ನವದೆಹಲಿ: ಟೀಮ್ ಇಂಡಿಯಾದ ಆ್ಯಂಗ್ರಿ ಯಂಗ್ ಮ್ಯಾನ್ ಕ್ಯಾಪ್ಟನ್ ಕೊಹ್ಲಿಗೆ ಇಂದು 29ನೇ ಹುಟ್ಟುಹಬ್ಬದ ಸಂಭ್ರಮ. ನ್ಯೂಜಿಲೆಂಡ್ ವಿರುದ್ಧದ 2ನೇ ಟಿ20 ಪಂದ್ಯ ಸೋತ ಬಳಿಕ ಹೊಟೇಲ್ ಕೊಠಡಿಗೆ ಆಗಮಿಸಿದ ಕೊಹ್ಲಿಗೆ ಸಹ ಆಟಗಾರರು ಕೇಕ್ ಕತ್ತರಿಸಿ ಶುಭಾಶಯ ಕೋರಿದರು.
ಅಲ್-ರೌಂಡರ್ ಹಾರ್ದಿಕ್ ಪಾಂಡ್ಯ ಕೊಹ್ಲಿ ಮುಖಕ್ಕೆ ಕೇಕ್ ಬಳಿಯುವ ಮೂಲಕ ತಮ್ಮ ಸೇಡ್ ಅನ್ನು ತೀರಿಸಿಕೊಂಡಿದ್ದಾರೆ. ಹಾರ್ದಿಕ್ ಹುಟ್ಟುಹಬ್ಬದ ದಿನ ಮುಖದ ಮೇಲೆ ಕೇಕ್ ಇರುವ ಸೆಲ್ಫೀ ಫೋಟೋವನ್ನು ವಿರಾಟ್ ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ್ದರು. ಈಗ ಕೊಹ್ಲಿಯ ಹುಟ್ಟುಹಬ್ಬದ ದಿನ ಅವರ ಫೋಟೋವೊಂದನ್ನು ತಮ್ಮ ಟ್ವಿಟ್ಟರ್ ನಲ್ಲಿ ಹಾಕಿ ಹ್ಯಾಪಿ ಬರ್ತ್‍ಡೇ ಸ್ಕಿಪ್ಪರ್ ಎಂದು ಟ್ವೀಟ್ ಮಾಡಿದ್ದಾರೆ.
ಕೊಹ್ಲಿ ತಮ್ಮ ಹುಟ್ಟುಹಬ್ಬದಂದು 2 ಕೇಕ್ ಗಳನ್ನು ಕತ್ತರಿಸಿದ್ದು, ಆ ಎರಡೂ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ. ಮುಖಕ್ಕೆ ಕೇಕ್ ಹಾಕುವ ಮೊದಲು ಶಿಖರ್ ಧವನ್ ಒಂದು ಪೀಸ್ ಕೇಕ್ ಅನ್ನು ವಿರಾಟ್ ಗೆ ತಿನ್ನಿಸಿದ್ದರು.
ಕೊಹ್ಲಿ ಬರ್ತ್ ಡೇ ಸಂಭ್ರಮದ ಕ್ಷಣಗಳನ್ನು ಬಿಸಿಸಿಐ ತನ್ನ ಟ್ವಿಟ್ಟರ್ ಅಕೌಂಟ್‍ನಲ್ಲಿ ಶೇರ್ ಮಾಡಿದೆ. ಮತ್ತೊಂದೆಡೆ ಶುಭಹಾರೈಸಿದ ಎಲ್ಲರಿಗೂ ಕೊಹ್ಲಿ ಟ್ವಿಟ್ಟರ್‍ನಲ್ಲಿ ಧನ್ಯವಾದ ಹೇಳಿದ್ದಾರೆ. ರಾಜ್ ಕೋಟ್ ನಲ್ಲಿ ಶನಿವಾರ ನಡೆದ ಪಂದ್ಯದಲ್ಲಿ ವಿರಾಟ್ 65 ರನ್ ಸಿಡಿಸಿದ್ದರು.
Revenge no. 1️⃣ ????
Happy birthday, skipper- @imVkohli pic.twitter.com/mkv5KV08gH— hardik pandya (@hardikpandya7) November 4, 2017
Thank you everyone for all the love and the wishes.
God Bless you all. ???? pic.twitter.com/DTzlyRiZEM— Virat Kohli (@imVkohli) November 4, 2017
The meaning of Virat is Majestic! That’s exactly what your performances on the field have been in the last few years @imVkohli
Happy b’day! pic.twitter.com/p57YYy94aG— Suresh Raina???????? (@ImRaina) November 5, 2017
