ಬೆಳಗಾವಿ: ಗೋಕಾಕ್ ಜಲಪಾತದಲ್ಲಿ ಬಿದ್ದು ಸಾವನ್ನಪ್ಪಿದ್ದ ಯುವಕನ ಶವ ಸೋಮವಾರ ಮಧ್ಯಾಹ್ನ ಪತ್ತೆಯಾಗಿದೆ.
ಜಿಲ್ಲೆಯ ಗೋಕಾಕ್ ಪಟ್ಟಣದ ಹೊರವಲಯದಲ್ಲಿರು ಫಾಲ್ಸ್ ನಲ್ಲಿ ಎರಡು ದಿನಗಳ ಹಿಂದೆ ಸ್ನೇಹಿತರೊಂದಿಗೆ ತಮಾಷೆಮಾಡಲು ಹೋಗಿ ಘಟಪ್ರಭಾ ನಿವಾಸಿ ರೆಹೆಮಾನ್ ಉಸ್ಮಾನ್ ಖಾಜಿ (35) ಎಂಬ ಯುವಕ ಜಲಪಾತದಲ್ಲಿ ಜಾರಿ ಬಿದ್ದು ಸಾವನ್ನಪ್ಪಿದ್ದ.
ಯುವಕನ ಶವಕ್ಕಾಗಿ ಕಳೆದ ಎರಡು ದಿನಗಳಿಂದ ಅಗ್ನಿಶಾಮಕ ದಳದ ಸಿಬ್ಬಂದಿ ಹುಡುಕಾಟ ನಡೆಸುತ್ತಿತ್ತು. ಆಳ ಹೆಚ್ಚಾಗಿದ್ದರಿಂದ ಶವ ಪತ್ತೆ ಕಾರ್ಯಕ್ಕೆ ಜಲಪಾತದ ಕೆಳಗೆ ಇಳಿಯಲಾಗದೇ ಸಾಕಷ್ಟು ಅಡಚಣೆಯಾಗಿತ್ತು. ಆದರೆ ಸತತ ಎರಡು ದಿನಗಳ ಕಾರ್ಯಾಚರಣೆ ನಂತರ ಶವವನ್ನು ಹೊರತೆಗೆಯುವಲ್ಲಿ ಅಗ್ನಿಶಾಮಕ ದಳದ ಸಿಬ್ಬಂದಿ ಯಶಸ್ವಿಯಾಗಿದ್ದಾರೆ.
