಲೀಡ್ ಗಳಿಸ್ತೇನೆ. ಈಗಾಗಲೇ ಜೆಡಿಎಸ್‍ನವರು ಬೆಟ್ಟಿಂಗ್ ಕಟ್ಟೋಕೆ ರೆಡಿ ಇದ್ದಾರೆ. ಪ್ರೆಸ್‍ಮೀಟ್ ಕರೆದು ತಾನು ಸೋಲುತ್ತೇನೆ. ನೀವು ಬೆಟ್ ಕಟ್ಟಬಹುದು ಎಂದು ಆಡಿಯೋದಲ್ಲಿ ಹೇಳಿದ್ದಾರೆ.
ಚನ್ನಪಟ್ಟಣದಲ್ಲಿ ಎಚ್.ಡಿ ಕುಮಾರಸ್ವಾಮಿ ವಿರುದ್ಧ ತಾವು ಜಿಲ್ಲಾ ಪಂಚಾಯತ್‍ಗಳಲ್ಲಿ ಇಷ್ಟಿಷ್ಟು ಲೀಡ್ ಪಡೆದು ಒಟ್ಟು 9 ಸಾವಿರ ಮತಗಳ ಅಂತರದಿಂದ ಗೆಲುವು ಸಾಧಿಸಲಿದ್ದೇನೆ ಎಂದು ಆಡಿಯೋದಲ್ಲಿ ಹೇಳಿಕೊಂಡಿದ್ದಾರೆ.
ಎಚ್‍ಡಿ ಕುಮಾರಸ್ವಾಮಿ ವಿರುದ್ಧ 21,530 ಮತಗಳ ಅಂತರದಲ್ಲಿ ಯೋಗೇಶ್ವರ್ ಸೋತಿದ್ದರು. ಕುಮಾರಸ್ವಾಮಿ 87,995 ಮತಗಳನ್ನು ಪಡೆದರೆ ಯೋಗೇಶ್ವರ್ ಅವರಿಗೆ 66,465 ಮತಗಳು ಬಿದ್ದಿತ್ತು.
