ಮದುವೆ ಎಂದ ಕೂಡಲೇ ಮಹಿಳೆಯರಿಗೆ ತಕ್ಷಣ ನೆನಪಾಗುವುದು ಸೀರೆ, ಆಭರಣ, ಮೇಕಪ್, ಹೇರ್ ಸ್ಟೈಲ್, ಮೆಹಂದಿ ಹೀಗೆ ಅನೇಕ ಅಲಂಕಾರ ವಸ್ತುಗಳು. ವಧು ಮದುವೆ ವೇಳೆ ಉಡುಪು, ಆಭರಣ, ಮೇಕಪ್‍ಗೆ ಎಷ್ಟು ಪ್ರಾಮುಖ್ಯತೆ ನೀಡುತ್ತಾರೆ ಅಷ್ಟೇ ಪ್ರಾಮುಖ್ಯತೆ ಮೆಹಂದಿಗೂ ನೀಡುತ್ತಾರೆ.
ಚಿಕ್ಕ-ಮಕ್ಕಳಿಂದ ದೊಡ್ಡವರವರೆಗೂ ಮೆಹಂದಿ ಎಂದರೆ ಎಲ್ಲರಿಗೂ ಅಚ್ಚು-ಮೆಚ್ಚು. ಮದುವೆ ಸಮಾರಂಭಗಳಲ್ಲಂತೂ ಮದುಮಗಳು ಮೆಹಂದಿ ಹಾಕದೇ ಇದ್ದರೆ ಮದುವೆ ಕಂಪ್ಲೀಟ್ ಆಗಿದೆ ಎಂದು ಎನಿಸುವುದೇ ಇಲ್ಲ. ನಿಜವಾಗಿ ಹೇಳಬೇಕೆಂದರೆ ಮಹೆಂದಿ ಭಾರತದ ಹಳೆಯ ಸಂಸ್ಕೃತಿ ಮತ್ತು ಸಂಪ್ರದಾಯವನ್ನು ಸೂಚಿಸುತ್ತದೆ.
ಮದುವೆ ಸಮಯದಲ್ಲಿ ವಧುವಿನ ಕೈಗಳಿಗೆ ಮೆಹಂದಿ ಎಷ್ಟು ಮುಖ್ಯವೋ ಕಾಲಿಗೂ ಸಹ ಅಷ್ಟೇ ಮುಖ್ಯ. ಮೆಹಂದಿ ವಧುವಿನ ಕೈಗಳನ್ನು ಎಷ್ಟು ಸುಂದವಾಗಿ ಕಾಣಿಸುವಂತೆ ಮಾಡುತ್ತದೆಯೋ ಪಾದಗಳನ್ನು ಕೂಡ ಅಷ್ಟೇ ಆಕರ್ಷಕವಾಗಿ ಕಾಣಿಸುವಂತೆ ಮಾಡುತ್ತದೆ. ಮೆಹಂದಿ ವಧುವಿನ ಅಂದವನ್ನು ಹೆಚ್ಚಿಸುತ್ತದೆ. ಎಷ್ಟೋ ಮಹಿಳೆಯರು ಕೈಗಳಿಗೆ ಸುಲಭವಾಗಿ ಮೆಹಂದಿ ಡಿಸೈನ್ ಸೆಲೆಕ್ಟ್ ಮಾಡಿ ಹಾಕಿಸಿಕೊಳ್ಳುತ್ತಾರೆ. ಆದರೆ ಕಾಲಿಗೆ ಯಾವ ರೀತಿಯ ಮೆಹಂದಿ ಡಿಸೈನ್ ಸೂಟ್ ಆಗುತ್ತದೆ ಎಂದು ಮಾತ್ರ ತಿಳಿದಿರುವುದಿಲ್ಲ. ಅಂತವರಿಗೆ ಪಾದಕ್ಕೆ ಹಾಕಬಹುದಾದ ಕೆಲವೊಂದು ಮೆಹಂದಿ ಡಿಸೈನ್‍ಗಳ ಕುರಿತ ಮಾಹಿತಿ ಈ ಕೆಳಗೆ ನೀಡಲಾಗಿದೆ. ಇದನ್ನೂ ಓದಿ: ಹಿಂದೂಗಳಿಲ್ಲದೆ ಭಾರತವಿಲ್ಲ, ಭಾರತವಿಲ್ಲದೆ ಹಿಂದೂಗಳಿಲ್ಲ: ಮೋಹನ್ ಭಾಗವತ್
ಟ್ರೆಡಿಶನಲ್ ಫೂಟ್ ಮೆಹಂದಿ ಡಿಸೈನ್:
ಕಾಲ್ಬೆರಳುಗಳ ಮೇಲೆ ಬಿಡಿಸುವ ಮೆಹಂದಿ ಡಿಸೈನ್‍ಗಳು ಸಾಮಾನ್ಯವಾಗಿ ಎದ್ದು ಕಾಣಿಸುತ್ತದೆ. ಅದರಲ್ಲಿಯೂ ಪಾದಗಳ ಮೇಲೆ ನವಿಲಿನ ಆಕೃತಿ, ಎಲೆಗಳು, ಚುಕ್ಕೆಗಳು ಹಾಗೂ ಹೂವಿನ ಮಾದರಿಯ ಡಿಸೈನ್ ಬಹಳ ಸುಂದರವಾಗಿ ಕಾಣಿಸುತ್ತದೆ. ಈ ಮೆಹಂದಿ ಡಿಸೈನ್‍ಗಳ ಜೊತೆಗೆ ಕೆಂಪು ಬಣ್ಣದ ನೈಲ್ ಪಾಲೀಷ್ ಪಾದಗಳಿಗೆ ಕಂಪ್ಲೀಟ್ ಲುಕ್ ನೀಡುತ್ತದೆ.
