ಬೆಂಗಳೂರು: ರಾಜ್ಯದ ಮಾಜಿ ಶಾಸಕರು ತಮ್ಮ ನಿವೃತ್ತಿ ವೇತನವನ್ನು ಹೆಚ್ಚಿಸಿ ಎಂದು ಸರ್ಕಾರಕ್ಕೆ ಒತ್ತಾಯಿಸಿದ್ದಾರೆ.
5 ರಿಂದ 10 ಸಾವಿರ ರೂ. ನಿವೃತ್ತಿ ವೇತನ ಹೆಚ್ಚಿಸಿ ಎಂದು ಸರ್ಕಾರಕ್ಕೆ ಒತ್ತಾಯಿಸಲಾಗಿದೆ. ನಮಗೂ ಮದುವೆ, ಮುಂಜಿ ಅಂತಹ ಕಾರ್ಯಕ್ರಮಗಳು ಕಡಿಮೆ ಆಗಿಲ್ಲ. ಜನರ ಭೇಟಿ ನಿಂತಿಲ್ಲ ಎಂದು ಮಾಜಿ ಶಾಸಕರು ಹೇಳುತ್ತಾರೆ. ಈಗ ಕೊಡುತ್ತಿರುವ ನಿವೃತ್ತಿ ವೇತನ ಸಾಕಾಗುತ್ತಿಲ್ಲ. 40 ಸಾವಿರ ನಿವೃತ್ತಿ ವೇತನಕ್ಕೆ ಐದರಿಂದ ಹತ್ತು ಸಾವಿರ ಸೇರಿಸಿ ಎಂದು ಆಗ್ರಹಿಸಿದ್ದಾರೆ.
ಮಾಜಿ ಶಾಸಕರು ಈ ಬೇಡಿಕೆ ಹಿಡಿದುಕೊಂಡು ವಿಪಕ್ಷ ನಾಯಕರು, ಸ್ಪೀಕರ್, ಸಭಾಪತಿ ಅವರ ಕಚೇರಿಗಳಿಗೆ ಭೇಟಿ ನೀಡಿದ್ದಾರೆ. ಒಂದು ವೇಳೆ ನಿವೃತ್ತಿಯ ವೇತನ ಹೆಚ್ಚಾದರೆ 650 ಮಂದಿ ಮಾಜಿ ಶಾಸಕರಿಗೆ ಅನುಕೂಲವಾಗಲಿದೆ ಎಂದು ಅಂದಾಜಿಸಲಾಗಿದೆ.
