ಬೆಂಗಳೂರು: ನಟಿ ಸಂಜನಾ ಬೆತ್ತಲಾಗಿರೋ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದಕ್ಕೆ ಹುಚ್ಚ ವೆಂಕಟ್ ಗರಂ ಆಗಿ ದಂಡುಪಾಳ್ಯ ಚಿತ್ರತಂಡವನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.
ನಿಮ್ಮ ಮನೆಯಲ್ಲಿ ಹೆಣ್ಣು ಮಕ್ಕಳು ಇಲ್ವಾ? ಈ ರೀತಿ ಚಿತ್ರವನ್ನು ನಿರ್ಮಾಣ ಮಾಡುವುದು ಎಷ್ಟು ಸರಿ ಎಂದು ಹುಚ್ಚ ವೆಂಕಟ್ ಪ್ರಶ್ನಿಸಿದ್ದಾರೆ.
ಹೆಣ್ಣು ಮಕ್ಕಳನ್ನು ಬೆತ್ತಲುಗೊಳಿಸಿ ಚಿತ್ರೀಕರಣ ನಡೆಸಿದ್ದು ಸರಿಯಲ್ಲ. ಕಾವೇರಿಗಾಗಿ ಹೇಗೆ ಕನ್ನಡಿಗರು ಒಂದಾಗುತ್ತಾರೋ ಅದೇ ರೀತಿಯಾಗಿ ಈ ವಿಚಾರದಲ್ಲಿ ಒಂದಾಗಿ ಪ್ರತಿಭಟಿಸಬೇಕು. ಹೆಣ್ಣು ಮಕ್ಕಳಿಗೆ ಆಗುವ ಅನ್ಯಾಯವನ್ನು ನಾನು ಸಹಿಸುವುದಿಲ್ಲ. ಈ ವಿಚಾರದಲ್ಲಿ ನಾನು ಜೈಲಿಗೆ ಹೋಗಲು ಸಿದ್ಧ ಎಂದು ವಿಡಿಯೋದಲ್ಲಿ ಹೇಳಿದ್ದಾರೆ.
ಏನಿದು ವಿವಾದ?
ಸೆನ್ಸಾರ್ ಮಂಡಳಿ ಸಂಜನಾ ಅಭಿನಯಿಸಿದ್ದ ಈ ದೃಶ್ಯಕ್ಕೆ ಕತ್ತರಿ ಹಾಕಿದೆ. ಹೀಗಾಗಿ ಸಿನಿಮಾದಲ್ಲಿ ಈ ದೃಶ್ಯ ಕಾಣಿಸುವುದಿಲ್ಲ. ರವಿಶಂಕರ್ ಪೊಲೀಸ್ ಆಫೀಸರ್ ಆಗಿದ್ದು ಸಂಜನಾಗೆ ಶಿಕ್ಷೆ ಕೊಡೋ ದೃಶ್ಯ ಇದಾಗಿದೆ. ನಿಜವಾಗಿಯೂ ಇದು ಸಿನಿಮಾಗೆ ಅವಶ್ಯಕಥೆ ಇತ್ತಾ ಅನ್ನೋದು ಒಂದು ಪ್ರಶ್ನೆಯಾದ್ರೆ? ಇನ್ನು ಸಂಜನಾ ಸಿನಿಮಾಗೆ ಈ ದೃಶ್ಯದ ಅವಶ್ಯಕಥೆ ಇತ್ತಾ? ನೈಜ ಘಟನೆ ಆಧಾರಿತ ಸಿನಿಮಾ ಆಗಿರೋದ್ರಿಂದ ಆ ಗ್ಯಾಂಗ್‍ಗೆ ರೀಯಲ್ಲಾಗಿ ಪೋಲೀಸರು ಈ ಶಿಕ್ಷೆ ಕೊಟ್ಟಿದ್ರಾ ಅನ್ನೊ ಪ್ರಶ್ನೆಗಳು ಕಾಡ್ತಿವೆ.
ಈ ವಿಚಾರದ ಬಗ್ಗೆ ಸೆನ್ಸಾರ್ ಮಂಡಳಿ ನಮ್ಮಿಂದ ಯಾವುದೇ ದೃಶ್ಯ ಲೀಕ್‍ ಆಗಿಲ್ಲ ಎಂದು ಸ್ಪಷ್ಟಪಡಿಸಿದೆ.
