ಮುಂಬೈ: ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಪುತ್ರಿ ಸಾರಾ ತೆಂಡೂಲ್ಕರ್ ಅವರು ಟೀಂ ಇಂಡಿಯಾ ಯುವ ಆಟಗಾರ ಶುಬ್ ಮನ್ ಗಿಲ್‍ರೊಂದಿಗೆ ಪ್ರೀತಿಯಲ್ಲಿದ್ದಾರೆ ಎಂಬ ಸುದ್ದಿ ಸಖತ್ ಸೌಂಡ್ ಮಾಡುತ್ತಿದೆ.
ಟೀಂ ಇಂಡಿಯಾದಲ್ಲಿ ಯುವ ಕ್ರಿಕೆಟಿಗನಾಗಿ ಮಿಂಚಲು ಶುಬ್ ಮನ್ ಗಿಲ್ ತಯಾರಿ ನಡೆಸಿದ್ದು, ಈಗಾಗಲೇ 2018ರ ಅಂಡರ್ 19 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ತೋರಿರುವ ಪ್ರದರ್ಶನದಿಂದ ಖ್ಯಾತಿ ಪಡೆದಿದ್ದಾರೆ. ಪಂಜಾಬ್ ತಂಡದ ಪರ ಬ್ಯಾಟ್ ಬೀಸುತ್ತಿರುವ ಗಿಲ್ ಟೀಂ ಇಂಡಿಯಾ ಜೆರ್ಸಿ ತೊಡಲು ಸಿದ್ಧತೆ ನಡೆಸಿದ್ದಾರೆ. ಇದರ ನಡುವೆ ಐಪಿಎಲ್ ಟೂರ್ನಿಯಲ್ಲೂ ಉತ್ತಮ ಪ್ರದರ್ಶನ ನೀಡಿ ಉದಯೋನ್ಮುಖ ಆಟಗಾರ ಪ್ರಶಸ್ತಿ ಪಡೆದು ಆಯ್ಕೆ ಸಮಿತಿಯ ಗಮನ ಸೆಳೆದಿದ್ದರು. ಆದರೆ ಈ ಬಾರಿ ಶುಬ್ ಮನ್ ಗಿಲ್ ಕ್ರಿಕೆಟ್ ಅಲ್ಲದ ವಿಚಾರದಲ್ಲಿ ಸುದ್ದಿಯಾಗಿದ್ದಾರೆ.
https://www.instagram.com/p/ByNXzsYAp31/
ಐಪಿಎಲ್ ಟೂರ್ನಿಯ ಬಳಿಕ ಶುಬ್ ಮನ್ ಗಿಲ್ ರೇಂಜ್ ರೋವರ್ ಕಾರನ್ನು ಖರೀದಿ ಮಾಡಿದ್ದು, ಕಾರಿನ ಮುಂದೆ ನಿಂತು ಪೋಸ್ ನೀಡುತ್ತಿರುವ ಫೋಟೋವನ್ನು ತಮ್ಮ ಇನ್ ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ವಿಶೇಷ ಎಂದರೆ ಈ ಫೋಟೋಗೆ ಸಚಿನ್ ಮಗಳು ಸಾರಾ ಪ್ರತಿಕ್ರಿಯೆ ನೀಡಿ ಶುಭಾಶಯ ತಿಳಿಸಿದ್ದಾರೆ. ಈ ಕಾಮೆಂಟ್‍ಗೆ ಗಿಲ್ ಕೂಡ ಧನ್ಯವಾದ ತಿಳಿಸಿದ್ದರು.
ಸಾರಾ ತೆಂಡೂಲ್ಕರ್ ಹಾಗೂ ಶುಬ್ ಮನ್ ಗಿಲ್ ನಡುವೆ ಪ್ರೀತಿ ಶುರು ಆಗಿದೆಯಾ ಎಂಬ ಅನುಮಾನ ಶುರುವಾಗಲು ಕಾರಣರಾಗಿದ್ದು, ಟೀಂ ಇಂಡಿಯಾ ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯ. ಶುಬ್ ಮನ್ ಗಿಲ್ ಪೋಸ್ಟ್‍ಗೆ ಪ್ರತಿಕ್ರಿಯೆ ನೀಡಿದ್ದ ಹಾರ್ದಿಕ್ ಪಾಂಡ್ಯ, ‘ಮೋಸ್ಟ್ ವೆಲ್‍ಕಮ್ ಫ್ರಮ್ ಹರ್ ಎಂದು ಹೇಳಿದ್ದರು. ಅಲ್ಲದೆ ಇದರೊಂದಿಗೆ ಕಣ್ಣು ಮಿಟುಕಿಸುವ ಇಮೋಜಿ ಕೂಡ ಹಾಕಿದ್ದರು. ಪಾಂಡ್ಯರ ಈ ಪ್ರತಿಕ್ರಿಯೆಯಿಂದ ಶುಬ್‍ಮನ್ ಗಿಲ್, ಸಾರಾ ನಡುವೆ ಏನೋ ಸಂಬಂಧ ಶುರುವಾಗಿದೆಯಾ ಎಂಬ ಸುದ್ದಿ ಕೇಳಿ ಬಂದಿದೆ. ಇಬ್ಬರ ಪ್ರೀತಿ ಬಗ್ಗೆ ತಿಳಿದಿರುವ ಪಾಂಡ್ಯ ಪರೋಕ್ಷವಾಗಿ ಕಮೆಂಟ್ ಮಾಡಿ ಕಿಚಾಯಿಸಿದ್ದಾರೆ ಎನ್ನಲಾಗಿದೆ.
