ಲಕ್ನೋ: ಪತಿಯೊಬ್ಬ ತನ್ನ ಪತ್ನಿಯ ತವರು ಮನೆಗೆ ಹೋಗಿ ಆಕೆಯ ಕತ್ತು ಸೀಳಿ ಬರ್ಬರವಾಗಿ ಕೊಲೆ ಮಾಡಿದ ಘಟನೆ ಭಾನುವಾರ ಉತ್ತರ ಪ್ರದೇಶದ ಜಾಲೈನ್ ಜಿಲ್ಲೆಯಲ್ಲಿ ನಡೆದಿದೆ.
ಪೂನಂ(23) ಕೊಲೆಯಾದ ದುರ್ದೈವಿ. ಪೂನಂ 2013ರಲ್ಲಿ ಜಿಹಮೀರ್ ಪುರ ನಿವಾಸಿ ಜಿತೇಂದ್ರ ಜೊತೆ ಮದುವೆ ಆಗಿದ್ದಳು. ಜಿತೇಂದ್ರ ಹಾಗೂ ಪೂನಂ ನಡುವೆ ಒಂದೂವರೆ ವರ್ಷದಿಂದ ಜಗಳ ನಡೆಯುತ್ತಿತ್ತು. ಹೀಗಾಗಿ ಪೂನಂ ತನ್ನ ಪತಿಯ ಮನೆ ಬಿಟ್ಟು ತವರು ಮನೆ ಸೇರಿದ್ದಳು.
ಭಾನುವಾರ ಜಿತೇಂದ್ರ ತನ್ನ ಪತ್ನಿ ಪೂನಂಳ ತವರು ಮನೆಗೆ ಬಂದಿದ್ದಾನೆ. ಅಲ್ಲದೆ ಮನೆಗೆ ಬಂದ ತಕ್ಷಣ ಪೂನಂ ಕತ್ತು ಸೀಳಿ ಬರ್ಬರವಾಗಿ ಕೊಲೆ ಮಾಡಿದ್ದಾನೆ. ಪತ್ನಿಯ ತವರು ಮನೆಗೆ ಹೋಗುವ ಮೊದಲು ಜಿತೇಂದ್ರ ಹೇರ್ ಡೈ ಪೌಡರ್ ಕುಡಿದು ಬಂದಿದ್ದನು.
ಈ ವಿಷಯ ತಿಳಿದ ಪೊಲೀಸರು ತಕ್ಷಣ ಸ್ಥಳಕ್ಕೆ ಆಗಮಿಸಿದ್ದಾರೆ. ಅಲ್ಲದೆ ಹೇರ್ ಡೈ ಪೌಡರ್ ಕುಡಿದ ಜಿತೇಂದ್ರನನ್ನು ಆಸ್ಪತ್ರೆಗೆ ಸೇರಿಸಿದ್ದಾರೆ. ಸದ್ಯ ಜಿತೇಂದ್ರ ಆರೋಗ್ಯದ ಸ್ಥಿತಿ ಗಂಭೀರವಾಗಿದೆ.
