ದೃಶ್ಯಂ ಸಿರೀಸ್ ಸಿನಿಮಾಗಳು ಭಾರತೀಯ ಚಿತ್ರರಂಗದಲ್ಲಿ ಭರ್ಜರಿ ಹವಾ ಕ್ರಿಯೇಟ್ ಮಾಡಿವೆ. ಮಲಯಾಳಂ, ತೆಲುಗು ಹಾಗೂ ಕನ್ನಡ ಭಾಷೆಯಲ್ಲಿ ಈ ಸಿರೀಸ್ ಮಾಡಿದ ಸದ್ದು ಅಷ್ಟಿಸ್ಟಲ್ಲ. ಸಸ್ಪೆನ್ಸ್, ಕ್ರೈಂ ಥ್ರಿಲ್ಲರ್ ಸಿನಿಮಾ ಪ್ರೇಕ್ಷಕರ ಮನಸ್ಸಿನಲ್ಲಿ ಅಚ್ಚಳಿಯದೇ ಉಳಿಯುವಂತಹ ಕಥೆ ಪ್ರೇಕ್ಷಕರಿಗೆ ಹೊಸ ಅನುಭವವನ್ನ ನೀಡಿದ್ದವು.
ಮೋಸ್ಟ್ ಅವೈಟೆಡ್ ದೃಶ್ಯಂ-3 (Drishyam 3) ಸಿನಿಮಾ ಇದೇ ಅಕ್ಟೋಬರ್‌ನಲ್ಲಿ ತೆರೆಗೆ ಬರಲು ರೆಡಿಯಾಗಿದೆ. ಈ ಬಗ್ಗೆ ಈಗಾಗಲೇ ಮೋಹನ್‌ಲಾಲ್ (Mohanlal) ತಮ್ಮ ಅಭಿಮಾನಿಗಳಿಗೆ ಗುಡ್‌ನ್ಯೂಸ್ ಕೊಟ್ಟಿದ್ದಾರೆ. ಇನ್ನು ಈ ಸಿನಿಮಾದ ಕಥೆ ಈ ಬಾರಿ ಡಿಫರೆಂಟ್ ಆಗಿ ಇರಲಿದ್ದು, ಮತ್ತೊಂದಿಷ್ಟು ಟ್ವಿಸ್ಟ್ ಅಂಡ್ ಟರ್ನ್ಸ್ ಇರಲಿದೆಯಂತೆ.
ನಿರ್ದೇಶಕ ಜೀತು ಜೊಶೆಫ್ ಈ ಬಾರಿ ಜಾರ್ಜ್ ಕುಟ್ಟಿ ಪಾತ್ರವನ್ನ ಎಂಡ್ ಮಾಡ್ತಾರಾ..? ಅಥವಾ ಮತ್ತೊಂದು ಪಾರ್ಟ್‌ಗೆ ಈ ಸಿನಿಮಾದ ಎಂಡ್‌ನಲ್ಲಿ ಹಿಂಟ್ ಕೊಡುತ್ತಾರಾ ಅಂತಾ ಕಾಯ್ತಿದೆ ಅಭಿಮಾನಿ ಬಳಗ. ಅಲ್ಲದೇ ದೃಶ್ಯಂ ಪಾರ್ಟ್-1 ಹಾಗೂ ಪಾರ್ಟ್-2 ಸಿನಿಮಾಗಳಿಗಿಂತ ಅಕ್ಟೋಬರ್‌ನಲ್ಲಿ ತೆರೆಗೆ ಬರುವ ದೃಶ್ಯಂ-3 ಸಿನಿಮಾ ವಿಭಿನ್ನವಾಗಿರಲಿದೆಯಂತೆ.
ದೃಶ್ಯಂ ಪಾರ್ಟ್-1 ಹಾಗೂ ಪಾರ್ಟ್-2 ಮಲಯಾಳಂನಲ್ಲಿ ಮುಖ್ಯಪಾತ್ರದಲ್ಲಿ ಮೋಹನ್‌ಲಾಲ್ ನಟನೆ ಮಾಡಿದ್ರೆ, ತೆಲುಗಿನಲ್ಲಿ ವೇಂಕಟೇಶ್ ದಗ್ಗುಬಾಟಿ ನಟಿಸಿದ್ದರು. ಇನ್ನು ಕನ್ನಡ ಅವತರಣಿಕೆಯಲ್ಲಿ ಕ್ರೇಜಿಸ್ಟಾರ್ ರವಿಚಂದ್ರನ್ ನಟನೆ ಮಾಡಿ ಪ್ರೇಕ್ಷಕ ವರ್ಗಕ್ಕೆ ಬರಪೂರ ಮನರಂಜನೆ ನಿಡಿದ್ದರು. ಫಸ್ಟ್ ಲುಕ್ ನೋಡಿಯೇ ಫಿದಾ ಆಗಿರುವ ಫ್ಯಾನ್ಸ್ ಸಿನಿಮಾ ಕಣ್ತುಂಬಿಕೊಳ್ಳಲು ತುದಿಗಾಲಲ್ಲಿ ನಿಂತು ಕಾಯ್ತಿದ್ದಾರೆ.
