ಪ್ಯಾರಿಸ್: ಕಾರು ನಿಲ್ಲಿಸದ್ದಕ್ಕೆ 17 ವರ್ಷದ ಯುವಕನನ್ನು ಗುಂಡಿನ ದಾಳಿ (France Shooting) ನಡೆಸಿ ಹತ್ಯೆ ಮಾಡಿದ್ದನ್ನು ಖಂಡಿಸಿ ಫ್ರಾನ್ಸ್ (France) ದೇಶಾದ್ಯಂತ ಹಿಂಸಾಚಾರ (Violence) ನಡೆದಿದೆ.
ಕಲ್ಲು ತೂರಾಟ ಮಾಡಿರುವ ಪ್ರತಿಭಟನಾಕಾರರು ವಾಹನಗಳಿಗೆ ಬೆಂಕಿ ಹಚ್ಚಿದ್ದಾರೆ. 40ಕ್ಕೂ ಹೆಚ್ಚು ಕಾರುಗಳು ಧಗಧಗಿಸಿವೆ. ಘರ್ಷಣೆಗಳಲ್ಲಿ 25ಕ್ಕೂ ಹೆಚ್ಚು ಪೊಲೀಸರು ಗಾಯಗೊಂಡಿದ್ದಾರೆ. ಇದನ್ನೂ ಓದಿ: ಚೀನಾ, ಪಾಕಿಸ್ತಾನದೊಂದಿಗೆ ಸಂಬಂಧ ಕಷ್ಟ: ಜೈಶಂಕರ್
Protests and riots have erupted across multiple suburbs in Paris after police shot dead a 17-year-old teenager for allegedly not stopping his car when ordered to. Naël M, who was of Algerian heritage, was driving a rental car early on Tuesday when he was ordered to stop by… pic.twitter.com/74zVHZhZ30
— red. (@redstreamnet) June 28, 2023
ಪೊಲೀಸರು ಪರಿಸ್ಥಿತಿ ನಿಭಾಯಿಸಲು ಟಿಯರ್ ಗ್ಯಾಸ್ ಪ್ರಯೋಗಿಸಿದ್ದಾರೆ. 160ಕ್ಕೂ ಹೆಚ್ಚು ಮಂದಿಯನ್ನು ಬಂಧಿಸಿದ್ದಾರೆ. ಚಾಲಕನನ್ನು ಕೊಂದ ಪೊಲೀಸರ ಕೃತ್ಯವನ್ನು ಖುದ್ದು ದೇಶಾಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್ (Emmanuel Macron) ಖಂಡಿಸಿದ್ದಾರೆ. ಇದು ಕ್ಷಮಿಸಲಾಗದ ಅಪರಾಧ ಎಂದು ಅಭಿಪ್ರಾಯಪಟ್ಟು ಜನ ಶಾಂತಿಯಿಂದ ಇರಬೇಕು ಎಂದು ಕರೆ ನಿಡಿದ್ದಾರೆ.
ಚಾಲಕನ ಮೇಲೆ ಗುಂಡು ಹಾರಿಸಿದ್ದ ಪೊಲೀಸ್ ಅಧಿಕಾರಿಯನ್ನು ಬಂಧಿಸಿ ಹತ್ಯೆ ಆರೋಪ ಹೊರಿಸಿ ಕೇಸ್ ದಾಖಲಿಸಲಾಗಿದೆ. ಪ್ಯಾರಿಸ್ ಸುತ್ತಮುತ್ತ ಬಿಗಿ ಬಂದೋಬಸ್ತ್ ಕಲ್ಪಿಸಲಾಗಿದೆ.
ನಡೆದಿದ್ದು ಏನು?
ಮಂಗಳವಾರ ಪ್ಯಾರಿಸ್ನಲ್ಲಿ ಪೊಲೀಸರು ಎಂದಿನಿಂದ ತಪಾಸಣೆ ಮಾಡುತ್ತಿದ್ದರು. ಈ ವೇಳೆ ಚೆಕ್ಪಾಯಿಂಟ್ನಲ್ಲಿ ಕಾರು ನಿಲ್ಲಿಸುವಂತೆ ಸೂಚಿಸಿದ್ದಾರೆ. ಆದರೆ ಪೊಲೀಸರ ಸೂಚನೆಯನ್ನು ಧಿಕ್ಕರಿಸಿ ಉತ್ತರ ಆಫ್ರಿಕಾದ ಮೂಲದ ಚಾಲಕ ಕಾರು ಚಲಾಯಿಸಿದ್ದಾನೆ. ಈ ಸಂದರ್ಭದಲ್ಲಿ ಪೊಲೀಸರು ಗುಂಡು ಹಾರಿಸಿದ್ದರು.
Web Stories
