ಬೆಂಗಳೂರು: `ದಿ ವಿಲನ್’ ಚಿತ್ರದ ಶೂಟಿಂಗ್ ಶುರುವಾದಾಗಿನಿಂದ ಚಿತ್ರದಲ್ಲಿ ವಿಲನ್ ಯಾರೂ ಎಂಬುದು ಎಲ್ಲರಿಗೂ ಕಾಡುತ್ತಿರುವ ಪ್ರಶ್ನೆಯಾಗಿದೆ. ಈ ಪ್ರಶ್ನೆಗೆ ಹ್ಯಾಟ್ರಿಕ್ ಹೀರೋ ಶಿವರಾಜ್‍ಕುಮಾರ್ ಅವರು ಪರೋಕ್ಷವಾಗಿ ಉತ್ತರಿಸಿದ್ದಾರೆ.
ಇಷ್ಟು ದಿನ ಗುಟ್ಟಾಗಿದ್ದ, ನಿಮ್ಮೆಲ್ಲರ ತಲೆಯಲ್ಲಿ ಕೊರೆಯುತ್ತಿದ್ದ ಒಂದು ಪ್ರಶ್ನೆಗೆ ಪರೋಕ್ಷವಾಗಿ ಉತ್ತರ ನೀಡುವ ಮೂಲಕ `ದಿ-ವಿಲನ್’ ಸಿನಿಮಾದಲ್ಲಿ ಸುದೀಪ್ ಹಾಗೂ ಶಿವಣ್ಣ ಇವರಿಬ್ಬರಲ್ಲಿ ವಿಲನ್ ಯಾರು ಎನ್ನುವ ಪ್ರಶ್ನೆಗೆ ಉತ್ತರ ಸಿಕ್ಕಿದೆ.
ಡಾ. ರಾಜ್‍ಕುಮರ್ ಹುಟ್ಟುಹಬ್ಬದ ದಿನದಂದು ದಿ-ವಿಲನ್ ಸಿನಿಮಾ ಕುರಿತಾಗಿ ಎದುರಾದ ಪ್ರಶ್ನೆಗೆ ‘ನಾನು ಎಷ್ಟು ದಿನ ಒಳ್ಳೆಯವನಾಗಿರಲಿ. ಆದ್ರೆ ಒಮ್ಮೆಯಾದರು ವಿಲನ್ ಆಗುತ್ತೀನಿ’ ಎಂದಿದ್ದಾರೆ. ದಿ ವಿಲನ್ ಸಿನಿಮಾದಲ್ಲಿ ಇವರೇ ನಿಜವಾದ ವಿಲನಾ? ಉತ್ತರಕ್ಕಾಗಿ ಸಿನಿಮಾ ರಿಲೀಸ್ ಆಗೋವರೆಗೂ ಕಾಯಬೇಕು.
ಬಾಹುಬಲಿ ಸಿನಿಮಾದಲ್ಲಿ ಕಟ್ಟಪ್ಪ ಬಾಹುಬಲಿಯನ್ನು ಯಾಕೆ ಕೊಂದ ಎನ್ನುವ ಪ್ರಶ್ನೆಗೆ ಉತ್ತರ ಸಿಕ್ಕಿದ್ದು, ಬಾಹುಬಲಿ ಸೀಕ್ವೆಲ್ ರಿಲೀಸ್ ಆದಮೇಲೆ. ಆದರೆ ದಿ-ವಿಲನ್ ಸಿನಿಮಾದಲ್ಲಿ ವಿಲನ್ ಯಾರು ಎನ್ನುವ ಪ್ರಶ್ನೆಗೆ ಉತ್ತರ ರಿಲೀಸ್‍ಗೂ ಮುನ್ನವೇ ಸಿಕ್ಕಿದೆ. ಹಾಗಂತ ಶಿವಣ್ಣನೇ ವಿಲನ್ ಎಂದು ತೀರ್ಮಾನ ಮಾಡುವ ಹಾಗಿಲ್ಲ. ಯಾಕೆಂದರೆ ಅಡ್ಡಗೋಡೆಯ ಮೇಲೆ ದೀಪವಿಟ್ಟಂತೆ ಶಿವರಾಜ್‍ಕುಮಾರ್ ಉತ್ತರಿಸಿದ್ದಾರೆ.
