ಉತ್ತರ ಭಾರತದ ಜನಪ್ರಿಯ ಖಾದ್ಯಗಳಲ್ಲಿ ಪನ್ನೀರ್ ಪರೋಟಾವು ಒಂದು. ಸಾಮಾನ್ಯವಾಗಿ ಪನ್ನೀರ್ ಕರ್ರಿ, ಪನ್ನೀರ್ ಮಸಾಲಾ, ಪಾಲ್ಲಕ್‌ ಪನ್ನೀರ್ ಸೇರಿದಂತೆ ಮನೆಯಲ್ಲಿ ಸುಲಭವಾಗಿ ಮಾಡುತ್ತಾರೆ. ಆದರೆ ಪನ್ನೀರ್ ಪರೋಟಾ ಮಾಡುವುದು ಕಡಿಮೆ. ಇದೀಗ ಸರಳ ಹಾಗೂ ಸುಲಭವಾಗಿ ಪನ್ನೀರ್ ಪರೋಟಾ ಮಾಡಬಹುದು. ಹೆಚ್ಚಿನ ಸಮಯವೂ ತೆಗೆದುಕೊಳ್ಳದೇ ಬೇಗನೇ ಮಾಡಬಹುದು.
ಬೇಕಾಗುವ ಸಾಮಗ್ರಿಗಳು:
ಗೋಧಿ ಹಿಟ್ಟು
ಪನ್ನೀರ್
ಈರುಳ್ಳಿ
ಹಸಿಮೆಣಸಿನಕಾಯಿ
ಶುಂಠಿ ಬೆಳ್ಳುಳ್ಳಿ ಪೇಸ್ಟ್
ಕೊತ್ತಂಬರಿ ಸೊಪ್ಪು
ಚಿಲ್ಲಿ ಪೌಡರ್
ದನಿಯಾ ಪುಡಿ
ಗರಂ ಮಸಾಲ
ಅರಿಶಿನ ಪುಡಿ
ಉಪ್ಪು
ಎಣ್ಣೆ
ತುಪ್ಪ
ಮಾಡುವ ವಿಧಾನ
ಸ್ಟಫಿಂಗ್ ತಯಾರಿಸಿ:
ಒಂದು ಬಾಣಲೆಗೆ 2 ಚಮಚ ಎಣ್ಣೆಯನ್ನು ಹಾಕಿ ಬಿಸಿ ಮಾಡಿ. ಸಾಸಿವೆ ಕಾಳು, ಹೆಚ್ಚಿದ ಕರಿಬೇವು, ಹೆಚ್ಚಿದ ಹಸಿಮೆಣಸಿನಕಾಯಿ, ಹೆಚ್ಚಿದ ಈರುಳ್ಳಿ ಸೇರಿಸಿ ಚೆನ್ನಾಗಿ ಹುರಿಯಿರಿ. ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ ಹಸಿ ವಾಸನೆ ಹೋಗುವವರೆಗೆ ಹುರಿಯಿರಿ. ಅರಿಶಿನ, ಚಿಲ್ಲಿ ಪೌಡರ್, ದನಿಯಾ ಪುಡಿ, ಗರಂ ಮಸಾಲ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ತುರಿದ ಪನ್ನೀರ್, ಹೆಚ್ಚಿದ ಕೊತ್ತಂಬರಿ ಸೊಪ್ಪು ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ, ಬೇಯಿಸಿ. ಸ್ಟಫಿಂಗ್ ಅನ್ನು ತಣ್ಣಗಾಗಲು ಇಡಿ.
ಪರೋಟಾ ತಯಾರಿಸಿ:
ಕಲಸಿದ ಗೋಧಿ ಹಿಟ್ಟಿನಿಂದ ಸಣ್ಣ ಉಂಡೆಗಳನ್ನು ಮಾಡಿ. ಮೊದಲು ಸ್ವಲ್ಪ ಅಗಲಕ್ಕೆ ಲಟ್ಟಿಸಿ. ಲಟ್ಟಿಸಿದ ಹಿಟ್ಟಿನ ಮಧ್ಯೆ ಪನ್ನೀರ್ ಸ್ಟಫಿಂಗ್ ತುಂಬಿಸಿ, ಚಪಾತಿ ಆಕಾರದಲ್ಲಿ ಲಟ್ಟಿಸಿ ಬೇಯಿಸಿಕೊಳ್ಳಿ. ಪರೋಟಾವನ್ನು ಹೆಂಚಿನ ಮೇಲೆ ಹಾಕಿ, ಎರಡೂ ಕಡೆ ತುಪ್ಪ ಹಾಕಿ ಬೇಯಿಸಿ.
ಬಿಸಿಬಿಸಿ ಪನ್ನೀರ್ ಪರೋಟಾವನ್ನು ಮೊಸರು, ಉಪ್ಪಿನಕಾಯಿ ಅಥವಾ ಬೆಣ್ಣೆಯೊಂದಿಗೆ ಸವಿಯಿರಿ.
