ನವದೆಹಲಿ: ದೆಹಲಿಯಲ್ಲಿ ಅತೀ ಹೆಚ್ಚು ಅಪರಾಧ ಹಿನ್ನೆಲೆ ಹೊಂದಿರುವ ಲೇಡಿ ಡಾನ್ ಎಂದೇ ಕುಖ್ಯಾತಿ ಪಡೆದಿದ್ದ 62 ವರ್ಷದ ಬಸಿರಾನ್‍ನನ್ನು ದೆಹಲಿ ಪೊಲೀಸರು ಬಂಧಿಸಿದ್ದಾರೆ.
ಕಳೆದ ಹಲವು ದಶಕಗಳಿಂದ ದೆಹಲಿಯ ಸಂಗಮ್ ವಿಹಾರ್ ಪ್ರದೇಶದಲ್ಲಿ ತನ್ನ 8 ಮಕ್ಕಳೊಂದಿಗೆ ಬಸಿರಾನ್ ಅಪರಾಧ ಕೃತ್ಯಗಳಲ್ಲಿ ತೊಡಗಿದ್ದಳು. ಬಸಿರಾನ್ ಮೇಲೆ ಕೊಲೆ, ಸುಪಾರಿ, ಹಣಕ್ಕಾಗಿ ಅಪಹರಣ, ಅಕ್ರಮ ಮದ್ಯ ವ್ಯವಹಾರ, ದರೋಡೆ ಸೇರದಂತೆ ವಿವಿಧ ಅಪರಾಧ ಪ್ರಕರಣಗಳು ದಾಖಲಾಗಿತ್ತು.
62-year-old woman Basheeran alias mummy wanted in 113 criminal cases including murder, arrested from Delhi's Sangam Vihar on Aug 17. DCP South Romil Baniya y'day said, 'she was active in crime world for past 16 yrs & committed several crimes with help of her 8 sons in past 9 yrs' pic.twitter.com/MLFpcJFlq0
— ANI (@ANI) August 19, 2018
2017 ರಲ್ಲಿ ಕೊಲೆ ಪ್ರಕರಣ ಸೇರಿದಂತೆ ಇದುವರೆಗೂ ಬಸಿರಾನ್ 9 ಬಾರಿ ಬಂಧಿಸಲಾಗಿದೆ. ಮತ್ತೊಂದು ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಸಿರಾನ್ ಇಬ್ಬರು ಪುತ್ರರು ಜೈಲು ಶಿಕ್ಷೆ ಅನುಭವಿಸುತ್ತಿರುವುದಾಗಿ ಪೊಲೀಸರು ಮಾಹಿತಿ ನೀಡಿದ್ದಾರೆ. ಅಲ್ಲದೇ ಪೊಲೀಸರ ಮಾಹಿತಿ ಅನ್ವಯ ಬಸಿರಾನ್ ಅಪರಾಧ ಕೃತ್ಯ ಕೇಂದ್ರ ಬಿಂದುವಾಗಿದ್ದು, ಈ ಪ್ರದೇಶ ಪ್ರಮುಖ ಕುಡಿಯುವ ನೀರಿನ ಕೇಂದ್ರಗಳ ಮೇಲೆ ತಮ್ಮ ಹಿಡಿತ ಹೊಂದಿದ್ದಳು. ಅಲ್ಲದೇ ಹಲವು ಅಕ್ರಮ ವ್ಯವಹಾರ ನಡೆಸುತ್ತಿದ್ದಳು ಎಂದು ತಿಳಿಸಿದ್ದಾರೆ.
#Godmother of #crime in #SangamVihar ends up behind bars! #SouthDistrict @DelhiPolice has arrested Basiran one of the top five dreaded #women criminals in #Delhi. wanted in a murder case & absconding last 08 mnths. She & her sons are previously involved 113 #Criminal cases pic.twitter.com/UAx0pyQzUP
— DCP South Delhi (@DCPSouthDelhi) August 19, 2018
ವ್ಯಕ್ತಿಯೊಬ್ಬರಿಂದ 21 ವರ್ಷದ ಮೀರಾಜ್ ಎಂಬ ಯುವಕನ್ನು ಕೊಲೆ ಮಾಡಲು ಬಸಿರಾನ್ 60 ಸಾವಿರ ರೂ. ಸುಪಾರಿ ಪಡೆದ್ದಳು. ಈ ಪ್ರಕರಣದಲ್ಲಿ ಕಳೆದ 8 ತಿಂಗಳಿನಿಂದ ಬಸಿರಾನ್ ನನ್ನು ಬಂಧಿಸಿಲು ಪೊಲೀಸರು ಪ್ರಯತ್ನಿಸುತ್ತಿದ್ದರು. ಆದರೆ ಸಂಬಂಧಿಗಳ ಸಹಾಯದಿಂದ ಪೊಲೀಸರ ಕೈಗೆ ಸಿಗದೆ ಬಸಿರಾನ್ ವಂಚಿಸುತ್ತಿದ್ದಳು. ಪೊಲೀಸರು ದೆಹಲಿಯ ಸಂಗಮ್ ವಿಹಾರ್ ಪ್ರದೇಶದ ಕೆಲ ಸಾರ್ವಜನಿಕರು ಹಾಗೂ ವಕೀಲರ ಸಹಾಯ ಪಡೆದು ಬಸಿರಾನ್ ರನ್ನು ಬಂಧಿಸಿದ್ದಾರೆ.
1990 ರಲ್ಲಿ ಅಪರಾಧ ಜಗತ್ತಿಗೆ ಪ್ರವೇಶಿಸಿದ ಬಸಿರಾನ್ ಮೊದಲು ಕಳ್ಳಭಟ್ಟಿ ವ್ಯವಹಾರ ನಡೆಸಿದ್ದಳು. ಬಳಿಕ ಅನೇಕ ಅಪರಾಧ ಕೃತ್ಯಗಳಲ್ಲಿ ತೊಡಗಿ ತನ್ನ ಮಕ್ಕಳಿಗೂ ಪ್ರೇರಣೆ ನೀಡಿದ್ದಳು. ವಿಶೇಷವೆಂದರೆ ಬಸಿರಾನ್ ಕುಟುಂಬದಲ್ಲಿ ಆಕೆಯ ಪತಿ ಮಲ್ಖನ್ ಸಿಂಗ್ ಮೇಲೆ ಯಾವುದೇ ಅಪರಾಧ ಪ್ರಕರಣ ದಾಖಲಾಗಿಲ್ಲ.
