ಲಕ್ನೋ: ಪ್ರಿಯಕರ ಸೆಕ್ಸ್ ಗಾಗಿ ಪೀಡಿಸುತ್ತಿದ್ದರಿಂದ ಬೇಸತ್ತ ಯುವತಿ ಆತನನ್ನು ಕೊಲೆ ಮಾಡಿದ ಘಟನೆ ಉತ್ತರಪ್ರದೇಶದ ಕಾನ್ ಪುರ್ ನಲ್ಲಿ ನಡೆದಿದೆ.
ಸಂದೀಪ್ ಮೃತ ವ್ಯಕ್ತಿ. ಸಂದೀಪ್‍ಗೆ ಮದುವೆಯಾಗಿದ್ದು, ದೆಹಲಿಯಲ್ಲಿರುವ ತನ್ನ ಪತ್ನಿಯ ಜೊತೆ ವಾಸಿಸುತ್ತಿದ್ದನು. ಈತ ನೇಹಾ ಎಂಬ ಯುವತಿ ಜೊತೆ ಅನೈತಿಕ ಸಂಬಂಧವನ್ನು ಹೊಂದಿದ್ದನು ಎಂದು ದಕ್ಷಿಣ ಎಸ್‍ಪಿ ಅಶೋಕ್ ಕುಮಾರ್ ಹೇಳಿದ್ದಾರೆ.
ಸಂದೀಪ್ ಹಾಗೂ ನೇಹಾ ನಡುವೆ ಅನೈತಿಕ ಸಂಬಂಧವಿದ್ದು, ಆತ ನೇಹಾಳ ಅಶ್ಲೀಲ ಫೋಟೋ ಹಾಗೂ ವಿಡಿಯೋಗಳನ್ನು ಇಟ್ಟುಕೊಂಡಿದ್ದನು. ನಂತರ ಆ ಫೋಟೋ, ವಿಡಿಯೋದಿಂದ ನೇಹಾಳಿಗೆ ಬ್ಲಾಕ್ ಮೇಲ್ ಮಾಡಿ ಸೆಕ್ಸ್ ಗೆ ಪೀಡಿಸುತ್ತಿದ್ದನು. ನೇಹಾ ಸೆಕ್ಸ್ ಗೆ ನಿರಾಕರಿಸಿದ್ದಕ್ಕೆ ಸಂದೀಪ್ ಕೆಲವು ವೈಯಕ್ತಿಕ ಫೋಟೋಗಳನ್ನು ಆಕೆಯ ಸಂಬಂಧಿಕರಿಗೆ ಕಳುಹಿಸಿದ್ದನು. ಇದರಿಂದ ಬೇಸತ್ತ ನೇಹಾ ಅವನಿಂದ ದೂರ ಉಳಿಯಲು ನಿರ್ಧರಿಸಿದ್ದಳು ಎಂದು ಅವರು ತಿಳಿಸಿದ್ದಾರೆ.
ನಂತರ ಮತ್ತೆ ಮಾರ್ಚ್ 20ರಂದು ಸಂದೀಪ್ ಕಾನ್ ಪುರ್ ಗೆ ಬಂದು ನೇಹಾ ಬಳಿ ಹೋಗಿದ್ದ. ಆಗ ಮತ್ತೆ ಆಕೆಯ ಹತ್ತಿರ ಸೆಕ್ಸ್ ಗೆ ಪೀಡಿಸಿದ್ದ. ಆದರೆ ನೇಹಾ ಇದ್ದಕ್ಕೆ ನಿರಾಕರಿಸಿದ್ದು, ಇಬ್ಬರ ನಡುವೆ ಹೊಡೆದಾಟ ನಡೆದಿತ್ತು ಎಂದು ಪೊಲೀಸ್ ಅಧಿಕಾರಿ ಹೇಳಿದ್ದಾರೆ.
ಸಂದೀಪ್ ವರ್ತನೆಯಿಂದ ಬೇಸತ್ತ ನೇಹಾ ಆತನನ್ನು ಕೊಲ್ಲಲು ಮೊದಲೇ ಪ್ಲಾನ್ ಮಾಡಿದ್ದಳು. ಆಕೆಯ ಇಬ್ಬರು ಪ್ರೇಮಿಗಳಾದ ಪ್ರವೀಣ್ ಹಾಗೂ ದೇವೆಂದ್ರ ನನ್ನು ಕರೆಸಿ ಸಂದೀಪ್‍ನನ್ನು ಕೊಲ್ಲುವಂತೆ ಹೇಳಿದ್ದಳು.
ನೇಹಾ ಆ ಇಬ್ಬರ ಜೊತೆ ಸೇರಿ ಸಂದೀಪ್‍ನನ್ನು ಚಾಕುವಿನಿಂದ ಇರಿದು ಕೊಲೆ ಮಾಡಿದ್ದರು. ಘಟನೆ ನಂತರ ಸಂದೀಪ್ ಶವವನ್ನು ಕಾರಿನಲ್ಲಿ ತೆಗೆದುಕೊಂಡು ಹೋಗಿ ಪಾಂಡು ನದಿ ಬಳಿ ಎಸೆದು ಹೋಗಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.
