ಚಿಕ್ಕಮಗಳೂರು: ಮೇಯುತ್ತಾ ಬಂದ ಹಸುವೊಂದು ನೀರು ಕುಡಿಯಲು ಹೋಗಿ ಆಯತಪ್ಪಿ ಗ್ರಾಮ ಪಂಚಾಯ್ತಿ ಹಿಂಭಾಗವಿರುವ ಬಾವಿಗೆ ಬಿದ್ದಿರುವ ಘಟನೆ ಚಿಕ್ಕಮಗಳೂರು ಜಿಲ್ಲೆ ಮೂಡಿಗೆರೆ ತಾಲೂಕಿನ ಹೆಸ್ಗಲ್ ಗ್ರಾಮದಲ್ಲಿ ನಡೆದಿದೆ.
ಗ್ರಾಮ ಪಂಚಾಯ್ತಿ ಹಿಂಭಾಗದಿಂದ ಮೇಯುತ್ತಾ ಬಂದು ಬಿಸಿಲಿನ ಧಗೆಗೆ ನೀರು ಕುಡಿಯಲು ಹೋಗಿ ಬಾವಿಗೆ ಬಿದ್ದಿದೆ ಎಂದು ಶಂಕಿಸಲಾಗಿದೆ. ಆದರೆ ಹಸು ಬಾವಿಗೆ ಬಿದ್ದಿದೆ ಎಂದು ಗೊತ್ತಾಗುತ್ತಿದ್ದಂತೆ ಸ್ಥಳೀಯರು ಹಾಗೂ ಅಗ್ನಿಶಾಮಕ ಸಿಬ್ಬಂದಿ ಸುಮಾರು ಎರಡರಿಂದ ಮೂರು ಗಂಟೆ ಕಾರ್ಯಾಚರಣೆ ನಡೆಸಿದ ಬಳಿಕ ಹಸುವನ್ನು ಮೇಲೆತ್ತಿದ್ದಾರೆ.
ಅಗ್ನಿಶಾಮಕ ಸಿಬ್ಬಂದಿಯೊಂದಿಗೆ ಬಾವಿಗೆ ಇಳಿದ ಸ್ಥಳೀಯರು ಹಸುವಿನ ದೇಹಕ್ಕೆ ಯಾವುದೇ ಗಾಯವಾಗದಂತ ಬೆಲ್ಟ್ ರೀತಿಯ ಸಾಮಾಗ್ರಿ ಹಾಗೂ ಹಗ್ಗ ಕಟ್ಟಿ ಮೇಲೆತ್ತಿದ್ದಾರೆ. ಬಾವಿಯಲ್ಲೂ ಹೆಚ್ಚಾಗಿ ನೀರು ಇಲ್ಲದಿರೋದ್ರಿಂದ ಹಸುವನ್ನು ಸ್ಥಳೀಯರು ಹಾಗೂ ಅಗ್ನಿಶಾಮಕ ಸಿಬ್ಬಂದಿ ಸುಲಭವಾಗಿ ಮೇಲೆತ್ತಿದ್ದಾರೆ.
ಸದ್ಯ ಬಾವಿಯಲ್ಲಿ ನೀರು ಕಡಿಮೆ ಇದ್ದಿದ್ರಿಂದ ಹಸುವಿನ ಜೀವಕ್ಕೂ ಯಾವುದೇ ಅಪಾಯ ಸಂಭವಿಸಿಲ್ಲ.
