ಊಟಕ್ಕೆ ಏನನ್ನು ಮಾಡಬೇಕು ಎನ್ನುವ ಯೋಚನೆ ಇದ್ದೆ ಇರುತ್ತದೆ. ಅನ್ನ ಮಾಡಿ ರಸಂ ಮಾಡುವ ಯೋಚನೆ ಇದ್ದರೆ ಇಂದು ಹುರುಳಿ ರಸಂ ಮಾಡಿ ಸಖತ್‌ ರುಚಿ ಮತ್ತು ಆರೋಗ್ಯಕ್ಕೂ ಒಳ್ಳೆಯದಾಗಿದೆ. ಹುರುಳಿ ರಸಂ ಮಾಡುವುದು ಸುಲಭ ಮತ್ತು ಸರಳವಾಗಿದೆ.
ಬೇಕಾಗುವ ಸಾಮಗ್ರಿಗಳು:
* ಹುರುಳಿ ಕಾಯಿ- ಅರ್ಧ ಕಪ್
* ಅಡುಗೆ ಎಣ್ಣೆ- ಅರ್ಧ ಕಪ್
* ಸಾಸಿವೆ- 1 ಚಮಚ
* ಕರೀಬೇವು- ಸ್ವಲ್ಪ
* ಮೆಂತ್ಯ- ಅರ್ಧ ಚಮಚ
* ಜೀರಿಗೆ- 1ಚಮಚ
* ಟೊಮೆಟೋ- 1
* ಹುಣಿಸೇಹಣ್ಣು- ಸ್ವಲ್ಪ
* ಅರಿಶಿಣ- ಅರ್ಧ ಚಮಚ
* ಬೆಲ್ಲ- ಅರ್ಧ ಚಮಚ
* ರುಚಿಗೆ ತಕ್ಕಷ್ಟು ಉಪ್ಪು
* ಕೊತ್ತಂಬರಿ ಸೊಪ್ಪು- ಸ್ವಲ್ಪ
* ಬೆಳ್ಳುಳ್ಳಿ- 2
* ಕಾಳು ಮೆಣಸು- ಅರ್ಧ ಚಮಚ
ಮಾಡುವ ವಿಧಾನ:
* ಹುರುಳಿ, ಉಪ್ಪು, ನೀರು ಕುಕ್ಕರ್‍ನಲ್ಲಿ ಹಾಕಿ ಚೆನ್ನಾಗಿ ಬೇಯಿಸಿಕೊಳ್ಳಬೇಕು.
* ಬೆಳ್ಳುಳ್ಳಿ, ಜೀರಿಗೆ, ಪೆಪ್ಪರ್ ಮತ್ತು 2 ಟೀಸ್ಪೂನ್ ಬೇಯಿಸಿದ ಹುರುಳಿಯನ್ನು ಹಾಕಿ ರುಬ್ಬಿಕೊಳ್ಳಿ.
* ಒಂದು ಪಾತ್ರೆಗೆ ಅಡುಗೆ ಎಣ್ಣೆ ಹಾಕಿ ಬಿಸಿ ಮಾಡಿ, ಸಾಸಿವೆ, ಮೆಂತೆ, ಜೀರಿಗೆ ಕರಿ ಬೇವಿನ ಎಲೆಗಳನ್ನು ಸೇರಿಸಿ. ಇದನ್ನೂ ಓದಿ: ಪನೀರ್ ಭುರ್ಜಿ ಮಾಡುವುದು ಹೇಗೆ ಗೊತ್ತಾ?
* ನಂತರ ಈ ಮೊದಲು ತಯಾರಾದ ಮಸಾಲಾವನ್ನು ಸೇರಿಸಿ ಬೇಯಿಸಬೇಕು. ಇದನ್ನೂ ಓದಿ: ಕ್ಯಾಪ್ಸಿಕಂ ಚಟ್ನಿ ಮಾಡಿ ಅಕ್ಕಿ ರೊಟ್ಟಿ ಜೊತೆಗೆ ಸೂಪರ್
* ಟೊಮೆಟೊ, ಹುಣಿಸೇಹಣ್ಣು, ಅರಿಶಿನ, ಬೆಲ್ಲ ಉಪ್ಪು, ಬೇಕಾದಷ್ಟು ನೀರು ಸೇರಿಸಿ ಚೆನ್ನಾಗಿ ಕುದಿಸ ಬೇಕು.
* ನಂತರ ಕೊತ್ತಂಬರಿ ಸೊಪ್ಪನ್ನು ಸೇರಿಸಿದರೆ ರುಚಿಯಾದ ಹುರುಳು ರಸಂ ಅನ್ನು ಬಿಸಿ ಅನ್ನದ ಜೊತೆ ಸವಿಯಲು ಸಿದ್ಧವಾಗುತ್ತದೆ.
