ಪತ್ನಿಯ ಮೇಲೆ ಡೀಸೆಲ್ ಸುರಿದು ಕೊಲೆಗೆ ಯತ್ನಿಸಿದ ಅರಣ್ಯಾಧಿಕಾರಿ!

ರಾಯಚೂರು: ರಾಯಚೂರಿನ ಲಿಂಗಸೂಗೂರಿನ ಉಪವಲಯ ಅರಣ್ಯಾಧಿಕಾರಿಯೊಬ್ಬ ಮನೆಯವರ ಮಾತು ಕೇಳಿ ಪತ್ನಿ ಮೇಲೆ ಡೀಸೆಲ್ ಸುರಿದು ಕೊಲೆ ಮಾಡಲು ಯತ್ನಿಸಿದ ಘಟನೆ ನಡೆದಿದೆ.

ಅಧಿಕಾರಿ ಸಂಗಮೇಶ್ ಪಾಟೀಲ್ ಲಿಂಗಸುಗೂರಿನ ತನ್ನ ಮನೆಯಲ್ಲಿ ಪತ್ನಿಯ ಮೇಲೆಯೇ ಡೀಸೆಲ್ ಸುರಿದು ಕೊಲೆ ಮಾಡಲು ಯತ್ನಿಸಿದ್ದಾನೆ. 11 ತಿಂಗಳ ಹಿಂದೆ ಅಧಿಕಾರಿ ಮತ್ತು ಶ್ವೇತಾ ಇಬ್ಬರು ಮದುವೆಯಾಗಿದ್ದರು. ಮದುವೆಯಾಗಿದ್ದಾಗಿನಿಂದ ಅಧಿಕಾರಿ ಪತ್ನಿ ಶ್ವೇತಾ ಪಾಟೀಲ್ ಜೊತೆ ಸಂಸಾರ ಮಾಡದೇ ಪ್ರತಿನಿತ್ಯ ಜಗಳವಾಡುತ್ತಿದ್ದನು. ಕೊನೆಗೆ ಒಂದು ದಿನ ಡೀಸೆಲ್ ಸುರಿದು ಕೊಲೆ ಯತ್ನಿಸಿದ್ದಾನೆ ಅಂತ ಪತ್ನಿ ಶ್ವೇತಾ ಲಿಂಗಸಗೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.