ಬೆಂಗಳೂರು: ಗೋಲ್ಡನ್ ಸ್ಟಾರ್ ಗಣೇಶ್ ತಮ್ಮ ನಟನೆ, ಕಾಮಿಡಿ ಮೂಲಕ ಅಭಿಮಾನಿಗಳ ಮನಸ್ಸು ಕದ್ದವರು. ಅವರ ಹಾಗೆಯೇ ಅವರ ಪುತ್ರಿ ಚಾರಿತ್ರ್ಯಾ ಕೂಡ ಕ್ಯೂಟ್ ವಿಡಿಯೋವೊಂದರ ಮೂಲಕ ಎಲ್ಲರ ಮನ ಗೆದ್ದಿದ್ದಾಳೆ.
ಹೌದು. ಚಾರಿತ್ರ್ಯಾ ಪರೀಕ್ಷೆಗೆ ಹೇಗೆ ತಯಾರಿ ನಡೆಸುತ್ತಾಳೆ ಎಂಬ ವಿಡಿಯೋವನ್ನು ಗೋಲ್ಡನ್ ಸ್ಟಾರ್ ದಂಪತಿ ತಮ್ಮ ಇನ್‍ಸ್ಟಾಗ್ರಾಮ್‍ನಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಚಾರಿತ್ರ್ಯಾಳ ಕ್ಯೂಟ್ ಎಕ್ಸ್‌ಪ್ರೆಶನ್ ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಮೊದಲು ಕೂಲ್ ಆಗಿ ಕೂಲಿಂಗ್ ಗ್ಲಾಸ್ ಹಾಕಿ ಓದಲು ಕೂರುವ ಚಾರಿತ್ರ್ಯಾ, ಪುಸ್ತಕ ತೆರೆದು ನೋಡುತ್ತಿದ್ದ ಹಾಗೆಯೇ ಸುಸ್ತಾಗಿ ತಲೆ ಸುತ್ತಿ ಬಿದ್ದ ಡಬ್‍ಸ್ಮ್ಯಾಶ್ ವಿಡಿಯೋವನ್ನು ಗಣೇಶ್ ಹಾಗೂ ಶಿಲ್ಪಾ ಅವರು ಹಂಚಿಕೊಂಡಿದ್ದಾರೆ.
https://www.instagram.com/p/B84BPdeh35y/
ಅಲ್ಲದೇ ಅಪ್ಪನಂತೆ ಮಗಳು ಎಂದು ವಿಡಿಯೋಗೆ ಕ್ಯಾಪ್ಷನ್ ಕೂಡ ಹಾಕಿದ್ದಾರೆ. ಈ ಕ್ಯೂಟ್ ವಿಡಿಯೋ ಅಭಿಮಾನಿಗಳಿಗೆ ಸಖತ್ ಇಷ್ಟವಾಗಿದೆ. ಈ ಹಿಂದೆ ಕೂಡ ಚಾರಿತ್ರ್ಯಾ ಡಬ್‍ಸ್ಮ್ಯಾಶ್ ಮಾಡಿದ ವಿಡಿಯೋ ಸಖತ್ ವೈರಲ್ ಆಗಿತ್ತು. ಶಿಲ್ಪಾ ಗಣೇಶ್ ಅವರು ನನ್ನ ಮಗಳ ಮೊದಲ ಡಬ್‍ಸ್ಮ್ಯಾಶ್ ಎಂದು ಚಾರಿತ್ರ್ಯಾಳ ವಿಡಿಯೋವನ್ನು ಇನ್‍ಸ್ಟಾಗ್ರಾಮ್‍ನಲ್ಲಿ ಹಂಚಿಕೊಂಡಿದ್ದರು.
https://www.instagram.com/p/BjuBWjTH3IJ/
ಇತ್ತೀಚೆಗಷ್ಟೇ ಗೋಲ್ಡನ್ ಸ್ಟಾರ್ ದಂಪತಿ ತಮ್ಮ 12ನೇ ವರ್ಷದ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿಕೊಂಡಿದ್ದರು. ಈ ಬಗ್ಗೆ ಟೀಟ್ ಮಾಡಿದ್ದ ಗಣೇಶ್, ಅಂದು ನಾನು ಹಾಯ್ ಎಂದಾಗ ನೀನು ನನಗೆ ಹಾಯ್ ಎಂದು ಹೇಳಿದ್ದೆ. ಆ ದಿನ ನಿನ್ನ ಮುಖದಲ್ಲಿದ್ದ ನಗುವನ್ನು ಎಂದಿಗೂ ಮರೆಯಲು ಸಾಧ್ಯವಿಲ್ಲ. ಇಂದಿಗೆ ನಮ್ಮ ಮದುವೆಯಾಗಿ 12 ವರ್ಷಗಳೇ ಕಳೆದಿವೆ. ನೀನು ನನ್ನ ಪ್ರೀತಿ, ನನ್ನ ಆತ್ಮೀಯ ಸ್ನೇಹಿತೆ, ನನ್ನ ಮಹಾರಾಣಿ. ನನ್ನ ಪತ್ನಿಗೆ ವಿವಾಹ ವಾರ್ಷಿಕೋತ್ಸವದ ಶುಭಾಶಯಗಳು ಎಂದು ಬರೆದುಕೊಂಡು ಮುದ್ದಿನ ಪತ್ನಿಗೆ ಪ್ರೀತಿಯಿಂದ ವಿಶ್ ಮಾಡಿದ್ದರು. ಈ ಟ್ವೀಟ್ ಕೂಡ ಅಭಿಮಾನಿಗಳ ಮನ ಗೆದ್ದಿತ್ತು.