ಫೂಟ್ ಮೆಹಂದಿ ವಿತ್ ಡಿಫರೆಂಟ್ ಫಿಗರ್ಸ್:
ಮೆಹಂದಿ ಕಲಾವಿದರೊಬ್ಬರು ಇದರಲ್ಲಿ ವಿವಿಧ ರೀತಿಯ ಡಿಸೈನ್‍ಗಳನ್ನು ಬಿಡಿಸಿದ್ದಾರೆ. ತ್ರಿಕೋನಗಳು, ಹೃದಯಗಳು, ಹೂಗಳ ಡಿಸೈನ್, ಪಾದಗಳ ಜಿಗ್‍ಜಾಗ್ ರೀತಿಯಲ್ಲಿ ಚುಕ್ಕೆಗಳನ್ನು ಬಿಡಿಸಿದ್ದು, ಪಾದಗಳನ್ನು ಸುಂದರಗೊಳಿಸಿದ್ದಾರೆ. ದನ್ನೂ ಓದಿ: ಶ್ರೀ ಕ್ಷೇತ್ರ ಕೈವಾರದಲ್ಲೊಂದು ಅಪರೂಪದ ಮದುವೆ
ಅರೆಬಿಕ್ ಮೆಹಂದಿ ಡಿಸೈನ್ಸ್:
ಇದೊಂದು ಸುಂದರವಾದ ಅರೇಬಿಕ್ ಮೆಹಂದಿ ಡಿಸೈನ್ ಆಗಿದ್ದು, ಬಹಳ ಸುಲಭವಾಗಿ ಬಿಡಿಸಬಹುದಾದ ಚಿಕ್ಕ ಡಿಸೈನ್ ಆಗಿದೆ. ಈ ಮೆಹಂದಿ ಡಿಸೈನ್‍ಗಳ ತುದಿಯಲ್ಲಿ ಎಲೆಗಳನ್ನು, ಹೂವುಗಳನ್ನು ಬಿಡಿಸಲಾಗಿದೆ. ಇದರ ವಿಶೇಷತೆ ಏನೆಂದರೆ ನೀವು ಬಯಸುವಂತಹ ಡಿಸೈನ್ ಅನ್ನು ಸಹ ಇದರ ಮಧ್ಯ, ಮಧ್ಯದಲ್ಲಿ ಸೇರಿಸಬಹುದಾಗಿದೆ.
ಯೂನಿಕ್ ಫೂಟ್ ಮೆಹಂದಿ ಡಿಸೈನ್ಸ್:
ಇದೊಂದು ಯೂನಿಕ್ ಲುಕ್ ನೀಡುವ ಮೆಹಂದಿ ಡಿಸೈನ್ ಆಗಿದ್ದು, ಚಿಕ್ಕ ಚಿಕ್ಕ ಹೂವು ಹಾಗೂ ಎಲೆಗಳ ಡಿಸೈನ್ ಅನ್ನು ಪಾದದ ಮುಂಭಾಗ ಮತ್ತು ಹಿಂಭಾಗ ಎರಡು ಕಡೆಗಳಲ್ಲಿ ವಿನ್ಯಾಸಗೊಳಿಸಲಾಗಿದೆ ಮತ್ತು ಇದರಲ್ಲಿಟ್ಟಿರುವ ಚುಕ್ಕೆಗಳು ಬಹಳ ಆಕರ್ಷಕವಾಗಿ ಕಾಣಿಸುತ್ತದೆ. ಇದನ್ನೂ ಓದಿ: ನನ್ನ ಆರೋಗ್ಯ ಸ್ಥಿರವಾಗಿದೆ, ಸುಧಾರಣೆಗಳ ಸುಂದರ ಕಥೆಗಳನ್ನು ಓದಿಕೊಳ್ಳುತ್ತಿದ್ದೇನೆ: ಹಂಸಲೇಖ
ಷೇಡೆಡ್ ಮೆಹಂದಿ ಡಿಸೈನ್‍ಗಳು:
ಷೇಡೆಡ್ ಮೆಹಂದಿ ಡಿಸೈನ್‍ಗಳು ಶಾರ್ಟ್ ಆ್ಯಂಡ್ ಸ್ವೀಟ್ ಲುಕ್ ನೀಡುತ್ತದೆ. ಈ ಡಿಸೈನ್‍ಗಳು ಯಾವುದೇ ಸಮಾರಂಭಗಳಿಗೂ ಬಹಳ ಸುಂದರವಾಗಿ ಕಾಣಿಸುತ್ತದೆ. ಈ ಮೆಹಂದಿ ಡಿಸೈನ್‍ಗಳನ್ನು ಸುಲಭವಾಗಿ ಬಿಡಿಸಬಹುದಾಗಿದೆ ಮತ್ತು ಇದು ನಿಮ್ಮ ಮುದ್ದಾದ ಪಾದಗಳನ್ನು ಮತ್ತಷ್ಟು ಅಂದಗೊಳಿಸುತ್ತದೆ.
