ನದಿಗೆ ಹಾರಿ ಸಿಆರ್‌ಪಿಎಫ್ ಯೋಧರಿಂದ ಬಾಲಕಿಯ ರಕ್ಷಣೆ: ವಿಡಿಯೋ

Public TV
1 Min Read

ಶ್ರೀನಗರ್: ನದಿಗೆ ಹಾರಿ ಸಿಆರ್‌ಪಿಎಫ್ ಯೋಧರು ಬಾಲಕಿಯನ್ನು ರಕ್ಷಿಸಿದ ಘಟನೆ ಇಂದು ಜಮ್ಮು- ಕಾಶ್ಮೀರದ ಟ್ಯಾಂಗ್‍ಮಾರ್ಗ್ ಪಟ್ಟಣದ ಬಾರಾಮುಲ್ಲಾದಲ್ಲಿ ನಡೆದಿದೆ.

ಯೋಧರು ಬಾಲಕಿಯನ್ನು ರಕ್ಷಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಬಾಲಕಿ ಕಿರುಚುತ್ತಿದ್ದ ಶಬ್ಧ ಕೇಳಿ ಐವರು ಯೋಧರು ಕಲ್ಲಿನ ಮೇಲೆ ಓಡಿ ಹೋಗುತ್ತಾ ನದಿಯತ್ತ ತೆರಳಿದ್ದಾರೆ. ಈ ವೇಳೆ ಯೋಧರು ಬಾಲಕಿ ನದಿಯಲ್ಲಿ ಕೊಚ್ಚಿ ಹೋಗುತ್ತಿರುವುದನ್ನು ಗಮನಿಸಿದ್ದಾರೆ.

ಬಾಲಕಿ ನದಿಯಲ್ಲಿ ಕೊಚ್ಚಿ ಹೋಗುತ್ತಿರುವುದನ್ನು ನೋಡಿದ ಸಿಆರ್‌ಪಿಎಫ್ ಯೋಧರಲ್ಲಿ ಇಬ್ಬರು ನದಿಗೆ ಹಾರಿ ಆಕೆಯನ್ನು ರಕ್ಷಿಸಲು ಪ್ರಯತ್ನಿಸಿದ್ದಾರೆ. ಬಳಿಕ ಉಳಿದ ಯೋಧರು ಕೂಡ ನದಿಗೆ ಹಾರಿ ಮಾನವ ಸರಪಳಿಯನ್ನು ನಿರ್ಮಿಸಿದರು.

ಯೋಧರು ಸಿಆರ್‌ಪಿಎಫ್ ನ 176ನೇ ಬೆಟಾಲಿಯನ್‍ಗೆ ಸೇರಿದ್ದು, ಕೊನೆಗೆ ಬಾಲಕಿಯನ್ನು ರಕ್ಷಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ವಿಡಿಯೋ ಈಗ ವೈರಲ್ ಆಗಿದ್ದು, ಯೋಧರ ಸಾಹಸಕ್ಕೆ ಮೆಚ್ಚುಗೆ ವ್ಯಕ್ತವಾಗಿದೆ.

Share This Article
Leave a Comment

Leave a Reply

Your email address will not be published. Required fields are marked *